Ser ingen grunn til EU-vending

Senterpartiet har gått fram på målingane sidan Sp-leiar Trygve Slagsvold Vedum sa frå seg regjeringsmakt for å unngå å vere med på å innføre tre direktiv frå EUs fjerde energimarknadspakke i den norske lova. 

Men det har skjedd mykje anna sidan den gong. Ap har lagt fram ei ny straumstøtteordning, henta Jens Stoltenberg tilbake til norsk politikk og teke langt større byks framover på meiningsmålingane enn Sp.

Og internasjonalt er det aukande turbulens. Lange venskap og alliansar har fått fleire skot for baugen, og spelereglar som har lege fast i generasjonar, endrar seg no dag for dag. Det igjen vert fremja som argument for at Noreg bør knyte seg tettare til EU, som Sp vil ha større avstand til.

Er det ei like god avgjerd i dag som for tre veker sidan å gå ut av regjeringa, spør Dag og Tid Sp-leiar Trygve Slagsvold Vedum.

– Absolutt, for i botnen handlar dette om kven det er som skal ta avgjerder som gjeld folk i Noreg. EØS-avtalen går inn på stadig nye område og inneber at avgjerder på stadig nye område vert tekne vekke frå norsk røyndom og utanfor det folkevalde styret vårt. Vi er uroa over utviklinga og vil at dei som tek avgjerder, skal kunne stillast til ansvar ved val, og av dei som vert råka av avgjerdene.

– Dei tre direktiva de sa nei til, vert omtalte som uproblematiske for Noreg. Og statistisk sett har de, saman med Ap, på tre år no teke inn fleire EU-rettsakter i EØS-avtalen enn noka anna regjering tidlegare. Kvifor var det viktig å setje ned foten nett her?

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare