EU
EU-aktivistar ser mot Island
Islands regjering planlegg folkerøysting om EU-forhandlingar. Ein fornuftig framgangsmåte også i Noreg, meiner Europarørsla. Ein taktisk manøver frå jasida, svarer Nei til EU.
Islands statsminister Kristrún Mjöll Frostadóttir planlegg folkerøysting om EU-forhandlingar. Her i lag med statsminister Jonas Gahr Støre (Ap) i statsministerbustaden i Oslo.
Foto: Annika Byrde / NTB
Både ja- og neifolk ser for tida mot Island. Sidan slutten av 2024 har Islands regjering styrt etter ei plattform som lovar å gjennomføre ei folkerøysting om å ta opp att forhandlingane om EU-medlemskap.
Det islandske Alltinget ventar no på at utanriksministeren skal ta det første steget i prosessen, som er å leggje fram eit forslag for parlamentet.
– Utan at eg sit på innsideinformasjon, trur eg regjeringa vil halde folkerøystinga heller før enn seinare, sa alltingsrepresentant Pawel Bartoszek til Dag og Tid nyleg.
Dersom partia på Alltinget røystar slik dei har signalisert, og ikkje stikk kjeppar i hjula for regjeringa, kan folkerøystinga verte gjennomført alt i år, eventuelt neste år.
– Klok tilnærming
Leiar i Europarørsla Trine Lise Sundnes har sans for Islands planlagde totrinnsrakett – der dei ber folket røyste først om forhandlingar og sidan – eventuelt – om medlemskap.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
