Berre delvis vellukka storsatsing
Småmorosam musikalsk historiespel laga etter malen «alt er lov».
Harald Hårfagre (Kaada) og Gyda (Wang) på Rogaland Teater.
Foto: Grethe Nygaard
Rogaland Teater i Stavanger Konserthus
Matilde Holdhus og Mathias Luppichini:
Hårfagre
Regi: Jostein Kirkeby-Garstad
Scenografi og kostyme: Dagny Drage Kleiva
«Skrønike» har dei ansvarlege for denne framsyninga kalla det, og ei dryg skrøne er det blitt. Ein musikal om korleis Harald Hårfagre (teatersjef Glenn Andre Kaada) samla landet, med utgangspunkt i frisørhovudstaden Stavanger anno sånn cirka 860–872.
Prosjektet hans med ikkje å klippe håret før landet er samla, dannar mote, med det til følgje at ei stor og viktig frisørnæring er truga av konkurs. Som om ikkje den mordlystne rikssamlaren hadde nok å stri med frå før! Som det ofte var med kongsemna på den tida, har heller ikkje Harald full oversikt over ætteboka, men det meste ordnar seg til slutt for både han og frisørkjærasten Gyda (Mareike Wang). Elles markerer Kim Fairchild seg med friskt komediespel og framifrå song.
Til den påkosta storsatsinga i høve Rogaland Teaters 75-årsjubileum er det ikkje spart på noko, men manuset er ikkje betre enn det treng vere. Trass i dans og song og speloppar, «folkeleg» humor, oppfinnsame anakronismar og eit og anna velretta spark til naboar i nord og især i sør, hever historia seg berre innimellom over det småmorosame. På plussida kjem mellom anna at kongsemnet held seg med kommunikasjonsrådgivarar eller spinnedoktorar, men dette poenget kunne blitt langt betre om dei hadde fått gode nok replikkar og idear.
Det store ensemblet går inn for oppgåva med overskot og speleglede, og kapellmeister Tove Kragset og dei seks medmusikantane hennar held oppe rytme og tempo.
Jan H. Landro
Jan H. Landro er forfattar, journalist og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rogaland Teater i Stavanger Konserthus
Matilde Holdhus og Mathias Luppichini:
Hårfagre
Regi: Jostein Kirkeby-Garstad
Scenografi og kostyme: Dagny Drage Kleiva
«Skrønike» har dei ansvarlege for denne framsyninga kalla det, og ei dryg skrøne er det blitt. Ein musikal om korleis Harald Hårfagre (teatersjef Glenn Andre Kaada) samla landet, med utgangspunkt i frisørhovudstaden Stavanger anno sånn cirka 860–872.
Prosjektet hans med ikkje å klippe håret før landet er samla, dannar mote, med det til følgje at ei stor og viktig frisørnæring er truga av konkurs. Som om ikkje den mordlystne rikssamlaren hadde nok å stri med frå før! Som det ofte var med kongsemna på den tida, har heller ikkje Harald full oversikt over ætteboka, men det meste ordnar seg til slutt for både han og frisørkjærasten Gyda (Mareike Wang). Elles markerer Kim Fairchild seg med friskt komediespel og framifrå song.
Til den påkosta storsatsinga i høve Rogaland Teaters 75-årsjubileum er det ikkje spart på noko, men manuset er ikkje betre enn det treng vere. Trass i dans og song og speloppar, «folkeleg» humor, oppfinnsame anakronismar og eit og anna velretta spark til naboar i nord og især i sør, hever historia seg berre innimellom over det småmorosame. På plussida kjem mellom anna at kongsemnet held seg med kommunikasjonsrådgivarar eller spinnedoktorar, men dette poenget kunne blitt langt betre om dei hadde fått gode nok replikkar og idear.
Det store ensemblet går inn for oppgåva med overskot og speleglede, og kapellmeister Tove Kragset og dei seks medmusikantane hennar held oppe rytme og tempo.
Jan H. Landro
Jan H. Landro er forfattar, journalist og fast teatermeldar i Dag og Tid.
Fleire artiklar
Barnelege og stipendiat Joel Selvakumar er kritisk til fleire artiklar Dag og Tid har publisert om seinfølger av covid-19.
Foto: Terje Pedersen / NTB
Einsidig om seinfølger
Risikoen for seinfølger etter covid-19 har falle dramatisk, og det er ikkje grunn til å tru at han aukar med gjentatte infeksjonar
Ameline med den fyrstefødde, Symra, i 2018.
Foto: Svein Gjerdåker
Dag og Tid-kua Ameline er daud
Ein morgon i mars låg Ameline daud i fjøset til Hilde og Lars Selheim på Voss.
Kjønnsfilosof Judith Butler
Foto: Elliott Verdier / The New York Times / NTB
Feltnotat frå kulturkrigane
Kjønnsdebatten har innteke hovudscena i internasjonal politikk. På veg for å intervjue verdas mest innflytelsesrike kjønnsfilosof, Judith Butler, forsøker eg å orientere meg i ein raskt ekspanderande konflikt.
Austad kyrkje, som no er stengd.
Foto: Olav Grendstad
Kyrkjeforvirring i Bygland
Bygland er ein kommune på Agder. Han har under 1200 innbyggarar, og det har vore minkande folketal i mange år. Men noko vert det ikkje færre av: kyrkjebygg.
På vei opp til Himmeltinden, Vestvågøy i Lofoten.
Foto: Pernille Ekornrud Grøndal
Friluftslivsparadokset
Det norske friluftslivet har vorte kommersielt. Kan vi sjå føre oss eit meir nøkternt alternativ?