Lyden av skrift

Eitt av mange skilje i kunnskapshistoria går mellom det germanske og det angloamerikanske. Tyskspråklege historikarar framhevar gjerne tidlege sentraleuropeiske innslag når ny teknologi skal skildrast. Angloamerikanske forfattarar ser gjerne andre pionerar.

Bokstavskrifta vann fram, og skrivemaskinen styrkte den posisjonen. Gjennomslagspapir og kopipapir gav nyordet blåkopi, og kopimaskinen gjorde forfattaren Rank Xerox til «vår flittigaste og mest miskjende dokumentarist», som Kjartan Fløgstad skriv i ein roman trykt i mange titusen eksemplar av Norbok på Gjøvik.

Mekanisk handskrift

Det som kan reknast som den første skrivemaskinen, skriv seg frå den tyske oppfinnaren Karl Freiherr von Drais. Til sin blinde far laga han i 1821 ein skrivemaskin med ein tast for kvar bokstav. Nokon masseproduksjon blei det likevel ikkje før våpenindustrien tok affære.

Den amerikanske bok­­trykkjaren og oppfinnaren Christopher Latham Sholes utvikla ein skrivemaskin saman med Carlos Glidden og Samuel Soulé. Dei tekniske løysingane deira blei retningsgivande for all seinare produksjon av manuelle skrivemaskinar.

Sholes sel rettane til våpenprodusenten Remington Arms i New York, som lanserer Sholes & Glidden Type-Writer i 1874. Modellen har 44 tastar og skriv berre store bokstavar. Få år seinare er også dei små bokstavane på plass. På 2000-talet er standarden blitt 105 tastar.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare