Verda sett frå solsida
Den som vil ha ei motvekt mot klimapessimisme, kan ringje Stig Schjølset, fagsjef i miljøstiftinga Zero.
peranders@dagogtid.no
Stig Schjølset har mellom anna fortid som fagdirektør i Klima- og miljødepartementet og som analytikar i Point Carbon. «Det ser ut til å ligge mer håp i marked enn i politikk», skreiv han nyleg i ein artikkel for Energi og Klima. Her peikar Schjølset på at Statkraft, DNV, Rystad Energy og andre som analyserer energimarknaden, har langt meir optimistiske klimaprognosar enn dei som ser på politikken.
– Om du ser på klimapolitikken som er lova, reknar du deg kanskje fram til ei oppvarming på 2,5 eller 2,8 gradar i dette hundreåret. Men dei som ser på kor fort teknologiutviklinga går, og på dei fallande kostnadene med fornybar energi, har langt meir positive konklusjonar, seier Schjølset.
Han viser mellom anna til Statkraft, som spår at oppvarminga blir avgrensa til to gradar.
– For berre sju år sidan var det mange analysar som peika mot ei oppvarming på 3,5 gradar i dette hundreåret. Men det er det ingen som trur lenger. Og det er ikkje så mykje på grunn av klimapolitikken, det er på grunn av dei fallande kostnadene for fornybar energi.
Teknologiutviklinga er ikkje avhengig av at alle land har ein ambisiøs klimapolitikk, påpeikar Schjølset.
– Men det har hjelpt at til dømes Tyskland har gått føre og subsidiert solkraft. Det har bidrege til å få skalert opp produksjonen og drive ned kostnadene.
– Dei globale utsleppa veks framleis. Skal vi nå klimamåla, må det kome ein brå knekk i kurven?
– Ja, og målet om å avgrense oppvarminga til halvannan grad er svært vanskeleg å nå. Men å nå togradarsmålet krev ingen mirakel. Politikarane må berre ikkje motarbeide utviklinga, til dømes ved å subsidiere fossil energi. Og når dei store utsleppslanda forsterkar klimapolitikken sin, vil utviklinga verkeleg akselerere.
– Sol og vind er ustabile energikjelder. Det problemet er slett ikkje løyst?
– Nei, men å kome til kring 80 prosent fornybar kraftforsyning er fullt overkomeleg. Det krev ein del overkapasitet og ny teknologi for lagring. Men det viktige er at sol og vind er billegare enn kol og gass. Og fordi det er lønsamt, kjem skiftet til å gå fort.
– Om det er så enkelt, kvifor har ikkje utsleppa gått ned enno?
– Fordi utviklinga går sakte i starten. Elbilar har brukt lang tid på å nå 10 prosent av marknaden. Men frå 10 til 90 prosent går det fort. Snart kjem også amerikanarane til å kjøpe elbilar fordi dei blir billegare enn fossilbilar.
Marknaden fiksar ikkje alt, og klimapolitikk er framleis viktig, meiner Schjølset.
– Om til dømes EU skal nå klimamåla sine, krev det tøffe reguleringar. Men det er veldig sannsynleg at EU når målet om 55 prosent kutt innan 2030. For Noregs del blir det derimot vanskeleg å nå målet. Og den altfor sjenerøse skattepakken til oljeindustrien har gjort det vanskelegare.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
peranders@dagogtid.no
Stig Schjølset har mellom anna fortid som fagdirektør i Klima- og miljødepartementet og som analytikar i Point Carbon. «Det ser ut til å ligge mer håp i marked enn i politikk», skreiv han nyleg i ein artikkel for Energi og Klima. Her peikar Schjølset på at Statkraft, DNV, Rystad Energy og andre som analyserer energimarknaden, har langt meir optimistiske klimaprognosar enn dei som ser på politikken.
– Om du ser på klimapolitikken som er lova, reknar du deg kanskje fram til ei oppvarming på 2,5 eller 2,8 gradar i dette hundreåret. Men dei som ser på kor fort teknologiutviklinga går, og på dei fallande kostnadene med fornybar energi, har langt meir positive konklusjonar, seier Schjølset.
Han viser mellom anna til Statkraft, som spår at oppvarminga blir avgrensa til to gradar.
– For berre sju år sidan var det mange analysar som peika mot ei oppvarming på 3,5 gradar i dette hundreåret. Men det er det ingen som trur lenger. Og det er ikkje så mykje på grunn av klimapolitikken, det er på grunn av dei fallande kostnadene for fornybar energi.
Teknologiutviklinga er ikkje avhengig av at alle land har ein ambisiøs klimapolitikk, påpeikar Schjølset.
– Men det har hjelpt at til dømes Tyskland har gått føre og subsidiert solkraft. Det har bidrege til å få skalert opp produksjonen og drive ned kostnadene.
– Dei globale utsleppa veks framleis. Skal vi nå klimamåla, må det kome ein brå knekk i kurven?
– Ja, og målet om å avgrense oppvarminga til halvannan grad er svært vanskeleg å nå. Men å nå togradarsmålet krev ingen mirakel. Politikarane må berre ikkje motarbeide utviklinga, til dømes ved å subsidiere fossil energi. Og når dei store utsleppslanda forsterkar klimapolitikken sin, vil utviklinga verkeleg akselerere.
– Sol og vind er ustabile energikjelder. Det problemet er slett ikkje løyst?
– Nei, men å kome til kring 80 prosent fornybar kraftforsyning er fullt overkomeleg. Det krev ein del overkapasitet og ny teknologi for lagring. Men det viktige er at sol og vind er billegare enn kol og gass. Og fordi det er lønsamt, kjem skiftet til å gå fort.
– Om det er så enkelt, kvifor har ikkje utsleppa gått ned enno?
– Fordi utviklinga går sakte i starten. Elbilar har brukt lang tid på å nå 10 prosent av marknaden. Men frå 10 til 90 prosent går det fort. Snart kjem også amerikanarane til å kjøpe elbilar fordi dei blir billegare enn fossilbilar.
Marknaden fiksar ikkje alt, og klimapolitikk er framleis viktig, meiner Schjølset.
– Om til dømes EU skal nå klimamåla sine, krev det tøffe reguleringar. Men det er veldig sannsynleg at EU når målet om 55 prosent kutt innan 2030. For Noregs del blir det derimot vanskeleg å nå målet. Og den altfor sjenerøse skattepakken til oljeindustrien har gjort det vanskelegare.
Fleire artiklar
Dei siste par åra har den norske bonden fått kjenne konsekvensane av å produsere i eit system der utgiftene er styrte av marknaden, medan inntektene er styrte av politikarane, skriv Siri Helle.
Foto: Heiko Junge / NTB
Effektivisering er ikkje berginga
Korleis gje bønder rettferdig inntekt når dei framleis skal vere sjølvstendig næringsdrivande?
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.