Intervju
– Russland må kvitta seg med den kolonialistiske arven
Vitaly Servetnik er ein av fleire opposisjonelle som har måtta rømma frå Russland. I eksil i ein stor europeisk by jobbar han for total politisk transformasjon av Russland.
Vitaly Servetnik er miljøforkjempar og arbeider for demokrati og eit nytt regime i Russland.
Foto: privat
Då Russland invaderte Ukraina, måtte mange russiske
opposisjonelle rømma landet. Ein av dei var Vitaly Servetnik (40), ein russisk
miljøvernar som hadde vigd livet sitt til å arbeida for meir demokrati.
Servetnik leier Environmental Crisis Group, som støttar russiske opposisjonelle og miljøvernarar, og jobbar saman med andre eksilrussarar for å forandre det politiske systemet i Russland totalt.
Han meiner det er
avgjerande at den russiske opposisjonen får støtte frå Vesten.
I slutten av november besøkte han Oslo for å møta norske
parlamentarikarar og snakka om opposisjonen i Russland.
– Korleis arbeider Environmental Crisis Group for meir demokrati i Russland?
– Me har eit nettverk av aktivistar og miljøvernarar heime i
Russland. Det er ekspertar og organisasjonar som framleis jobbar der. Det er
vanskeleg, men me prøver å hjelpa dei som vågar å vera kritiske. Me jobbar
oppsøkjande og hjelper dei me ser engasjera seg, med å komma i kontakt med andre
og slik skapa eit nettverk. Me hjelper dei òg med å få tilgang til advokatar og komma
i kontakt med presse.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
