«Det digitale vil alltid være bedre»
Heidi Austlid, direktør i Forleggerforeningen, er like positiv til digitale læremiddel som da ho var sjef for IKT-Norge.
peranders@dagogtid.no
– Sjølv om det ikkje viser att så mykje i innkjøpa til skulane enno, ser vi ei dreiing frå bok til digitale læremiddel, seier Heidi Austlid, som er administrerande direktør i Forleggerforeningen.
– Vi ser det òg på kva som blir utvikla av forlaga. Før var det bok pluss nett eller bok på nett. No er det fullverdige digitale læremiddel i alle fag. Det har skjedd eit kjempebyks. Vi kjem til å sjå stadig meir digitalisering i skulen.
Frå 2015 og fram til i sommar var Heidi Austlid administrerande direktør i interesseorganisasjonen IKT-Norge. Der argumenterte ho sterkt for ei rask og omfattande digitalisering av den norske skulen.
Les også: «Alle piler peikar mot skjermen»
– Det er naturleg å tolke tilsetjinga av deg som leiar av Forleggerforeningen som eit teikn på at forlaga vil satse meir på digitale format?
– Eg får da håpe det var eit medvite val. Eg trur eg kjem med ein kompetanse som næringa treng.
Som leiar for IKT-Norge sa Austlid mellom anna dette i intervju med Computerworld: «Vi må fylle skolen med de digitale verktøyene som vår tid krever», og: «Det digitale vil alltid være bedre fordi det har muligheten til å oppdateres. Det er en rikere måte å lære på – det blir ikke les, lær og pugg.»
– Har du endra syn på dette sidan du kom til Forleggerforeningen?
– Nei, det har eg ikkje. Men eg har alltid vore oppteken av at teknologien i seg sjølv ikkje skaper magi. Læreboka og lesing av lange tekstar er framleis viktig. Og eg er oppteken av at pedagogane skal velje korleis undervisninga skal gå føre seg.
– Men digitaliseringa ser ut til å ha gjeve lærarane mindre valfridom, ved at skuleeigarane no styrer innkjøpa av læremiddel meir enn før?
– Eg trur det må vere ei todeling, der nokre læremiddel blir kjøpte inn av skuleeigaren, og det er ein del læremiddel som lærarane vel.
– Som sjef for IKT-Norge talte du heile vegen for meir digitalisering og mindre papir i skulen. Du har same syn på dette no?
– Ja. Men eg har alltid vore oppteken av at vi skal ha eit mangfald av læremiddel. Så må vi vere medvitne om når vi skal bruke det digitale. Ikkje all læring skjer best via skjermen. Det å kunne lese lange, samanhengande tekstar er ekstremt viktig. Og eg trur ikkje boka kjem til å forsvinne, ho vil vere ein sentral del av norsk skule.
– Men du meiner norsk skule bør bruke meir digitale læremiddel enn i dag?
– Det meiner eg, og det opplever eg òg at forlagsbransjen er oppteken av.
– Kva tenkjer du om at leseforskinga syner klart at djupnelesing er best på papir?
– Eg ønskjer meg mykje meir forsking på dette, men eg deler det synet, ja. Det er jo ein grunn til at e-boksalet ikkje har eksplodert, seier Heidi Austlid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
peranders@dagogtid.no
– Sjølv om det ikkje viser att så mykje i innkjøpa til skulane enno, ser vi ei dreiing frå bok til digitale læremiddel, seier Heidi Austlid, som er administrerande direktør i Forleggerforeningen.
– Vi ser det òg på kva som blir utvikla av forlaga. Før var det bok pluss nett eller bok på nett. No er det fullverdige digitale læremiddel i alle fag. Det har skjedd eit kjempebyks. Vi kjem til å sjå stadig meir digitalisering i skulen.
Frå 2015 og fram til i sommar var Heidi Austlid administrerande direktør i interesseorganisasjonen IKT-Norge. Der argumenterte ho sterkt for ei rask og omfattande digitalisering av den norske skulen.
Les også: «Alle piler peikar mot skjermen»
– Det er naturleg å tolke tilsetjinga av deg som leiar av Forleggerforeningen som eit teikn på at forlaga vil satse meir på digitale format?
– Eg får da håpe det var eit medvite val. Eg trur eg kjem med ein kompetanse som næringa treng.
Som leiar for IKT-Norge sa Austlid mellom anna dette i intervju med Computerworld: «Vi må fylle skolen med de digitale verktøyene som vår tid krever», og: «Det digitale vil alltid være bedre fordi det har muligheten til å oppdateres. Det er en rikere måte å lære på – det blir ikke les, lær og pugg.»
– Har du endra syn på dette sidan du kom til Forleggerforeningen?
– Nei, det har eg ikkje. Men eg har alltid vore oppteken av at teknologien i seg sjølv ikkje skaper magi. Læreboka og lesing av lange tekstar er framleis viktig. Og eg er oppteken av at pedagogane skal velje korleis undervisninga skal gå føre seg.
– Men digitaliseringa ser ut til å ha gjeve lærarane mindre valfridom, ved at skuleeigarane no styrer innkjøpa av læremiddel meir enn før?
– Eg trur det må vere ei todeling, der nokre læremiddel blir kjøpte inn av skuleeigaren, og det er ein del læremiddel som lærarane vel.
– Som sjef for IKT-Norge talte du heile vegen for meir digitalisering og mindre papir i skulen. Du har same syn på dette no?
– Ja. Men eg har alltid vore oppteken av at vi skal ha eit mangfald av læremiddel. Så må vi vere medvitne om når vi skal bruke det digitale. Ikkje all læring skjer best via skjermen. Det å kunne lese lange, samanhengande tekstar er ekstremt viktig. Og eg trur ikkje boka kjem til å forsvinne, ho vil vere ein sentral del av norsk skule.
– Men du meiner norsk skule bør bruke meir digitale læremiddel enn i dag?
– Det meiner eg, og det opplever eg òg at forlagsbransjen er oppteken av.
– Kva tenkjer du om at leseforskinga syner klart at djupnelesing er best på papir?
– Eg ønskjer meg mykje meir forsking på dette, men eg deler det synet, ja. Det er jo ein grunn til at e-boksalet ikkje har eksplodert, seier Heidi Austlid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.