Klassisk filmmusikk i ny drakt
Norma Winstone lar seg ikkje kua av tung tradisjon.
Jazz
Norma Win-
stone:
Descansado Songs for Films
Norma Winstone, vokal; Glauco Venier, piano; Klaus Gesing, sopransaks og bassklarinett; Helge Andreas Norbakken, perkusjon; Mario Brunello, cello
ECM 2567
Norma Winstone (77) har ein platekarriere som går attende til 1969. Seinare har ho samarbeidd med dei fleste store namna i britisk jazz. Mest kjend er ho truleg for innspelingane med trioen Azimuth, der trompetaren Kenny Wheeler og pianist og ektemann John Taylor var dei to andre medlemmene. Trioen eksisterte i 23 år frå 1977. Etter tusenårsskiftet har ho samarbeidd kontinuerleg med den italienske pianisten Glauco Venier og den tyske saksofonisten og klarinettisten Klaus Gesing.
Taxidriver
Descansado er forteljekunst på aller øvste hylle. Filmmusikkikon som blant andre Nino Rota, Michel Legrand, Ennio Morricone, Armando Trovajoli og William Walton har levert musikken. Winstone, som også er ein glimrande lyrikar, har skrive tekst til nokre instrumentallåtar, mellom andre Taxi Driver-temaet til Bernard Herrmann og tittelkuttet som Trovajoli skreiv til komedien Ieri, Oggi, Domani. Winstone har erstatta den smått teatralske altsaksfraseringa i Taxi Driver-temaet med ein tekst og eit tilhøyrande arrangement fylt av truverdig tristesse. Den lettbeinte sambaen til Trovajoli er transformert til ein vemodsfylt og harmonisk ambivalent refleksjon i medium tempo.
Finkalibrert
Arrangementa er enkle og perfekt tilpassa Winstones vokale uttrykk. Det blir spelt med ein finkalibrert dynamikk som gjer at tekstane står klart og tydeleg fram. Norma Winstone og musikarane hennar har greidd å forma om filmhistoriske musikalske relikviar til nye og aktuelle forteljingar. Spanande, rett og slett!
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Norma Win-
stone:
Descansado Songs for Films
Norma Winstone, vokal; Glauco Venier, piano; Klaus Gesing, sopransaks og bassklarinett; Helge Andreas Norbakken, perkusjon; Mario Brunello, cello
ECM 2567
Norma Winstone (77) har ein platekarriere som går attende til 1969. Seinare har ho samarbeidd med dei fleste store namna i britisk jazz. Mest kjend er ho truleg for innspelingane med trioen Azimuth, der trompetaren Kenny Wheeler og pianist og ektemann John Taylor var dei to andre medlemmene. Trioen eksisterte i 23 år frå 1977. Etter tusenårsskiftet har ho samarbeidd kontinuerleg med den italienske pianisten Glauco Venier og den tyske saksofonisten og klarinettisten Klaus Gesing.
Taxidriver
Descansado er forteljekunst på aller øvste hylle. Filmmusikkikon som blant andre Nino Rota, Michel Legrand, Ennio Morricone, Armando Trovajoli og William Walton har levert musikken. Winstone, som også er ein glimrande lyrikar, har skrive tekst til nokre instrumentallåtar, mellom andre Taxi Driver-temaet til Bernard Herrmann og tittelkuttet som Trovajoli skreiv til komedien Ieri, Oggi, Domani. Winstone har erstatta den smått teatralske altsaksfraseringa i Taxi Driver-temaet med ein tekst og eit tilhøyrande arrangement fylt av truverdig tristesse. Den lettbeinte sambaen til Trovajoli er transformert til ein vemodsfylt og harmonisk ambivalent refleksjon i medium tempo.
Finkalibrert
Arrangementa er enkle og perfekt tilpassa Winstones vokale uttrykk. Det blir spelt med ein finkalibrert dynamikk som gjer at tekstane står klart og tydeleg fram. Norma Winstone og musikarane hennar har greidd å forma om filmhistoriske musikalske relikviar til nye og aktuelle forteljingar. Spanande, rett og slett!
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Christine Hope, Thomas Bye og Gisle Børge Styve står på scenen i revyen om E16.
Foto: Andreas Roksvåg
Syltynt
E16 Dødsvegen er ei framsyning som har lite å melde – og som melder det i over halvannan time.
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.