Morten A. Strøksnes er journalist og forfattar. Han skriv tekstar i ulike sjangrar, mellom anna reportasjar, kommentarar, portrett og analysar. Han har laga reportasjeseriar og skrive bøker frå Noreg/Europa, Afrika, Sør-Amerika, USA, Asia, Midtausten, Australia og Russland. Strøksnes er utdanna idéhistorikar, opphavleg frå Finnmark, og vil alltid vere oppteken av Nord-Noreg. Som kommentator har han ei fri tilnærming til tema innan politikk, kultur, økonomi og historie. Artiklane og kommentarane hans om til dømes Midtausten-konflikten og lakseoppdrett har skapt mykje debatt over mange år.

Strøksnes har motteke Språkprisen for sin litterære journalistikk, og mellom anna Brageprisen, Kritikerprisen og Edward Stanford Travel Writing Award for bøkene sine. Han har utgitt ti bøker, den førre var Havboka, eller Kunsten å fange en kjempehai fra en gummibåt på et stort hav gjennom fire årstider (2015) som blei omsett til 28 språk og blei en bestseljar. I november 2022 utgav Strøksnes det mest ambisiøse verket så langt: Lumholtz’ Gjenferd. Verden rundt i sporene til en glemt hvit oppdager, på leting etter alt som ble borte, og det som ble igjen (Forlaget Oktober).