Leikent frå kvinneuniverset
God tekst og fint samspel viser kva det vil seie å vere kvinne i verda.
Dei fire skodespelarane fyller 16 roller med fin timing, skriv Jan H. Landro.
Foto: Espen Nyttingnes
Teater Vestland i Åsane Kulturhus
Lene Therese Teigen:
Mødrevariasjonar
Musikk: Tov Ramstad
Regi: Lene Therese Teigen
Scenografi og kostyme: Christine Lohre
I ein alvorsmunter leik gir dette nyskrivne stykket både god underhaldning og mat for tanken. På knappe to timar tek Mødrevariasjonar, som på turné i Vestland til og med 18. mars, oss gjennom svangerskap, fødsel, barsel, amming, moderskap og eit tidsspenn på ti år. Også abort og skilsmisse. Her er mangt sjølv ein mann kan kjenne att, og her er hevdvunne klisjear som framleis synest ha noko for seg.
Fire skodespelarar deler på 16 roller. Forutan å spele fire førstegongsfødande, gir kvar av dei liv til tre andre kvinner i den næraste krinsen – mødrer, tanter, systrer, bestemødrer. Det er 30 år gamle Kristine (Oda Alisøy) med ambisjonar om å bli ei god mor, 19 år gamle Sara (Carina Furseth) utan barnefar, 38 år gamle Ingrid (Idun Losnegård), odelsjente og akademikar, og 43 år gamle Marianne (Katrine Lunde Mackenzie), lesbisk psykolog som ventar prøverøyrsunge. Fire hovudpersonar og fire lagnader som utviklar seg i ulike retningar, somme ganske annleis enn ein i utgangspunktet skulle tru. Scenografien med rampar i ulike storleikar skal både symbolisere vestlandsnaturen og «bakke opp og bakke ned»-tilværet livet som ung mor byr på.
I byrjinga er det forvirrande med alle desse personane, men gradvis fell vi inn i det. Framsyninga er eit kollektivt prosjekt med godt samspel og fin taiming. Likevel er det grunn til å framheve Idun Losnegård som stødig både som førstegongsmor og som den innpåslitne mora til Kristin. Likeins gjer det inntrykk å sjå Katrine Lunde Mackenzie som ei mentalt skadd kvinne etter ein fødselstragedie.
Jan H. Landro
Jan H. Landro er forfattar, journalist og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Teater Vestland i Åsane Kulturhus
Lene Therese Teigen:
Mødrevariasjonar
Musikk: Tov Ramstad
Regi: Lene Therese Teigen
Scenografi og kostyme: Christine Lohre
I ein alvorsmunter leik gir dette nyskrivne stykket både god underhaldning og mat for tanken. På knappe to timar tek Mødrevariasjonar, som på turné i Vestland til og med 18. mars, oss gjennom svangerskap, fødsel, barsel, amming, moderskap og eit tidsspenn på ti år. Også abort og skilsmisse. Her er mangt sjølv ein mann kan kjenne att, og her er hevdvunne klisjear som framleis synest ha noko for seg.
Fire skodespelarar deler på 16 roller. Forutan å spele fire førstegongsfødande, gir kvar av dei liv til tre andre kvinner i den næraste krinsen – mødrer, tanter, systrer, bestemødrer. Det er 30 år gamle Kristine (Oda Alisøy) med ambisjonar om å bli ei god mor, 19 år gamle Sara (Carina Furseth) utan barnefar, 38 år gamle Ingrid (Idun Losnegård), odelsjente og akademikar, og 43 år gamle Marianne (Katrine Lunde Mackenzie), lesbisk psykolog som ventar prøverøyrsunge. Fire hovudpersonar og fire lagnader som utviklar seg i ulike retningar, somme ganske annleis enn ein i utgangspunktet skulle tru. Scenografien med rampar i ulike storleikar skal både symbolisere vestlandsnaturen og «bakke opp og bakke ned»-tilværet livet som ung mor byr på.
I byrjinga er det forvirrande med alle desse personane, men gradvis fell vi inn i det. Framsyninga er eit kollektivt prosjekt med godt samspel og fin taiming. Likevel er det grunn til å framheve Idun Losnegård som stødig både som førstegongsmor og som den innpåslitne mora til Kristin. Likeins gjer det inntrykk å sjå Katrine Lunde Mackenzie som ei mentalt skadd kvinne etter ein fødselstragedie.
Jan H. Landro
Jan H. Landro er forfattar, journalist og fast teatermeldar i Dag og Tid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.