Sjå mot Bodø!
I år må alle kunstinteresserte få seg ein tur nordover.
Batia Suter: «Octahedral».
Foto: NOUA
Bodø er som kjent europeisk kulturby i år, saman med Tartu i Estland og Salzkammergut i Austerrike. Bodø2024 byr på meir enn tusen arrangement fordelt utover året, og fleire handlar om kunst. Dette er det desidert største kulturprosjektet som nokon gong har funne stad i Nord-Noreg.
Rekk du opp før 7. april, må du få med deg utstillingane til samiske Iver Jåks og norske Gunvor Nervold Antonsen i Stormen kunst og i areala til biblioteket.
Fram til 30. mars er det ein fint montert installasjon i Galleri NOUA. Sveitsiske Batia Suter projiserer bilde henta frå gamle bøker og tidsskrift på komplekse arkitekturelle konstruksjonar laga særskilt for utstillinga.
«Fangst», glas og tradisjonelle knyteteknikkar på garn og glaskavlar, 2023.
Foto: Benjamin Slotterøy
Det er også bryet verdt å besøke Kulturbadet galleri, som ligg i Sandnessjøen midt på helgelandskysten. Benjamin Slotterøy er første utstillar i utstillingstrilogien ARTICulation, som spenner over heile året. Fram til 16. mars kan vi sjå vakre, runde former av svart glas, inspirerte av handverkstradisjonar frå kystkulturen, som flaskepostar frå havet.
Programmet vidare utover året er like spennande, det er berre å følgje med på heimesida til Bodø2024.
Det er snart førti år sidan ordninga med årlege kåringar av europeiske kulturhovudstader vart utvikla. Ut frå eit sinnrikt rotasjonssystem har kvart land høve til å fremje kandidatane sine eitt bestemt år. Søknadene vert vurderte av ein uavhengig jury som består av fagfolk frå kultur, kreativitet, urbanisme og samfunnsutvikling. Juryen er peikt ut av EU, og det er rådsmøtet til kulturministrane i EU som står for sjølve utveljinga av byane.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Bodø er som kjent europeisk kulturby i år, saman med Tartu i Estland og Salzkammergut i Austerrike. Bodø2024 byr på meir enn tusen arrangement fordelt utover året, og fleire handlar om kunst. Dette er det desidert største kulturprosjektet som nokon gong har funne stad i Nord-Noreg.
Rekk du opp før 7. april, må du få med deg utstillingane til samiske Iver Jåks og norske Gunvor Nervold Antonsen i Stormen kunst og i areala til biblioteket.
Fram til 30. mars er det ein fint montert installasjon i Galleri NOUA. Sveitsiske Batia Suter projiserer bilde henta frå gamle bøker og tidsskrift på komplekse arkitekturelle konstruksjonar laga særskilt for utstillinga.
«Fangst», glas og tradisjonelle knyteteknikkar på garn og glaskavlar, 2023.
Foto: Benjamin Slotterøy
Det er også bryet verdt å besøke Kulturbadet galleri, som ligg i Sandnessjøen midt på helgelandskysten. Benjamin Slotterøy er første utstillar i utstillingstrilogien ARTICulation, som spenner over heile året. Fram til 16. mars kan vi sjå vakre, runde former av svart glas, inspirerte av handverkstradisjonar frå kystkulturen, som flaskepostar frå havet.
Programmet vidare utover året er like spennande, det er berre å følgje med på heimesida til Bodø2024.
Det er snart førti år sidan ordninga med årlege kåringar av europeiske kulturhovudstader vart utvikla. Ut frå eit sinnrikt rotasjonssystem har kvart land høve til å fremje kandidatane sine eitt bestemt år. Søknadene vert vurderte av ein uavhengig jury som består av fagfolk frå kultur, kreativitet, urbanisme og samfunnsutvikling. Juryen er peikt ut av EU, og det er rådsmøtet til kulturministrane i EU som står for sjølve utveljinga av byane.
Eva Furseth
Fleire artiklar
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
Trondheimstrioen har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.