Alternating Routes

Michelle Deignan

Tromsø Kunstforening, Tromsø

19. januar–10. mars

I samband med den årlege internasjonale filmfestivalen i Tromsø arrangerer kunstforeininga ei festivalutstilling med filmkunst. I år viser den irske, londonbaserte Michelle Deignan On Common Ground (2024), eit kostymedrama lagt til året 1837.

Elisabeth von Krogh. Retrospektiv/prospektiv

Haugar Kunstmuseum, Tønsberg

27. januar–20. mai

Stor og fargerik utstilling som viser dei ulike fasane til keramikaren.

Elisabeth von Krogh er kjent for krukker og vasar med fargerike mønster og leikne former.

Den omfattande mønstringa viser arbeid frå syttitalet til i dag, med vekt på dei ulike fasane i dette spennande kunstnarskapet.

Elisabeth von Krogh.

Foto: Bjørn Harstad

From Behind

Kjøpmannsgata Ung Kunst, Trondheim

2. februar–7. april

Menneska og dyra som Endre Aalurst skildrar i måleria sine, gøymer seg stillferdig vekk. Desse sjenerte, og kanskje skamfulle, typane vert skildra med både humor og varme.

I same visningsperiode kan vi sjå Mellom Rom, med grafikk av H.M. Dronning Sonja og Håvard Homstvedt. I tillegg er Bingohallen omgjord til ein park med stiar som slyngar seg gjennom høgt gras, ein installasjon av Per Stian Monsås og Mishi Foltyn.

Endre Aalurst.

Foto: K-U-K

Riss

Nils Aas Kunstverksted, Inderøy

3. februar–26. mai

Utstillinga tematiserer overgangen og møtet mellom kunst og illustrasjon med teikningar av Tina Jonsbu, Bendik Kaltenborn, Sunniva Krogseth, Kari Stai, Nikolai Torgersen og Nils Aas.

Kari Stai, «Åsted», 2024. Foto: Nils Aas Kunstverksted

Håkon Bleken

Galleri Bodøgaard

3. februar–24. mars

I samarbeid med Bodø2024 Europeisk kulturhovudstad viser galleriet måleri, kolteikning, pastell og grafikk av den nyslåtte 95-åringen Håkon Bleken. Den rikhaldige utstillinga spenner tidsmessig over meir enn femti år.