Scener frå helvete
Bilda frå Syria du ikkje vil, men bør sjå.
Mellom bomber og skot høyrer vi historiene til barn, aktivistar og generalar.
Foto: Tour de Force
Dokumentar
Regi: Evgeny Afineevsky
Cries from Syria
Cissy Jones, Helen Mirren
Mykje er sagt om borgarkrigen i Syria som no er inne i sitt sjette år. Opp mot 600.000 har døydd på grunn av krigen. Millionar er drivne på flukt. Det som ein gong var sivilisasjonens vogge, er fullstendig øydelagt av islamske villmenn (IS) og ein president (Bashar al-Assad) som drep sitt eige folk med kjemiske våpen.
Talande tittel
Cries from Syria – tittelen er talande nok – er halvannan time med sterke, forferdelege bilde frå krigssonene, av folk som går gjennom helvete på jord. Det er det vondaste du får sjå i år, viss du orkar. Og det bør du, om ikkje anna for å prøve å sette deg i skoa til dei som har reist over Middelhavet i ein overlest gummibåt.
Dokumentarfilmen teiknar først opp dei store linjene i konflikten. Frå far Assads veg til makta 40 år tilbake i tid, og diktaturet han innførte, via sonens overtaking og endå verre maktutøving, til den arabiske våren i 2011 og håpet om revolusjon. Så talar bilda, eller kameraet, filma av sivile midt i infernoet.
Sterke historier
Innimellom bombene, skota og lika høyrer vi barn, aktivistar og generalar frå Den frie syriske armé (FSA) fortelje historiene sine, og det er umogleg ikkje å bli emosjonelt påverka – framfor alt rasande. Rasande fordi ein president kan drepe uskuldige barn. Rasande over at verda ikkje gjer nok. Dette er ein intens, rå og viktig dokumentar. Og som dokumentasjon på vår tids største humanitære krise gjer han uutsletteleg inntrykk.
Sondre Åkervik
Sondre Åkervik er kulturjournalist
og sosiologistudent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentar
Regi: Evgeny Afineevsky
Cries from Syria
Cissy Jones, Helen Mirren
Mykje er sagt om borgarkrigen i Syria som no er inne i sitt sjette år. Opp mot 600.000 har døydd på grunn av krigen. Millionar er drivne på flukt. Det som ein gong var sivilisasjonens vogge, er fullstendig øydelagt av islamske villmenn (IS) og ein president (Bashar al-Assad) som drep sitt eige folk med kjemiske våpen.
Talande tittel
Cries from Syria – tittelen er talande nok – er halvannan time med sterke, forferdelege bilde frå krigssonene, av folk som går gjennom helvete på jord. Det er det vondaste du får sjå i år, viss du orkar. Og det bør du, om ikkje anna for å prøve å sette deg i skoa til dei som har reist over Middelhavet i ein overlest gummibåt.
Dokumentarfilmen teiknar først opp dei store linjene i konflikten. Frå far Assads veg til makta 40 år tilbake i tid, og diktaturet han innførte, via sonens overtaking og endå verre maktutøving, til den arabiske våren i 2011 og håpet om revolusjon. Så talar bilda, eller kameraet, filma av sivile midt i infernoet.
Sterke historier
Innimellom bombene, skota og lika høyrer vi barn, aktivistar og generalar frå Den frie syriske armé (FSA) fortelje historiene sine, og det er umogleg ikkje å bli emosjonelt påverka – framfor alt rasande. Rasande fordi ein president kan drepe uskuldige barn. Rasande over at verda ikkje gjer nok. Dette er ein intens, rå og viktig dokumentar. Og som dokumentasjon på vår tids største humanitære krise gjer han uutsletteleg inntrykk.
Sondre Åkervik
Sondre Åkervik er kulturjournalist
og sosiologistudent.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.