Ein film som fell mellom to stolar
Historia om korleis Ole Brumm vart til, manglar retning og ein sterk hovudrollefigur.
Filmen om Christopher Robin og Ole Brumm er biografisk.
Foto: David Appleby / Tour de Force
Biografisk drama
Regi: Simon Curtis
Adjø, Christopher Robin
Med: Domhnall Gleeson, Margot Robbie, Kelly MacDonald
«Eg hadde ein fin barndom. Det var oppveksten som var jævlig», seier ein 18 år gammal Christopher Robin Milne når han overfor faren (Gleeson) ytrar ønsket om å dra i krigen og berre bli ein i rekkja. Ettersom han ikkje klarte den medisinske testen, ber han faren snakke han inn.
For faren er ikkje kven som helst: A.A. Milne skapte dei høgt skatta bøkene om Ole Brumm, men nytta samtidig sonen som inspirasjonskjelde og levande modell. Ein uskuldig, lukkeleg barndom vart til milliardindustri. I tida etter første verdskrig var Christopher Robin, Ole Brumm og dei andre tøydyra akkurat det allmenta trong.
Adjø, Christopher Robin er altså ein biografisk film, som naturlegvis set ei ramme for historia. Men kva historie vel regissør Simon Curtis her å fortelje? Ei om ein gut som ser barndomsfantasien bli profitt og big business? Eller ei om ein krigsskadd forfattar som behandlar eit traume? Svaret blir som Ole Brumm: Ja, takk, begge delar.
Eg blir aldri heilt klar over kven vi eigentleg skal følgje. Mangelen på ein sterk hovudrollefigur er den store feilen til filmen, og det blir eit stadig større dramaturgisk problem utover i handlinga. Løysinga på «plottproblemet» blir storslegne strykeinstrument og krokodilletårene til Domhnall Gleeson og Margot Robbie. Sistnemnde speler kone og mor, men bidreg fint lite til historia utover å vere ho som gir tøyleikene til sonen. Elles forsømte ho sonen ganske kraftig, fortel filmen oss. Det berre forsterkar kjensla av at det ligg ei betre historie graven ned i manuset.
Sondre Åkervik
Sondre Åkervik er student, skribent og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Biografisk drama
Regi: Simon Curtis
Adjø, Christopher Robin
Med: Domhnall Gleeson, Margot Robbie, Kelly MacDonald
«Eg hadde ein fin barndom. Det var oppveksten som var jævlig», seier ein 18 år gammal Christopher Robin Milne når han overfor faren (Gleeson) ytrar ønsket om å dra i krigen og berre bli ein i rekkja. Ettersom han ikkje klarte den medisinske testen, ber han faren snakke han inn.
For faren er ikkje kven som helst: A.A. Milne skapte dei høgt skatta bøkene om Ole Brumm, men nytta samtidig sonen som inspirasjonskjelde og levande modell. Ein uskuldig, lukkeleg barndom vart til milliardindustri. I tida etter første verdskrig var Christopher Robin, Ole Brumm og dei andre tøydyra akkurat det allmenta trong.
Adjø, Christopher Robin er altså ein biografisk film, som naturlegvis set ei ramme for historia. Men kva historie vel regissør Simon Curtis her å fortelje? Ei om ein gut som ser barndomsfantasien bli profitt og big business? Eller ei om ein krigsskadd forfattar som behandlar eit traume? Svaret blir som Ole Brumm: Ja, takk, begge delar.
Eg blir aldri heilt klar over kven vi eigentleg skal følgje. Mangelen på ein sterk hovudrollefigur er den store feilen til filmen, og det blir eit stadig større dramaturgisk problem utover i handlinga. Løysinga på «plottproblemet» blir storslegne strykeinstrument og krokodilletårene til Domhnall Gleeson og Margot Robbie. Sistnemnde speler kone og mor, men bidreg fint lite til historia utover å vere ho som gir tøyleikene til sonen. Elles forsømte ho sonen ganske kraftig, fortel filmen oss. Det berre forsterkar kjensla av at det ligg ei betre historie graven ned i manuset.
Sondre Åkervik
Sondre Åkervik er student, skribent og fast filmmeldar i Dag og Tid.
Fleire artiklar
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Penélope Cruz i rolla som mor til Adriana eller Andrea, spelt av Luana Giuliani.
Foto: Wildside
Roma – ein lukka by
Filmmelding: Italiensk oppvekstdrama sveipt i 70-talet skildrar tronge kjønnsnormer og fridomstrong.
Studentar på Universitetsbiblioteket på Blindern i Oslo.
Foto: Håkon Mosvold Larsen / NTB
Ja til skule, nei til studentfabrikk
Diverre er samarbeidet mellom skulen og høgre utdanningsinstitusjonar ofte dårleg.
Ragnar Bjerkreim har teke utgangspunkt i Josef-forteljinga i 1. Mosebok. Prosjektet tek for seg flukt, emigrasjon og folkevandring til ulike tider og på ulike kontinent.
Foto: Gry Monica Hellevik
Gjennom byar, under bru
Ragnar Bjerkreims Stjernesti famnar breitt, med mange røyster og opne landskap.