Fem nyansar av Thompson
Den engelske grande dame ber ein lettbeint film om nyting og moral.
Nancy Stokes (Emma Thompson) lengtar etter eventyr, menneskeleg kontakt og sex. Leo Grande vert spela av Daryl McCormack.
Foto Nick Wall / Ymer Media
Drama / Komedie
Regi: Sophie Hyde
Good Luck to You, Leo Grande
Med: Emma Thompson, Daryl McCormack, Isabella Laughland
Kinofilm
Ein ung mann (McCormack) slentrar ned gata og sjekkar at han ser staseleg ut i vindauga. Samstundes stressar Nancy (Thompson) framom spegelen på eit hotellrom. Ho har nyss blitt enke. Han bankar på og introduserer seg som Leo Grande. Ho har betalt. Den pensjonerte læraren har aldri kjøpt sex før. No skal ho freiste å oppleve nyting tiår med ekteskap aldri leverte.
Arvesynda
Emma Thompson er sjølvsagt enormt solid i hovudrolla. Ho er seg sjølv lik, men er ekstra nervøs, pertentleg og påståeleg samstundes. Figuren hennar er både enkel og samansett. Ho unner seg å nyte, men skammar seg over alderen sin. Tankar om at sonen er keisam, kan kanskje passe like godt på henne sjølv. Det frilynte som ligg til grunn for premissen i filmen, gnissar mot kva ho tenker om elevar med korte skjørt. Daryl McCormack spelar òg godt som ung mann med ei klar, profesjonell haldning til yrket som sexarbeidar.
Nesten heile Good Luck to You, Leo Grande går føre seg på hotellrommet. Filmen er sterkt dialogdriven. Samtalane sveivar innom ei mengd frustrasjonar og fordommar. Moralisme står for fall. Alle vil kjenne seg attråverdige. Alder, kjønn og økonomi kan alle skape maktforhold knytt til sex. Regissør Sophie Hyde rører òg respekt og grensesetjing på fleire sett med teft. Rett som det er kjem vittige ordvekslingar. Mykje er venta innslag, frå kvinneguidereferansar til lærarfantasiar. Det siste byr Nancy komisk imot.
Glansbiletet
Nancy er oppteken av at fantasiane hennar ikkje inneber noko sært. Filmen målber såleis seksualiteten til kvinner som ser på seg sjølve som vanlege, og aldri har hatt eit tilfredsstillande sexliv. Medan filmhistoria er gjennomsyra av det mannlege blikket og plar pleie fantasiane til dei dominerande figurane i bransjen, appellerer altså denne filmskaparen til lysta hjå eit anna publikum.
Ein kan enkelt ta filmen til inntekt for kritikk av forbod mot sexkjøp. Skuggesidene blir feia under teppet. Sophie Hyde vinklar temaet positivt. Ho trår varsamt og lettbeint over i eit underhaldande rom der kvinner som Nancy skal få nyte livet. Det er ikkje så verst.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama / Komedie
Regi: Sophie Hyde
Good Luck to You, Leo Grande
Med: Emma Thompson, Daryl McCormack, Isabella Laughland
Kinofilm
Ein ung mann (McCormack) slentrar ned gata og sjekkar at han ser staseleg ut i vindauga. Samstundes stressar Nancy (Thompson) framom spegelen på eit hotellrom. Ho har nyss blitt enke. Han bankar på og introduserer seg som Leo Grande. Ho har betalt. Den pensjonerte læraren har aldri kjøpt sex før. No skal ho freiste å oppleve nyting tiår med ekteskap aldri leverte.
Arvesynda
Emma Thompson er sjølvsagt enormt solid i hovudrolla. Ho er seg sjølv lik, men er ekstra nervøs, pertentleg og påståeleg samstundes. Figuren hennar er både enkel og samansett. Ho unner seg å nyte, men skammar seg over alderen sin. Tankar om at sonen er keisam, kan kanskje passe like godt på henne sjølv. Det frilynte som ligg til grunn for premissen i filmen, gnissar mot kva ho tenker om elevar med korte skjørt. Daryl McCormack spelar òg godt som ung mann med ei klar, profesjonell haldning til yrket som sexarbeidar.
Nesten heile Good Luck to You, Leo Grande går føre seg på hotellrommet. Filmen er sterkt dialogdriven. Samtalane sveivar innom ei mengd frustrasjonar og fordommar. Moralisme står for fall. Alle vil kjenne seg attråverdige. Alder, kjønn og økonomi kan alle skape maktforhold knytt til sex. Regissør Sophie Hyde rører òg respekt og grensesetjing på fleire sett med teft. Rett som det er kjem vittige ordvekslingar. Mykje er venta innslag, frå kvinneguidereferansar til lærarfantasiar. Det siste byr Nancy komisk imot.
Glansbiletet
Nancy er oppteken av at fantasiane hennar ikkje inneber noko sært. Filmen målber såleis seksualiteten til kvinner som ser på seg sjølve som vanlege, og aldri har hatt eit tilfredsstillande sexliv. Medan filmhistoria er gjennomsyra av det mannlege blikket og plar pleie fantasiane til dei dominerande figurane i bransjen, appellerer altså denne filmskaparen til lysta hjå eit anna publikum.
Ein kan enkelt ta filmen til inntekt for kritikk av forbod mot sexkjøp. Skuggesidene blir feia under teppet. Sophie Hyde vinklar temaet positivt. Ho trår varsamt og lettbeint over i eit underhaldande rom der kvinner som Nancy skal få nyte livet. Det er ikkje så verst.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Emma Thompson er sjølvsagt enormt solid i hovudrolla.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.