Minoritet

Mone Celin Skrede

mone@dagogtid.no

Aziz Ur Rehman er leiar i Rådet for innvandrarorganisasjonar og brenn for at barn og unge med minoritetsbakgrunn skal verte meir aktive samfunnsdeltakarar.

– Barn og unge med minoritetsbakgrunn treng rollemodellar på fritidsarenaer, på skulen, i arbeidslivet og elles i samfunnet. Slik kan dei sjå at mange med deira bakgrunn har klara seg bra, og at dei har mange gode moglegheiter i samfunnet dei er ein del av, sa Rehman på prisutdelinga.

Han vil nytte prispengane på tiltak for barn og unge i lokalmiljøet i Søndre Nordstrand.

– Å vere eit førebilete er å vere noko for andre, å vere til stades og tore å gå fremst, sa barne- og likestillingsminister Linda Hofstad Helleland då ho delte ut prisen på Nobels fredssenter i Oslo måndag.

– Gjennom den mangfaldige innsatsen han har gjort for likestilling og integrering, er han eit førebilete for oss alle, uttala ho.

Rehman arbeider frivillig som leiar på Mangfoldshuset i Søndre Nordstrand i Oslo og er leiar for radiokanalen Voice of Oslo, som rettar seg mot framandspråklege med samfunnsengasjement. Sendingane føregår på arabisk, urdu og somalisk. På Mangfoldshuset arrangerer han norskkurs, datakurs, spanskkurs, temakveldar, jentekveldar og trening for kvinner. Han arrangerer òg ferieaktivitetar for barn og unge.

Prisen for Årets førebilete vert delt ut kvart andre år av Barne-, ungdoms og familiedirektoratet (Bufdir). Vinnarane vert føreslegne av kommunar og organisasjonar i Noreg.