Eva Furseth

Eva Furseth er utdanna cand.phil. i kunsthistorie ved Universitetet i Bergen. Ho er konservator NMF ved Justismuseet og fast kunstmeldar i Dag og Tid. Furseth har skrive fleire bøker og artiklar om norsk og færøysk kunst. Ho er oppteken av å synleggjere det rike mangfaldet i utstillingsverksemda i det langstrakte landet vårt. Tidlegare har ho vore kunstmeldar i Bergens Tidende og tilsett ved Museet for samtidskunst og Trondheim Kunstmuseum. Furseth har også oppretta og drive selskapet Kunstkontoret AS, som tok for seg kunstfaglege spesialisttenester. Furseth er fødd i Vestmanna på Færøyane og vaks opp i Valldal på Sunnmøre.