Uvêr
– Men det står på Yr at det er opplett!
Eg er midt på Koengen, konsertområdet ved Bergenhus festning, seinsommaren 2014. På scena er Neil Young, og dei siste dagane har det vorte spekulert i korleis vêret kom til å vera denne kvelden. Vert det støvlar eller joggesko? På sjølve dagen er meldingane heilt klåre: Det vert ein tørr seanse. Ikkje ein drope regn, og eg går for joggesko.
Men der eg står i striregn, gjennomblaut og gjørmete og oppdaterer Yr.no som framleis står på sitt – det regnar ikkje – skjøner eg ingenting. Teikn på telefonen og handling frå himmelen stemmer ikkje overeins. Kven skal eg stola på?
«Går det fint?», skriv eg i ein SMS til mannen min. Han er med sønene våre, dei har køyrt til eit turområde ti minutt unna, stikk i strid med ynsket mitt.
«Ja da, de spiller fotball», svarar han, og eg pustar letta ut. Dei lever.
Eg ligg heime på sofaen og les på Nrk.no at «Stormen har ankommet Norge», men tek meg ikkje bryet med å sjå ut vindauget korleis vêret er her.
Nettavisene skriv at politiet rår folk til å ikkje oppsøkja uvêret, samstundes som dei same nettavisene ynskjer bilete eller video frå det same uvêret. Dei tre øvste sakene på Bergens Tidende har stikktittel «Uværet direkte».
I over eit døgn har avisene åtvara mot uvêret, som vil treffa Vestlandet langs kysten hardt.
På føremiddagen fekk eg melding om at snøggbåten som fartar mellom øyene her, vart innstilt på ettermiddagen på grunn av vêrvarslinga. I overskya vårvêr tok eg ein halvhjarta runde rundt huset og sikra lause gjenstandar, ein meteorolog sa det var lurt.
Vanlegvis plar sønene mine gå frå busstoppet og dei 200 metrane heim sjølv etter skulen, men sidan det stod på nettet at skuleborn ikkje burde gå åleine langs vegen i dag, går eg ned for å henta dei. Sjølv om det verken blæs eller regnar utover det normale. Og no spelar dei visst fotball.
Eg trur ikkje på det eg ser ut vindauget. Eg trur på skjermen.
Clementine
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
– Men det står på Yr at det er opplett!
Eg er midt på Koengen, konsertområdet ved Bergenhus festning, seinsommaren 2014. På scena er Neil Young, og dei siste dagane har det vorte spekulert i korleis vêret kom til å vera denne kvelden. Vert det støvlar eller joggesko? På sjølve dagen er meldingane heilt klåre: Det vert ein tørr seanse. Ikkje ein drope regn, og eg går for joggesko.
Men der eg står i striregn, gjennomblaut og gjørmete og oppdaterer Yr.no som framleis står på sitt – det regnar ikkje – skjøner eg ingenting. Teikn på telefonen og handling frå himmelen stemmer ikkje overeins. Kven skal eg stola på?
«Går det fint?», skriv eg i ein SMS til mannen min. Han er med sønene våre, dei har køyrt til eit turområde ti minutt unna, stikk i strid med ynsket mitt.
«Ja da, de spiller fotball», svarar han, og eg pustar letta ut. Dei lever.
Eg ligg heime på sofaen og les på Nrk.no at «Stormen har ankommet Norge», men tek meg ikkje bryet med å sjå ut vindauget korleis vêret er her.
Nettavisene skriv at politiet rår folk til å ikkje oppsøkja uvêret, samstundes som dei same nettavisene ynskjer bilete eller video frå det same uvêret. Dei tre øvste sakene på Bergens Tidende har stikktittel «Uværet direkte».
I over eit døgn har avisene åtvara mot uvêret, som vil treffa Vestlandet langs kysten hardt.
På føremiddagen fekk eg melding om at snøggbåten som fartar mellom øyene her, vart innstilt på ettermiddagen på grunn av vêrvarslinga. I overskya vårvêr tok eg ein halvhjarta runde rundt huset og sikra lause gjenstandar, ein meteorolog sa det var lurt.
Vanlegvis plar sønene mine gå frå busstoppet og dei 200 metrane heim sjølv etter skulen, men sidan det stod på nettet at skuleborn ikkje burde gå åleine langs vegen i dag, går eg ned for å henta dei. Sjølv om det verken blæs eller regnar utover det normale. Og no spelar dei visst fotball.
Eg trur ikkje på det eg ser ut vindauget. Eg trur på skjermen.
Clementine
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.