Meyer høyrer det ho ønsker å høyre
Finansdepartementet er ikkje kjent for å gje ved dørene, men i høve til Christine Benedicte Meyer er det nett det dei har gjort.
Frå pressekonferansen førre fredag der SSB-sjef Christine Meyer sa at ho ikkje hadde sagt opp stillinga si, og at ho heller ikkje hadde fått varsel om oppseiing.
Foto: Cornelius Poppe / NTB scanpix
Kommentar
vidar@dagogtid.no
I juni 2015 var det så viktig for Finansdepartementet å få Christine Meyer som ny administrerande direktør i Statistisk Sentralbyrå (SSB) at departementet var viljug til å plusse på løna med 200.000 kroner ut over ordinær løn på 1,4 millionar. Ho vart beden om å søke etter at søknadsfristen vart forlenga. Ho fekk eit tillegg på 200.000 kroner årleg til å dekke husvære i Oslo og pendling frå Bergen. Dette tillegget skulle falle bort seinast etter to år.
Men i år var Meyer framleis så gjæv for departementet at ho greidde å forhandle seg fram til at tillegget skulle vare i endå eit år. Det skjedde ifylgje departementet under medarbeidarsamtalen ho hadde med sine overordna i Finansdepartementet, finansråd Hans Henrik Scheel og ekspedisjonssjef Amund Holmsen. Avtalen vart inngått 2. mai og godkjend av finansminister Siv Jensen. Alt var då fryd og gaman.
Best betalt
Finansdepartementet vil i dag ikkje svare på om forlenging av bustad- og pendlartillegget eitt år til var eit krav og vilkår frå Meyers side for å halde fram i SSB-jobben, og opplyser at det ikkje finst eitt einaste dokument i saka. Departementet viser til Meyer. Dag og Tid har stilt spørsmålet til Meyer, men utan å få svar.
Bustad- og pendlartillegget pluss eit ordinært lønstillegg på 30.000 kroner i 2016 gjer at Meyer ved årsskiftet var den tiande best betalte leiaren i det statlege leiarlønssystemet med ei årsløn på 1.630.000 kroner.
Då Dag og Tid i august 2015 fortalde om tilsettingsvilkåra for Meyer, opplyste Finansdepartementet at departementet ikkje hadde kjennskap til at nokon andre nytilsette leiarar i staten hadde fått slike lønsvilkår, god løn og høgt pendlartillegg. Saka vekte oppsikt.
No har departementet også gått med på at Meyer får ordinær løn på 1.430.000 kroner i eitt år og oppretthalde pendlartillegget i eit halvt år etter at Meyer har slutta i jobben og med det ikkje treng kompensasjon for å ha to husvære og pendle mellom Bergen og Oslo.
Meyer har stadfesta at ho i utgangspunktet kravde to fulle årsløner for å gå, det betyr 3.260.000 kroner.
I tillegg har departementet gått med på å betale flytteutgifter for Meyer på inntil 30.000 kroner. Nokon slik post finst ikkje i tilsettingsavtalen, opplyser departementet til Dag og Tid.
Advokatutgifter
På toppen av dette kjem dekking av advokatutgifter på inntil 175.000 kroner. Det har kome fram at kravet var atskillig høgare.
Vi har spurt Meyer om kva tid advokaten vart engasjert og kor mange timar han har arbeidd for henne – utan å få svar.
Det blir spanande å sjå kva krav advokaten kjem opp med, og kva departementet vil godkjenne av timar og timesatsar.
At partane no kranglar om kva som har skjedd og kva som er sagt, endrar ikkje det faktumet at Meyer har hatt og framleis får ein raus økonomisk avtale med departementet.
Meyer hevdar hardnakka at Finansdepartementet var med på arbeidet med omorganisering av byrået – heile vegen, til flyttinga av Erling Holmøy frå forskingsavdelinga til statistikkavdelinga vart kjend.
Det er heilt på det reine at dette ikkje stemmer. Finansminister Siv Jensen kan slå i bordet med møtereferat som seier noko anna. Der er klåre åtvaringar. Også styret i byrået har åtvara, viser styreprotokollar.
Dette vitnar om at Christine Meyer høyrer det ho ønsker å høyre. Det gjev også grunn til å stille spørsmål ved utleggingar ho har om samtalar ho har hatt i saka.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Kommentar
vidar@dagogtid.no
I juni 2015 var det så viktig for Finansdepartementet å få Christine Meyer som ny administrerande direktør i Statistisk Sentralbyrå (SSB) at departementet var viljug til å plusse på løna med 200.000 kroner ut over ordinær løn på 1,4 millionar. Ho vart beden om å søke etter at søknadsfristen vart forlenga. Ho fekk eit tillegg på 200.000 kroner årleg til å dekke husvære i Oslo og pendling frå Bergen. Dette tillegget skulle falle bort seinast etter to år.
Men i år var Meyer framleis så gjæv for departementet at ho greidde å forhandle seg fram til at tillegget skulle vare i endå eit år. Det skjedde ifylgje departementet under medarbeidarsamtalen ho hadde med sine overordna i Finansdepartementet, finansråd Hans Henrik Scheel og ekspedisjonssjef Amund Holmsen. Avtalen vart inngått 2. mai og godkjend av finansminister Siv Jensen. Alt var då fryd og gaman.
Best betalt
Finansdepartementet vil i dag ikkje svare på om forlenging av bustad- og pendlartillegget eitt år til var eit krav og vilkår frå Meyers side for å halde fram i SSB-jobben, og opplyser at det ikkje finst eitt einaste dokument i saka. Departementet viser til Meyer. Dag og Tid har stilt spørsmålet til Meyer, men utan å få svar.
Bustad- og pendlartillegget pluss eit ordinært lønstillegg på 30.000 kroner i 2016 gjer at Meyer ved årsskiftet var den tiande best betalte leiaren i det statlege leiarlønssystemet med ei årsløn på 1.630.000 kroner.
Då Dag og Tid i august 2015 fortalde om tilsettingsvilkåra for Meyer, opplyste Finansdepartementet at departementet ikkje hadde kjennskap til at nokon andre nytilsette leiarar i staten hadde fått slike lønsvilkår, god løn og høgt pendlartillegg. Saka vekte oppsikt.
No har departementet også gått med på at Meyer får ordinær løn på 1.430.000 kroner i eitt år og oppretthalde pendlartillegget i eit halvt år etter at Meyer har slutta i jobben og med det ikkje treng kompensasjon for å ha to husvære og pendle mellom Bergen og Oslo.
Meyer har stadfesta at ho i utgangspunktet kravde to fulle årsløner for å gå, det betyr 3.260.000 kroner.
I tillegg har departementet gått med på å betale flytteutgifter for Meyer på inntil 30.000 kroner. Nokon slik post finst ikkje i tilsettingsavtalen, opplyser departementet til Dag og Tid.
Advokatutgifter
På toppen av dette kjem dekking av advokatutgifter på inntil 175.000 kroner. Det har kome fram at kravet var atskillig høgare.
Vi har spurt Meyer om kva tid advokaten vart engasjert og kor mange timar han har arbeidd for henne – utan å få svar.
Det blir spanande å sjå kva krav advokaten kjem opp med, og kva departementet vil godkjenne av timar og timesatsar.
At partane no kranglar om kva som har skjedd og kva som er sagt, endrar ikkje det faktumet at Meyer har hatt og framleis får ein raus økonomisk avtale med departementet.
Meyer hevdar hardnakka at Finansdepartementet var med på arbeidet med omorganisering av byrået – heile vegen, til flyttinga av Erling Holmøy frå forskingsavdelinga til statistikkavdelinga vart kjend.
Det er heilt på det reine at dette ikkje stemmer. Finansminister Siv Jensen kan slå i bordet med møtereferat som seier noko anna. Der er klåre åtvaringar. Også styret i byrået har åtvara, viser styreprotokollar.
Dette vitnar om at Christine Meyer høyrer det ho ønsker å høyre. Det gjev også grunn til å stille spørsmål ved utleggingar ho har om samtalar ho har hatt i saka.
Meyer hevdar hardnakka at Finans-
departementet var med på arbeidet med omorganisering av byrået – heile vegen.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.