Nostalgisk fiksjonsquiz
Family fortel historia om ei oppdikta musikkrørsle.
Pop
Owl_Skip:
Family
Bandcamp/itch.io
Den britiske musikaren og spelmakaren Tim Sheinman arbeider under namnet Owl_Skip og har fått ein god del merksemd den siste tida for det uvanlege verket Family. Det er tale om eit samlealbum med musikk framført av oppdikta band i ein liksomgløymd avkrok av Londons musikkscene på 80-talet, samt ein musikkquiz i dataspelform der ein lyt nøste opp i mystikken kring kven som spelte i kva band gjennom å lese presseklipp og lytte til radioprogram inspirerte av John Peels Rock Family Show.
Omgrepet hauntology har blitt brukt av musikkritikarar som Mark Fisher og Simon Reynolds om eksperimentell, oftast elektronisk musikk (til dømes Burial og The Caretaker) som handsamar «ein nostalgi for ei framtid som aldri blei noko av og ein visjon om eit underleg, alternativt Storbritannia». Den oppdikta indiepopscena ein stiftar detaljert kjennskap med i Family, derimot, uttrykker nostalgi for ein type jangle-pop og new wave som finst i store mengder i røynda.
Kan hende seier dette simulerte stykket musikkhistorie noko djupt om den britiske kulturelle psyken i brexitalderen, men eg lyt likevel vedgå at eg synest musikken er heller uinteressant, og at eg dermed har vanskar med å finne meining i å nøste opp i samanhengane mellom dei ni oppdikta banda og dei konstruerte kunstnariske signaturstilane deira. For dei som likar alternativ-pop à la The Smiths og musikkquiz så godt at fakta om den reelle musikkscena ikkje er nok til å slokke kunnskapstørsten, er nok dette ordentlige godsaker – og dertil heilt gratis.
Rasmus Hungnes
Rasmus Hungnes er kunstnar, trommeslagar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Owl_Skip:
Family
Bandcamp/itch.io
Den britiske musikaren og spelmakaren Tim Sheinman arbeider under namnet Owl_Skip og har fått ein god del merksemd den siste tida for det uvanlege verket Family. Det er tale om eit samlealbum med musikk framført av oppdikta band i ein liksomgløymd avkrok av Londons musikkscene på 80-talet, samt ein musikkquiz i dataspelform der ein lyt nøste opp i mystikken kring kven som spelte i kva band gjennom å lese presseklipp og lytte til radioprogram inspirerte av John Peels Rock Family Show.
Omgrepet hauntology har blitt brukt av musikkritikarar som Mark Fisher og Simon Reynolds om eksperimentell, oftast elektronisk musikk (til dømes Burial og The Caretaker) som handsamar «ein nostalgi for ei framtid som aldri blei noko av og ein visjon om eit underleg, alternativt Storbritannia». Den oppdikta indiepopscena ein stiftar detaljert kjennskap med i Family, derimot, uttrykker nostalgi for ein type jangle-pop og new wave som finst i store mengder i røynda.
Kan hende seier dette simulerte stykket musikkhistorie noko djupt om den britiske kulturelle psyken i brexitalderen, men eg lyt likevel vedgå at eg synest musikken er heller uinteressant, og at eg dermed har vanskar med å finne meining i å nøste opp i samanhengane mellom dei ni oppdikta banda og dei konstruerte kunstnariske signaturstilane deira. For dei som likar alternativ-pop à la The Smiths og musikkquiz så godt at fakta om den reelle musikkscena ikkje er nok til å slokke kunnskapstørsten, er nok dette ordentlige godsaker – og dertil heilt gratis.
Rasmus Hungnes
Rasmus Hungnes er kunstnar, trommeslagar og fast musikkmeldar i Dag og Tid.
Fleire artiklar
Teikning: May Linn Clement
Historieforvanskingar
Eskil Skjeldal har skrive fleire bøker, både sakprosa og romanar.
Foto: Vegard Giskehaug
Der mørkeret bur
Eskil Skjeldal er ikkje redd for å gå dit det gjer mest vondt.
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.