Frisk pust frå vest
Solid debut frå Arne Toivo Fjose Sandberg.
Jazz
Toivo Quintet:
View
Andreas Hesselberg Hatzikiriakidis, trompet; Aksel Øvreås Røed, tenorsaksofon; Mathias Marstrander, gitar; Arne Toivo Fjose Sandberg, bass; Sigurd Steinkopf, trommer.
LOSEN RECORDS LOS 243-2
Orkesterleiar, komponist og bassist Arne Toivo Fjose Sandberg har samla ein kvintett som alle har fartstid frå jazzlinja ved Griegakademiet. Toivo Quintet er meir enn sterkt inspirert av straumdrag i jazzen som var sentrale i 60- og 70-åra, men det hindrar dei ikkje i å sjå på tradisjonen som nettopp inspirasjon i ganske vid forstand.
Sandberg har skrive ni låtar som spenner frå enkle tema presenterte av trompet, saks og gitar oppå ein bass- og trommegroove som først og fremst fungerer som springbrett for solistisk akrobatikk, til meir samansette komposisjonar som til dømes den fint strukturerte «GBG». Tre av låtane er korte introduksjonar eller mellomspel.
Sandberg er ein markant orkesterleiar som syter for eit botnsolid musikalsk fundament når det trengst, men han kan også vera lyrisk-melodisk i Haden-sk forstand. Desse to rollene kombinerer han svært fint i «BGO» der også Røed har ein av sine mest inspirerte augneblinkar. I tillegg til Røed er gitarist Marstrander den mest nytta solisten.
Toivo Quintet vågar å utfordra seg sjølv. Det er noko friskt, energisk og spontant i uttrykket. Dei lèt det stå til. Alt dette får ein ikkje utan å ofra noko. Her og der er det litt smårusk i samspelet, og innimellom blir det i overkant mykje cymbalar i lydbiletet, men i slike samanhengar er det vanskeleg å få både i pose og sekk. Forfriskande!
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Toivo Quintet:
View
Andreas Hesselberg Hatzikiriakidis, trompet; Aksel Øvreås Røed, tenorsaksofon; Mathias Marstrander, gitar; Arne Toivo Fjose Sandberg, bass; Sigurd Steinkopf, trommer.
LOSEN RECORDS LOS 243-2
Orkesterleiar, komponist og bassist Arne Toivo Fjose Sandberg har samla ein kvintett som alle har fartstid frå jazzlinja ved Griegakademiet. Toivo Quintet er meir enn sterkt inspirert av straumdrag i jazzen som var sentrale i 60- og 70-åra, men det hindrar dei ikkje i å sjå på tradisjonen som nettopp inspirasjon i ganske vid forstand.
Sandberg har skrive ni låtar som spenner frå enkle tema presenterte av trompet, saks og gitar oppå ein bass- og trommegroove som først og fremst fungerer som springbrett for solistisk akrobatikk, til meir samansette komposisjonar som til dømes den fint strukturerte «GBG». Tre av låtane er korte introduksjonar eller mellomspel.
Sandberg er ein markant orkesterleiar som syter for eit botnsolid musikalsk fundament når det trengst, men han kan også vera lyrisk-melodisk i Haden-sk forstand. Desse to rollene kombinerer han svært fint i «BGO» der også Røed har ein av sine mest inspirerte augneblinkar. I tillegg til Røed er gitarist Marstrander den mest nytta solisten.
Toivo Quintet vågar å utfordra seg sjølv. Det er noko friskt, energisk og spontant i uttrykket. Dei lèt det stå til. Alt dette får ein ikkje utan å ofra noko. Her og der er det litt smårusk i samspelet, og innimellom blir det i overkant mykje cymbalar i lydbiletet, men i slike samanhengar er det vanskeleg å få både i pose og sekk. Forfriskande!
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Skodespelar Svein Tindberg flettar saman eigne barndomserfaringar med 4000 år gamle forteljingar frå Bibelen.
Foto: Marcel Leliënhof
Høgaktuelle forteljingar frå Midtausten
Trur vi Bibelen er ei utdatert bok, tek vi feil. Svein Tindberg syner korleis gamle jødisk-kristne soger talar til vår eksistens no når bombene fell mellom folkeslag.
Foto: Dag Aanderaa
Pyntesjuke og luksuslov
Christian Kvart ville styre pynten, krydderet og konfekten.
Miridae, ei bladtege med oval form.
Foto: via Wikimedia Commons
Levande innsikt om døyande insekt
Ein optimistisk tone råder i ei tettpakka faktabok om dystre utsikter for insekta.
Moss–Horten-ferja er den mest trafikkerte i landet. Skjer det noko uføresett, som då dei tilsette blei tatt ut i LO-streik i fjor, veks køane på begge sider av fjorden.
Foto: Terje Bendiksby / AP / NTB
Pengegaloppen i ferjetoppen
Det står ei Norled-ferje her og ei Torghatten-ferje der – innstilte. Ferja, ein livsnerve for mange, er eigd av folk vi ikkje aner kven er, utanfor vår kontroll.
Yrka med det høgste sjukefråværet er kvinnedominerte med relasjonelt arbeid og høge emosjonelle krav, skriv Lill Sverresdatter Larsen.
Foto: Gorm Kallestad / NTB
Langvarig overbelastning gir rekordhøyt sykefravær
«Vi har lenge drevet en dugnad for å holde skuta flytende.»
Papiravisa