Norrønafolket på tur
Langgata (Dluga) i Gdansk i Polen.
Foto: Wikimedia Commons
I Langgata (Dluga) i Gdansk i Polen er det lett å sjå og høyra at Norrønafolket, det vil fara. Kor mykje kraft det tilfører andre, er ei anna sak, men dei som har genar frå vikingane, vert så vel mottekne og er så velsedde og (tal)rike at mest alle vertshusa i byen skiltar med meny på norsk.
Det går direktefly frå Sandefjord, Kristiansand og Stavanger, og sikkert frå andre norske byar. Jentegjengar som verkar litt usikre på om dei heilt er ferdige med ungdomstida si, held fine festar i den vakre og atterreiste byen. Førre helga, altså første søndag etter pinse, kunne ein høyra Rakkestad musikk-korps under dei restaurerte 1600-talsfasadane, og gatemusikarane, som held seg på høgt klassisk nivå med avtrykk frå konservatoriet i Gdansk, tok gjestfritt ein pause til ære for dei norske turistane.
Eg var der første gongen i 1974, ein av dei journalistane som fylgde statsminister Trygve Bratteli. I 1945 sto det – nei, det låg – knapt anna enn ruinar att da dei sovjetiske soldatane hadde drive tyskarane vidare vestover mot Berlin. Men 30 år seinare var den stilsikre gamlebyen reist på ny, nett som i Warszawa. Det var full drift på Lenin-verftet (der ein arbeidar ville høyra kvar vi kom i frå, og insisterte på å fortelja oss kor dårleg han tente og kor feitt kommunistpampane levde). Det hadde gått fire år sidan oppstanden i dei polske austersjøbyane, og det visste vi. Vi visste ikkje at det var berre seks år til Solidaritet og Lech Walesa, eller at kommunismen hadde teke fatt på sin siste 15-årsperiode i landet.
Verftsveteranen er 73 år no, og bur i det som vart heimbyen hans, ein ekspresident og nobelprisvinnar som til og med har fått den hypermoderne praktflyplassen oppkalla etter seg. Polakkane tek det ikkje så nøye med at folk helst skal døy før dei får gi namn til ei gate eller eit byggverk, kor «gåvmild» historia enn har vore mot nasjonen når det gjeld talet på dødsfall opp gjennom hundreåra – 1900-talet ikkje minst.
Som det høver seg, har Solidaritet fått sitt eige museum på Lenin-verftet. For polakkane veg det ikkje tungt at verftet kanskje burde få eit anna namn: Historie er historie, også om ho ikkje alltid er så hugnadsam å tenkja attende på. Viktigare er det at den overdimensjonerte, staselege pennen Walesa brukte da han skreiv under på avtala med styresmaktene, har ein heidersplass på museet. Han var 37 år gamal sommaren 1980, ukjend for andre enn arbeidskameratane han var klubbleiar for, og han skreiv under med schwung – kor dårleg det enn passar med eit tysk ord.
Eller kanskje likevel? For på tysk heiter byen framleis Danzig, og her, på Westerplatte, fall dei første skota i det som vart til det seks år lange og grufulle øydeleggingsverket under den andre verdskrigen.
Bratteli, med sine tunge krigserfaringar, var æresgjest på Westerplatte i 1974, og han både sa og fekk høyra mykje om dei polske soldatane som slost der, og vel eit halvår seinare i Narvik. På den tida, altså i 1974, var det framleis utenkjeleg at ein tysk politikar kunne få koma til Westerplatte, jamvel etter at Willy Brandt hadde falle på kne den desemberdagen i Warszawa i 1970.
I trillingbyane Gdansk, Gdynia og Sopot bur det over ein million menneske. Freden og turisttrafikken er herre over gatebiletet no, og ein må leita etter spora frå historia. Det moderne Polen har sine problem, men dei er verre mange andre stader enn på austersjøkysten, der arbeidsløysa er fire prosent, musikken er harmonisk og alle gjester er velkomne. Det er – nesten – som det aldri har vore krig her.
Per Egil Hegge
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I Langgata (Dluga) i Gdansk i Polen er det lett å sjå og høyra at Norrønafolket, det vil fara. Kor mykje kraft det tilfører andre, er ei anna sak, men dei som har genar frå vikingane, vert så vel mottekne og er så velsedde og (tal)rike at mest alle vertshusa i byen skiltar med meny på norsk.
Det går direktefly frå Sandefjord, Kristiansand og Stavanger, og sikkert frå andre norske byar. Jentegjengar som verkar litt usikre på om dei heilt er ferdige med ungdomstida si, held fine festar i den vakre og atterreiste byen. Førre helga, altså første søndag etter pinse, kunne ein høyra Rakkestad musikk-korps under dei restaurerte 1600-talsfasadane, og gatemusikarane, som held seg på høgt klassisk nivå med avtrykk frå konservatoriet i Gdansk, tok gjestfritt ein pause til ære for dei norske turistane.
Eg var der første gongen i 1974, ein av dei journalistane som fylgde statsminister Trygve Bratteli. I 1945 sto det – nei, det låg – knapt anna enn ruinar att da dei sovjetiske soldatane hadde drive tyskarane vidare vestover mot Berlin. Men 30 år seinare var den stilsikre gamlebyen reist på ny, nett som i Warszawa. Det var full drift på Lenin-verftet (der ein arbeidar ville høyra kvar vi kom i frå, og insisterte på å fortelja oss kor dårleg han tente og kor feitt kommunistpampane levde). Det hadde gått fire år sidan oppstanden i dei polske austersjøbyane, og det visste vi. Vi visste ikkje at det var berre seks år til Solidaritet og Lech Walesa, eller at kommunismen hadde teke fatt på sin siste 15-årsperiode i landet.
Verftsveteranen er 73 år no, og bur i det som vart heimbyen hans, ein ekspresident og nobelprisvinnar som til og med har fått den hypermoderne praktflyplassen oppkalla etter seg. Polakkane tek det ikkje så nøye med at folk helst skal døy før dei får gi namn til ei gate eller eit byggverk, kor «gåvmild» historia enn har vore mot nasjonen når det gjeld talet på dødsfall opp gjennom hundreåra – 1900-talet ikkje minst.
Som det høver seg, har Solidaritet fått sitt eige museum på Lenin-verftet. For polakkane veg det ikkje tungt at verftet kanskje burde få eit anna namn: Historie er historie, også om ho ikkje alltid er så hugnadsam å tenkja attende på. Viktigare er det at den overdimensjonerte, staselege pennen Walesa brukte da han skreiv under på avtala med styresmaktene, har ein heidersplass på museet. Han var 37 år gamal sommaren 1980, ukjend for andre enn arbeidskameratane han var klubbleiar for, og han skreiv under med schwung – kor dårleg det enn passar med eit tysk ord.
Eller kanskje likevel? For på tysk heiter byen framleis Danzig, og her, på Westerplatte, fall dei første skota i det som vart til det seks år lange og grufulle øydeleggingsverket under den andre verdskrigen.
Bratteli, med sine tunge krigserfaringar, var æresgjest på Westerplatte i 1974, og han både sa og fekk høyra mykje om dei polske soldatane som slost der, og vel eit halvår seinare i Narvik. På den tida, altså i 1974, var det framleis utenkjeleg at ein tysk politikar kunne få koma til Westerplatte, jamvel etter at Willy Brandt hadde falle på kne den desemberdagen i Warszawa i 1970.
I trillingbyane Gdansk, Gdynia og Sopot bur det over ein million menneske. Freden og turisttrafikken er herre over gatebiletet no, og ein må leita etter spora frå historia. Det moderne Polen har sine problem, men dei er verre mange andre stader enn på austersjøkysten, der arbeidsløysa er fire prosent, musikken er harmonisk og alle gjester er velkomne. Det er – nesten – som det aldri har vore krig her.
Per Egil Hegge
Historie er historie, også om ho
ikkje alltid er så hugnadsam
å tenkja attende på.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.