Vegar til å høyre
I dramaet rundt Ways of Seeing er det blitt oversett at stykket er ein heilt unik musikal.
Sara Baban på scena.
Foto: Leif Gabrielsen
Musikkteater
Sara Baban, Hanan Benammar, Pia Maria Roll:
Ways of Seeing
Black Box Teater
I Ways of Seeing (BBC, 1979) syner kritikarkunstnaren John Berger korleis representasjon av syn (til dømes oljemåleri og reklame) kan brukast til å konstruere perspektiv, oftast med makt- og profittorienterte siktemål. Teaterstykket med same namn har vekt og avdekt forskrudde høgreekstreme perpektivvridingar med sitt reverserte metanarrativ om overvaking, makt og utanforskap. Men ein detalj som har drukna i det underlege true crime medie- og rettssakssirkuset rundt stykket, er at Ways of Seeing er ein musikal.
Lågmælt, men konsis punkbassvamping akkom-
pagnerer lange monologar. Ali Djabbaris forteljing om den algeriske motstandsrørsla sklir umerkeleg over i ein rasande festleg Singing in the Rain-referansedans om katastrofe (for etablissementet). Reggae vert sameint med kurdisk tradisjonsmusikk. Den kurdiske skaldtradisjonen dengbej har i mange tusen år blitt brukt til å formidle og ta vare på historier, og songane kan vare i dagevis. Sara Babans mormor var del av denne truga tradisjonen, som står sentralt i stykket.
I klimaks av stykket er det umogeleg å motstå Babans medrivande og virtuose loop pedal-omgang med den intense dengbej-songstilen. Språkbarrierar vert oppløyste. Hanan Benammar speler fiolin, Djabbari dunkar på daf, ei tradisjonell rammetromme, tidlegare høgsterettsdomar Ketil Lund dronar i veg på eit uidentifisert belginstrument: Dette usannsynlege bandet vil eg gjerne sjå igjen, men diverre skal oppsetjingane på Black Box førre veke ha vore dei siste. Men om og når sjansen byr seg til å sjå dokumentasjonen av stykket på TV, museum, kva vis som helst, er det berre å hive seg rundt og kaste alle sine blikk over det som må vere den mest effektive politiske musikalen verdsaltet nokosinne har høyrt eller sett.
Rasmus Hungnes
Rasmus Hungnes er kunstnar, musikar, dj og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Musikkteater
Sara Baban, Hanan Benammar, Pia Maria Roll:
Ways of Seeing
Black Box Teater
I Ways of Seeing (BBC, 1979) syner kritikarkunstnaren John Berger korleis representasjon av syn (til dømes oljemåleri og reklame) kan brukast til å konstruere perspektiv, oftast med makt- og profittorienterte siktemål. Teaterstykket med same namn har vekt og avdekt forskrudde høgreekstreme perpektivvridingar med sitt reverserte metanarrativ om overvaking, makt og utanforskap. Men ein detalj som har drukna i det underlege true crime medie- og rettssakssirkuset rundt stykket, er at Ways of Seeing er ein musikal.
Lågmælt, men konsis punkbassvamping akkom-
pagnerer lange monologar. Ali Djabbaris forteljing om den algeriske motstandsrørsla sklir umerkeleg over i ein rasande festleg Singing in the Rain-referansedans om katastrofe (for etablissementet). Reggae vert sameint med kurdisk tradisjonsmusikk. Den kurdiske skaldtradisjonen dengbej har i mange tusen år blitt brukt til å formidle og ta vare på historier, og songane kan vare i dagevis. Sara Babans mormor var del av denne truga tradisjonen, som står sentralt i stykket.
I klimaks av stykket er det umogeleg å motstå Babans medrivande og virtuose loop pedal-omgang med den intense dengbej-songstilen. Språkbarrierar vert oppløyste. Hanan Benammar speler fiolin, Djabbari dunkar på daf, ei tradisjonell rammetromme, tidlegare høgsterettsdomar Ketil Lund dronar i veg på eit uidentifisert belginstrument: Dette usannsynlege bandet vil eg gjerne sjå igjen, men diverre skal oppsetjingane på Black Box førre veke ha vore dei siste. Men om og når sjansen byr seg til å sjå dokumentasjonen av stykket på TV, museum, kva vis som helst, er det berre å hive seg rundt og kaste alle sine blikk over det som må vere den mest effektive politiske musikalen verdsaltet nokosinne har høyrt eller sett.
Rasmus Hungnes
Rasmus Hungnes er kunstnar, musikar, dj og fast musikkmeldar i Dag og Tid.
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Når den medisinske utviklingen gjør at vi kan redde barn stadig tidligere, er utvidelse av abortloven helt feil vei å gå, skriver KrF-leder Olaug Bollestad.
Foto: Jan-Petter Dahl, TV 2 / TV 2 / NTB
Blottet for etiske refleksjoner
Fjerner Arbeiderpartiet nemndene, fjerner de rettsvernet for det ufødte livet frem til svangerskapet er nesten halvgått.
Teikning: May Linn Clement
Votten
Like ved der huset til Olav og Margit så vidt kan skimtast bak ein haug, heng ein blaut vott i toppen av ei brøytestikke. Ein liten gut står på tå og prøver å rekke opp.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.