«Som få evnar Frode Grytten å skildre menn som av ymse grunnar fell utanfor.»
Sju menn fortel sju historier knytte saman av musikk og ein fellesskap om det å ikkje høyre til.
Foto: Den Nationale Scene
Den Nationale Scene, Store Scene
Frode Grytten:
Menn som ingen treng
Regi og tilrettelegging:
Lasse Kolsrud
Scenografi: Bård Lie
Thorbjørnsen
Kostyme: Milja Salovaara
Lys: Silje Grimstad
Musikalsk arrangement og leiing: Helge Lilletvedt
Desse stakkars mannfolka
Ei form for musikkteater som skaper scenisk heilskap og fungerer overraskande godt.
Som få evnar Frode Grytten å skildre menn som av ymse grunnar fell utanfor, og han gjer det utan å dømme eller kritisere. Han syner fram det han observerer, og så er han også i stand til å finne songar som høver til kvar einaste sinnsstemning, kvar einaste lagnad. Alt der ligg ei oppskrift på suksess.
Så har regissør Lasse Kolsrud, Gryttens kunstnarlege åndsfrende gjennom mange år, i samarbeid med musikalsk ansvarleg Helge Lilletvedt, fått spele med ein strykekvartett og ein livemixsamplar (Eirik Sundaran Blåsternes) som i harmoni med dei godt syngande skodespelarane skapar musikkteater av høg kvalitet. Saman formar dei ein musikalsk einskap som ber denne framsyninga frå byrjing til slutt, og som finn fin støtte i Silje Grimstads lyssetjing.
For eigentleg er dette teater av aller enklaste slag, tradisjonelt forteljeteater. Sju menn med kvar sin lagnad gir oss forteljingane sine, stykkevis og delt. Dei er namnlause, men i alder frå 63 til 19 år, og ingen av dei høyrer heime i dei øvre samfunnslaga. Dei både er og er ikkje saman, kvar har si historie å fortelje – enten det skjer frå setet på ein stressless, i ein sofa eller bak ein mikrofon. I stadig rørsle deler dei dei ofte vonde røynslene sine, men utan å kommunisere direkte med kvarandre. Det opplever eg som den einaste større veikskapen i tekst og framsyning. Men måten musikken er nytta på, knyter dei saman på eit vis som kompenserer for noko av dette.
«Menn som ingen treng er musikkteater av høg kvalitet.»
Mange vonbrot
I sum blir stykket ei samling historier med mange vonbrot, mange nederlag og mange tap. Einsemd, sakn, samanbrot, hjelpeløyse, forelda mannsideal, få lyspunkt. I kva grad desse karane er offer, kan nok diskuterast, og det er heller ikkje like klart kven eller kva dei i så tilfelle er offer for.
I 2016 gav Grytten ut ei novellesamling med same tittel som stykket. Tematikken er den same, og tvillaust lett å kjenne seg att i for mange, men personane og lagnadane i sceneteksten er heilt andre.
Dei sju er «vanlege folk», og alle har vel eigentleg ikkje falle heilt utanfor. Vi møter ein enkemann (Jon Ketil Johnsen) som er forbitra over at den rike staten ikkje hadde råd til å gi kona hans den kreftmedisinen ho trong; ein krigsveteran med seinskadar (Hugo Mikal Skår), men med ei støttande kone og eit system som tek han under behandling.
Molltonar
Men også ein polsk innvandrar (Jonatan Filip) med vage draumar; ein bostømmar (Terje Ranes) som ønskte seg ein stor barneflokk, men aldri fekk kone og born; ein 45-åring (Kristoffer Sagmo Aalberg) som ikkje vil ha eit fast forhold, men ligg med kvinner så ofte han kan; ein gatefeiar (Jonas Fuglevik Urstad) som går inn og ut av homofile forhold og ikkje finn noko fast; og 19-åringen (Teo Tomczuk) som kan vere ein potensiell skuleskytar.
Samspelet mellom dei sju, som strengt teke ikkje er så mykje tradisjonelt samspel, fungerer bra. Samspelet mellom songen, strykekvartetten og samplaren verkar bortimot perfekt, enten dei tolkar Waits, Springsteen, Cave, Bowie eller andre som har ytra seg musikalsk om å vere mann. For strykekvartetten, fire kvinner iført rideantrekk frå førre hundreårsskifte, har Helge Lilletvedt omarbeidd desse låtane og gitt dei ein klassisk sound som stundom lyder schubertsk. Det verkar framifrå, med molltonar (stort sett) som både kommenterer og strekar under tematikken.
Jan H. Landro
Jan H. Landro er forfattar, journalist og fast teatermeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Den Nationale Scene, Store Scene
Frode Grytten:
Menn som ingen treng
Regi og tilrettelegging:
Lasse Kolsrud
Scenografi: Bård Lie
Thorbjørnsen
Kostyme: Milja Salovaara
Lys: Silje Grimstad
Musikalsk arrangement og leiing: Helge Lilletvedt
Desse stakkars mannfolka
Ei form for musikkteater som skaper scenisk heilskap og fungerer overraskande godt.
Som få evnar Frode Grytten å skildre menn som av ymse grunnar fell utanfor, og han gjer det utan å dømme eller kritisere. Han syner fram det han observerer, og så er han også i stand til å finne songar som høver til kvar einaste sinnsstemning, kvar einaste lagnad. Alt der ligg ei oppskrift på suksess.
Så har regissør Lasse Kolsrud, Gryttens kunstnarlege åndsfrende gjennom mange år, i samarbeid med musikalsk ansvarleg Helge Lilletvedt, fått spele med ein strykekvartett og ein livemixsamplar (Eirik Sundaran Blåsternes) som i harmoni med dei godt syngande skodespelarane skapar musikkteater av høg kvalitet. Saman formar dei ein musikalsk einskap som ber denne framsyninga frå byrjing til slutt, og som finn fin støtte i Silje Grimstads lyssetjing.
For eigentleg er dette teater av aller enklaste slag, tradisjonelt forteljeteater. Sju menn med kvar sin lagnad gir oss forteljingane sine, stykkevis og delt. Dei er namnlause, men i alder frå 63 til 19 år, og ingen av dei høyrer heime i dei øvre samfunnslaga. Dei både er og er ikkje saman, kvar har si historie å fortelje – enten det skjer frå setet på ein stressless, i ein sofa eller bak ein mikrofon. I stadig rørsle deler dei dei ofte vonde røynslene sine, men utan å kommunisere direkte med kvarandre. Det opplever eg som den einaste større veikskapen i tekst og framsyning. Men måten musikken er nytta på, knyter dei saman på eit vis som kompenserer for noko av dette.
«Menn som ingen treng er musikkteater av høg kvalitet.»
Mange vonbrot
I sum blir stykket ei samling historier med mange vonbrot, mange nederlag og mange tap. Einsemd, sakn, samanbrot, hjelpeløyse, forelda mannsideal, få lyspunkt. I kva grad desse karane er offer, kan nok diskuterast, og det er heller ikkje like klart kven eller kva dei i så tilfelle er offer for.
I 2016 gav Grytten ut ei novellesamling med same tittel som stykket. Tematikken er den same, og tvillaust lett å kjenne seg att i for mange, men personane og lagnadane i sceneteksten er heilt andre.
Dei sju er «vanlege folk», og alle har vel eigentleg ikkje falle heilt utanfor. Vi møter ein enkemann (Jon Ketil Johnsen) som er forbitra over at den rike staten ikkje hadde råd til å gi kona hans den kreftmedisinen ho trong; ein krigsveteran med seinskadar (Hugo Mikal Skår), men med ei støttande kone og eit system som tek han under behandling.
Molltonar
Men også ein polsk innvandrar (Jonatan Filip) med vage draumar; ein bostømmar (Terje Ranes) som ønskte seg ein stor barneflokk, men aldri fekk kone og born; ein 45-åring (Kristoffer Sagmo Aalberg) som ikkje vil ha eit fast forhold, men ligg med kvinner så ofte han kan; ein gatefeiar (Jonas Fuglevik Urstad) som går inn og ut av homofile forhold og ikkje finn noko fast; og 19-åringen (Teo Tomczuk) som kan vere ein potensiell skuleskytar.
Samspelet mellom dei sju, som strengt teke ikkje er så mykje tradisjonelt samspel, fungerer bra. Samspelet mellom songen, strykekvartetten og samplaren verkar bortimot perfekt, enten dei tolkar Waits, Springsteen, Cave, Bowie eller andre som har ytra seg musikalsk om å vere mann. For strykekvartetten, fire kvinner iført rideantrekk frå førre hundreårsskifte, har Helge Lilletvedt omarbeidd desse låtane og gitt dei ein klassisk sound som stundom lyder schubertsk. Det verkar framifrå, med molltonar (stort sett) som både kommenterer og strekar under tematikken.
Jan H. Landro
Jan H. Landro er forfattar, journalist og fast teatermeldar i Dag og Tid.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.