Romopera-rock
Musikken robot-DJ-en spelar i spelet Jedi Survivor, er tilgjengeleg på samleskive her på planeten.
Rock
Ymse artistar:
Songs from the Galactic Skylanes
Walt Disney Records
I går var Star Wars-dagen («May the fourth be with you»); i år er det 40 år sidan innslag nr. 3 i space opera-serien (Jediridderen vender tilbake) kom ut; førre veke blei Jedi Survivor lansert. Dette eventyrspelet krinsar rundt ein saloon der galaktiske nybyggjarar av forskjellig art samlast til samvære. Ein musikkprodusent som driv med sampling av dyrelivet på planeten, og hennar robot-DJ-kompanjong (med fire armar) står for musikken.
Det er tale om fantaseringar – signert reelle band frå jorda som opererer under synonym – kring korleis musikken i ein fjern galakse kunne høyrast ut. Songane er òg tilgjengelege på samleutgjevinga Songs from the Galactic Skylanes. I vår røynd.
«The Agosar», her i galaksen kjent som det mongolske metalbandet The Hu, speler hardtslåande folkrock, med djupe krigstrommer, riv røskande strupeklang og shredfele med vreng og feedback i bøttevis. Det tyrkisk-nederlandske psykedelisk rock-bandet Altin Gün opptrer som «Altin Lazer Blaster»: På «High Waves» er framandspråkleg vokal akkompagnert av eksotiske strengeinstrument og elektroniske lydar som læt lik dei mest silkemjuke laserpistolskot i skjøn harmoni; «Shortpaw’s Dance» er ei varm og tilbakelent, eklektisk reggae-aktig sak. «NAAARTAAAT» (israelske TATRAN) spelar kraut-aktig kosmisk rock med spretne rytmar og romslege, overjordiske synthlydar.
Star Wars har tradisjon for å dikte opp interplanetarisk pop: «Figrin D’an and the Modal Nodes» si utanomjordiske tradjazzradbrekking er eit kjent døme, og Songs from the Galactic Skylanes er ei overbevisande utanomjordisk fantasimusikksamling – som dertil introduserer alternative band for eit større publikum.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Ymse artistar:
Songs from the Galactic Skylanes
Walt Disney Records
I går var Star Wars-dagen («May the fourth be with you»); i år er det 40 år sidan innslag nr. 3 i space opera-serien (Jediridderen vender tilbake) kom ut; førre veke blei Jedi Survivor lansert. Dette eventyrspelet krinsar rundt ein saloon der galaktiske nybyggjarar av forskjellig art samlast til samvære. Ein musikkprodusent som driv med sampling av dyrelivet på planeten, og hennar robot-DJ-kompanjong (med fire armar) står for musikken.
Det er tale om fantaseringar – signert reelle band frå jorda som opererer under synonym – kring korleis musikken i ein fjern galakse kunne høyrast ut. Songane er òg tilgjengelege på samleutgjevinga Songs from the Galactic Skylanes. I vår røynd.
«The Agosar», her i galaksen kjent som det mongolske metalbandet The Hu, speler hardtslåande folkrock, med djupe krigstrommer, riv røskande strupeklang og shredfele med vreng og feedback i bøttevis. Det tyrkisk-nederlandske psykedelisk rock-bandet Altin Gün opptrer som «Altin Lazer Blaster»: På «High Waves» er framandspråkleg vokal akkompagnert av eksotiske strengeinstrument og elektroniske lydar som læt lik dei mest silkemjuke laserpistolskot i skjøn harmoni; «Shortpaw’s Dance» er ei varm og tilbakelent, eklektisk reggae-aktig sak. «NAAARTAAAT» (israelske TATRAN) spelar kraut-aktig kosmisk rock med spretne rytmar og romslege, overjordiske synthlydar.
Star Wars har tradisjon for å dikte opp interplanetarisk pop: «Figrin D’an and the Modal Nodes» si utanomjordiske tradjazzradbrekking er eit kjent døme, og Songs from the Galactic Skylanes er ei overbevisande utanomjordisk fantasimusikksamling – som dertil introduserer alternative band for eit større publikum.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Krasukha-4 er juvelen i den elektromagnetiske krigføringa til russarane.
Kjelde: Vitaly V. Kuzmin / Wikimedia Commons
Elektromagnetisk krigføring
Militære styrkar brukar radio, radarar og infraraude detektorar for å koordinera operasjonar og finna fienden.
Selv med økende immunitet i befolkningen, viser tilgjengelige, men altfor sparsomme data at sars-cov-2-viruset fortsetter å belaste vårt samfunn, skriver Gunhild Alvik Nyborg.
Foto: Stian Lysberg Solum / NTB
Svar til Preben Aavitsland
Å gjennomgående underkjenne seriøse, konsistente forskningsresultater er vitenskapsfornektelse.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
«Kald kveld» (1975), 51 x 64 cm. I dei seinare måleria lausriv Schultz seg frå dei strenge komposisjonsprinsippa og fører ein ny vitalitet inn i kunsten sin.
Verdien av det vakre
Telemark Kunstmuseum har løfta fram ein mellomkrigskunstnar som har vore gløymd altfor lenge. Fargekunstnaren Alexander Schultz (1901–1981) toler godt dagens lys.
Papiravisa