Orda slynger seg rundt tidsaksen
Meisterleg er det sikre anslaget i dikta, men like fullt bør ein akte på den overrumplande sluttlina.
Lars Saabye Christensen debuterte med ei diktsamling i 1976. Denne fekk han Tarjei Vesaas’ debutantpris for.
Foto: Magnus Stivi
Dikt
Lars Saabye Christensen:
Arnardos dør
Cappelen Damm
Sjølv om Arnardos dør av Lars Saabye Christensen ifølgje forlaget har blitt til over tid og dikta stammar frå ulikt hald og periodar, er det ein tydeleg konsistens her. Ikkje slik at dikta er til forveksling like, men i måten dei er bøygde og forma. Med ei gjennomgripande språkleg haldning og eit samla syn på verda talar dikta saman og fyller kvarandre ut. Likevel er dette framfor alt ei diktbok der enkeltdiktet står fram.
Tid
Tematikk og motiv er i hovudsak, vil eg tru, alt kjende frå forfattarskapen. Utan at eg kan skilte med belegg frå ein empirisk frekvensanalyse, synest eg eitt motiv peikar seg ut i Christensens forfattarskap uansett sjanger, nemleg forholdet til tida, anten ho går, har stansa eller definitivt er forbi. Arnardos dør representerer i så måte ikkje noko unnatak i forfattarskapen, tvert om, nesten kvart dikt snor og viklar orda sine rundt tidsaksen, til liks med titteldiktets avsluttande liner: «Det er døren for oss som ennå ikke vet/ om vi kommer eller bare går». Og sjølv forfattarens energiske ferd blir stogga av den besjela og tolsame tida i kortdiktet «Påminnelse»: «Tiden tok meg til side/ og sa: ta det med ro, Lars/ Du kan uansett bare bruke/ ett par sko// om gangen».
På hovudet
Ofte grip dikta fatt i ståande vendingar, i etablerte bilete og gjengse seiemåtar. Raskt blir desse utsette for språklege utdjupingar, ironiar og modifiseringar som snur verda eller seiemåten heilt eller delvis på hovudet, i det minste på skakke, i ein slik grad at ein undrar seg kvifor ein vel slike talemåtar utan å tenkje over det: «Livet ligger ikke foran deg/ I hvert fall ikke hele tiden/ Da må du tro om igjen/ Livet går helst ved siden av».
Slik kan eit dikt bore seg vertikalt gjennom språkoverflata og nedover ved å halde fast i skjelettet av det eine biletet det starta med, og slik landar også linene frå det siterte diktet, til slutt, innafor sin eigen bilethorisont: «Livet holder stort sett følge// Som en skiløper i altfor stor anorakk».
Nett fordi dikta så å seie tek utgangspunkt i normalspråklege seiemåtar og gjerne vender seg direkte til lesaren, ligg dei oss nært og er mottakelege for lesaren, som blir nysgjerrig og gjerne flirar og nikkar anerkjennande undervegs. Meisterleg er det sikre anslaget i dikta, men like fullt bør ein akte på den overrumplande sluttlina. Så kan ein også, i løpet av eit dikt, støyte på eit eller fleire epigram, slåande fyndord, aforismar og sitatvenlege sentensar som fangar ei kritisk innsikt, slik som her: «Da mennesket også var overflødig, ble alle kunstnere».
Sindre Ekrheim
Sindre Ekrheim er lyrikar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dikt
Lars Saabye Christensen:
Arnardos dør
Cappelen Damm
Sjølv om Arnardos dør av Lars Saabye Christensen ifølgje forlaget har blitt til over tid og dikta stammar frå ulikt hald og periodar, er det ein tydeleg konsistens her. Ikkje slik at dikta er til forveksling like, men i måten dei er bøygde og forma. Med ei gjennomgripande språkleg haldning og eit samla syn på verda talar dikta saman og fyller kvarandre ut. Likevel er dette framfor alt ei diktbok der enkeltdiktet står fram.
Tid
Tematikk og motiv er i hovudsak, vil eg tru, alt kjende frå forfattarskapen. Utan at eg kan skilte med belegg frå ein empirisk frekvensanalyse, synest eg eitt motiv peikar seg ut i Christensens forfattarskap uansett sjanger, nemleg forholdet til tida, anten ho går, har stansa eller definitivt er forbi. Arnardos dør representerer i så måte ikkje noko unnatak i forfattarskapen, tvert om, nesten kvart dikt snor og viklar orda sine rundt tidsaksen, til liks med titteldiktets avsluttande liner: «Det er døren for oss som ennå ikke vet/ om vi kommer eller bare går». Og sjølv forfattarens energiske ferd blir stogga av den besjela og tolsame tida i kortdiktet «Påminnelse»: «Tiden tok meg til side/ og sa: ta det med ro, Lars/ Du kan uansett bare bruke/ ett par sko// om gangen».
På hovudet
Ofte grip dikta fatt i ståande vendingar, i etablerte bilete og gjengse seiemåtar. Raskt blir desse utsette for språklege utdjupingar, ironiar og modifiseringar som snur verda eller seiemåten heilt eller delvis på hovudet, i det minste på skakke, i ein slik grad at ein undrar seg kvifor ein vel slike talemåtar utan å tenkje over det: «Livet ligger ikke foran deg/ I hvert fall ikke hele tiden/ Da må du tro om igjen/ Livet går helst ved siden av».
Slik kan eit dikt bore seg vertikalt gjennom språkoverflata og nedover ved å halde fast i skjelettet av det eine biletet det starta med, og slik landar også linene frå det siterte diktet, til slutt, innafor sin eigen bilethorisont: «Livet holder stort sett følge// Som en skiløper i altfor stor anorakk».
Nett fordi dikta så å seie tek utgangspunkt i normalspråklege seiemåtar og gjerne vender seg direkte til lesaren, ligg dei oss nært og er mottakelege for lesaren, som blir nysgjerrig og gjerne flirar og nikkar anerkjennande undervegs. Meisterleg er det sikre anslaget i dikta, men like fullt bør ein akte på den overrumplande sluttlina. Så kan ein også, i løpet av eit dikt, støyte på eit eller fleire epigram, slåande fyndord, aforismar og sitatvenlege sentensar som fangar ei kritisk innsikt, slik som her: «Da mennesket også var overflødig, ble alle kunstnere».
Sindre Ekrheim
Sindre Ekrheim er lyrikar og fast bokmeldar i Dag og Tid.
Fleire artiklar
Selv med økende immunitet i befolkningen, viser tilgjengelige, men altfor sparsomme data at sars-cov-2-viruset fortsetter å belaste vårt samfunn, skriver Gunhild Alvik Nyborg.
Foto: Stian Lysberg Solum / NTB
Svar til Preben Aavitsland
Å gjennomgående underkjenne seriøse, konsistente forskningsresultater er vitenskapsfornektelse.
Den andre boka i septologien til Asta Olivia Nordenhof er no komen på norsk.
Foto: Albert Madsen
Kapital, kjærleik og Scandinavian Star
Asta Olivia Nordenhof held på med ein dyster romanserie om dødsbrannen på «Scandinavian Star». Ho vil likevel ikkje gi opp vona om at dagens verdsorden kan endrast til noko betre.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
«Kald kveld» (1975), 51 x 64 cm. I dei seinare måleria lausriv Schultz seg frå dei strenge komposisjonsprinsippa og fører ein ny vitalitet inn i kunsten sin.
Verdien av det vakre
Telemark Kunstmuseum har løfta fram ein mellomkrigskunstnar som har vore gløymd altfor lenge. Fargekunstnaren Alexander Schultz (1901–1981) toler godt dagens lys.
Den israelske militære talspersonen, admiral Daniel Hagar, møter media.
Foto: Amir Cohen / Reuters / NTB
Iransk kanondiplomati
Det iranske åtaket mot Israel bognar av strategiske bodskapar. Og mottakarane er mange.