Inkluderande remiks
Lady Gaga følgjer opp fjorårets album med ei remikssamling signert prominente klubbmusikkprodusentar.
Pop
Lady Gaga:
Dawn of Chromatica
Interscope Records
Lady Gagas førre album, Chromatica, var fylt med dansemusikk inspirert av house og teknopop frå 90-talet, men sidan det kom ut midt i tjukkaste pandeminedstengingstida, var det lite aktuelt å gagle seg på dansegolv. Remiksalbumet Dawn of Chromatica er desto meir dansbart, men òg eigna for stillesitjande lytting.
Tittelen speler på det greske ordet for farge og den kromatiske skalaen, som inkluderer alle tonane i ein oktav. I bakgrunnen ligg det idear om ein science fiction-planet der all konflikt hender internt i dei forskjellige stammene, som stundom samlast for å lækje og skape fred gjennom interkulturell dans og samvær.
Mange av remiksarane har blitt valde av Lady Gagas internettfølgjarar, og det er ein mangfaldig gjeng. Her finst omkalfatringar signert den amerikanske Berlin-baserte teknoprodusenten Lsdxoxo og hyperpopartisten Charli XCX, som til liks med Lady Gaga har vore med i dommarpanelet til reality-serien RuPaul’s Drag Race.
Nokre høgdepunkt for denne meldaren er Shygirls remiks av «Sour Candy» (som òg inkluderer bidrag frå den koreanske popgruppa Blackpink), Coucou Chloes electrovariasjon over «Stupid Love» og DOSS’ blytunge og spretne radbrekking av «Enigma».
Pabllo Vittar, brasiliansk drag queen og musikar, har laga ein versjon av «Fun Tonight» inspirert av festivalmusikksjangeren forró, og medan remiksen av «Sine From Above» (med Elton John på gjestevokal) neppe vil gå på repeat i mine hovudtelefonar, set eg stor pris på den knallharde og kontrasterande gabber- og breakcore-ekskursjonen mot slutten av låta.
Dette er ei variert remiksplate der nesten heile familien skulle kunne finne ein favoritt.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Pop
Lady Gaga:
Dawn of Chromatica
Interscope Records
Lady Gagas førre album, Chromatica, var fylt med dansemusikk inspirert av house og teknopop frå 90-talet, men sidan det kom ut midt i tjukkaste pandeminedstengingstida, var det lite aktuelt å gagle seg på dansegolv. Remiksalbumet Dawn of Chromatica er desto meir dansbart, men òg eigna for stillesitjande lytting.
Tittelen speler på det greske ordet for farge og den kromatiske skalaen, som inkluderer alle tonane i ein oktav. I bakgrunnen ligg det idear om ein science fiction-planet der all konflikt hender internt i dei forskjellige stammene, som stundom samlast for å lækje og skape fred gjennom interkulturell dans og samvær.
Mange av remiksarane har blitt valde av Lady Gagas internettfølgjarar, og det er ein mangfaldig gjeng. Her finst omkalfatringar signert den amerikanske Berlin-baserte teknoprodusenten Lsdxoxo og hyperpopartisten Charli XCX, som til liks med Lady Gaga har vore med i dommarpanelet til reality-serien RuPaul’s Drag Race.
Nokre høgdepunkt for denne meldaren er Shygirls remiks av «Sour Candy» (som òg inkluderer bidrag frå den koreanske popgruppa Blackpink), Coucou Chloes electrovariasjon over «Stupid Love» og DOSS’ blytunge og spretne radbrekking av «Enigma».
Pabllo Vittar, brasiliansk drag queen og musikar, har laga ein versjon av «Fun Tonight» inspirert av festivalmusikksjangeren forró, og medan remiksen av «Sine From Above» (med Elton John på gjestevokal) neppe vil gå på repeat i mine hovudtelefonar, set eg stor pris på den knallharde og kontrasterande gabber- og breakcore-ekskursjonen mot slutten av låta.
Dette er ei variert remiksplate der nesten heile familien skulle kunne finne ein favoritt.
Rasmus Hungnes
Rasmus Hungnes er musikar, kunstnar og fast musikkmeldar i Dag og Tid.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.