Gamle konsertopptak kan ta oss med rett inn i ein kveld og eit rom som høyrer fortida til, og er derfor mellom mine favorittidsmaskiner. For nokre veker sidan gjekk reisa til konsertane Ahmad Jamal (f. 1930) hadde i klubben The Penthouse i Seattle på 1960-talet, fanga i to bind på utgivingane Emerald City Nights: Live at The Penthouse, frå 1963–1964 og 1965–1966, som har fått strålande omtalar over heile fjøla.

Jamal sjølv har oversyn over utgivingane, som er optimaliserte med omsyn til lydkvalitet og kjem i boksar med fotografi, musikkessaystikk og ulike intervju. Jamil Nasser er med på bass på begge binda, og det same er Chuck Lampkin på trommer. I tillegg er Richard Evans med på bass på første bindet, og Vernel Fournier og Frank Gant på trommer på bind to.

På repertoaret står standardar av Rodgers & Hart, Gershwin og andre, frå det som fleire reknar som ei glanstid for Jamal, som tok til å spele piano då han var tre år gammal og spelte profesjonelt frå han var fjorten, då Art Tatum peika han ut som stortalent. Opptaka frå The Penthouse følgjer tidlegare Jamal-utgivingar frå klubbar som the Pershing Lounge i Chicago og the Blackhawk i San Francisco.

Øyvind Vågnes