Krigersk og fredsælt
Å lytte til Fulu Mizikis tettpakka lydlappeteppe, med instrument laga av skrap, er som ei religiøs oppleving.
Elektronisk
Lady Aicha & Pisko Crane’s Original Fulu Miziki of Kinshasa:
N’Djila Wa Mudujimu
Nyege Nyege Tapes
Fulu Miziki sprang ut or slummen i Kinshasa, hovudstaden i Den demokratiske republikken Kongo, i 2003, og lagar musikk på sjølvlaga instrument. Tidlegare medlemmer har danna eit nytt band med same namn, men utan grunnleggjaren Pisko Crane og vokalisten, performancekunstnaren og motedesignaren Lady Aicha: Dette er visst forklaringa på kvifor bandnamnet – Lady Aicha & Pisko Crane’s Original Fulu Miziki of Kinshasa – er så langt.
Albumet N’Djila Wa Mudujimu inneheld spor av industrial, tradisjonsmusikk, postpunk, elektronisk musikk, rap og den kongolesiske dansemusikksjangeren soukous. Rytmikken er kompleks, flytande og ultratight, melodiane mikrotonale, men medrivande. Stemninga er krigersk, ritualaktig og hypnotiserande, og lyttaropplevinga har eit nærast religiøst preg – opprivande, men i kontakt med røtene: oppløftande, men jordnær.
Musikkvideoen til låta «Kraut» (mogelegvis syner tittelen til den tyske krautrocken frå 70- og 80-talet) er ein forfriskande røff videocollage der psykedeliske, magiske materialsamanstillingar mot-
argumenterer det meste vi trur vi veit om tid og rom. Beltespenner blir til kjeveparti: Dei forunderlege kostyma er designa av Lady Aisha, og tradisjon, uniform, leik og avantgarde er laust, men saumlaust sydd saman.
Når eg ser videoen (og «Tikanga»-liveopptaket på YouTube frå 2020), er det som hjarte og sinn smeltar, grenser vert oppløyste, og fortid, framtid og notid går opp i ei høgare eining. Dette er rå og energisk musikk og passar saktens godt som forspel- eller etterfestmusikk i samband med den framifrå filmen Woman King, som har kinopremiere i Noreg i dag.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk
Lady Aicha & Pisko Crane’s Original Fulu Miziki of Kinshasa:
N’Djila Wa Mudujimu
Nyege Nyege Tapes
Fulu Miziki sprang ut or slummen i Kinshasa, hovudstaden i Den demokratiske republikken Kongo, i 2003, og lagar musikk på sjølvlaga instrument. Tidlegare medlemmer har danna eit nytt band med same namn, men utan grunnleggjaren Pisko Crane og vokalisten, performancekunstnaren og motedesignaren Lady Aicha: Dette er visst forklaringa på kvifor bandnamnet – Lady Aicha & Pisko Crane’s Original Fulu Miziki of Kinshasa – er så langt.
Albumet N’Djila Wa Mudujimu inneheld spor av industrial, tradisjonsmusikk, postpunk, elektronisk musikk, rap og den kongolesiske dansemusikksjangeren soukous. Rytmikken er kompleks, flytande og ultratight, melodiane mikrotonale, men medrivande. Stemninga er krigersk, ritualaktig og hypnotiserande, og lyttaropplevinga har eit nærast religiøst preg – opprivande, men i kontakt med røtene: oppløftande, men jordnær.
Musikkvideoen til låta «Kraut» (mogelegvis syner tittelen til den tyske krautrocken frå 70- og 80-talet) er ein forfriskande røff videocollage der psykedeliske, magiske materialsamanstillingar mot-
argumenterer det meste vi trur vi veit om tid og rom. Beltespenner blir til kjeveparti: Dei forunderlege kostyma er designa av Lady Aisha, og tradisjon, uniform, leik og avantgarde er laust, men saumlaust sydd saman.
Når eg ser videoen (og «Tikanga»-liveopptaket på YouTube frå 2020), er det som hjarte og sinn smeltar, grenser vert oppløyste, og fortid, framtid og notid går opp i ei høgare eining. Dette er rå og energisk musikk og passar saktens godt som forspel- eller etterfestmusikk i samband med den framifrå filmen Woman King, som har kinopremiere i Noreg i dag.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.