Førsteklasses hardingfelespel
Per Anders Buen Garnås feira 20 år som hardingfelespelemann med gamle og nye innspelingar.
Hardingfelespelemannen Per Anders Buen Garnås har vunne Landskappleiken fire gonger.
Foto: Gry B. Røiland
Folkemusikk
Per Anders Buen Garnås:
Anno 2001/ Anno 2021
Ta:lik
Hardingfelespelaren Per Anders Buen Garnås (f. 1980) debuterte med soloplata Åleine i 2001. Den gongen vart det spelt inn langt fleire slåttar enn dei 25 som var med på plata.
Då han i fjor skulle markera 20-årsjubileet med ny innspeling, fann han ut at dei uutgjevne slåttane som ikkje vart med på debutplata, framleis tolte dagens ljos. Dermed presenter han samstundes ukjende gamle opptak og nye innspelingar på to separate CD-plater.
Hovudskilnaden er tydelegast merkbar i lydbiletet. Medan dei 20 år gamle opptaka er innspela i ei stor kyrkje med mykje klang, er dei nye tekne opp i eit tørrare lokale og med svært edrueleg bruk av romklang i etterkant. Såleis kjem lydaren tettare på detaljane i spelet, og det vert ein annan intimitet i uttrykket.
At spelestilen er såpass lik både teknisk og musikalsk etter 20 år, inneber ikkje at det er tale om ein utøvar som ikkje har utvikla seg. Snarare viser det kor mogen Garnås var som musikar alt som 21-åring. Og i motsetnad til mange andre jamgamle folkemusikarar som har søkt seg mot mange slags samspelskonstellasjonar innan ulike stilartar, har han konsentrert seg om det tradisjonelle solistiske felespelet frå Telemark.
Sjølvsagt er det noko konserverande og attendeskodande i ein slik arbeidsmåte. Men om ein ser det totale musikklivet under eitt, er det berre sunt at det er god balanse mellom dei som tek vare på det gamle, og dei som dyrkar eksperimenteringslysta.
Men litt nytt – i tradisjonell stil, rett nok – har det òg vorte plass til på platene: fleire eigenkomponerte slåttar, og dessutan onkelen Knut Buens gangar «På gamle tufter».
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Folkemusikk
Per Anders Buen Garnås:
Anno 2001/ Anno 2021
Ta:lik
Hardingfelespelaren Per Anders Buen Garnås (f. 1980) debuterte med soloplata Åleine i 2001. Den gongen vart det spelt inn langt fleire slåttar enn dei 25 som var med på plata.
Då han i fjor skulle markera 20-årsjubileet med ny innspeling, fann han ut at dei uutgjevne slåttane som ikkje vart med på debutplata, framleis tolte dagens ljos. Dermed presenter han samstundes ukjende gamle opptak og nye innspelingar på to separate CD-plater.
Hovudskilnaden er tydelegast merkbar i lydbiletet. Medan dei 20 år gamle opptaka er innspela i ei stor kyrkje med mykje klang, er dei nye tekne opp i eit tørrare lokale og med svært edrueleg bruk av romklang i etterkant. Såleis kjem lydaren tettare på detaljane i spelet, og det vert ein annan intimitet i uttrykket.
At spelestilen er såpass lik både teknisk og musikalsk etter 20 år, inneber ikkje at det er tale om ein utøvar som ikkje har utvikla seg. Snarare viser det kor mogen Garnås var som musikar alt som 21-åring. Og i motsetnad til mange andre jamgamle folkemusikarar som har søkt seg mot mange slags samspelskonstellasjonar innan ulike stilartar, har han konsentrert seg om det tradisjonelle solistiske felespelet frå Telemark.
Sjølvsagt er det noko konserverande og attendeskodande i ein slik arbeidsmåte. Men om ein ser det totale musikklivet under eitt, er det berre sunt at det er god balanse mellom dei som tek vare på det gamle, og dei som dyrkar eksperimenteringslysta.
Men litt nytt – i tradisjonell stil, rett nok – har det òg vorte plass til på platene: fleire eigenkomponerte slåttar, og dessutan onkelen Knut Buens gangar «På gamle tufter».
Sigbjørn Apeland
Sigbjørn Apeland er musikar, musikkvitar og fast musikkmeldar i Dag og Tid.
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.