Uhyggelege gufs frå fortida
Hjemsøkt er eit psykologisk førjulsmareritt bada i norsk vinterlandskap.
Synnøve Macody Lund og Ebba Steenstrup Såheim i skrekkfilmen der Carl Christian Raabe debuterer som regissør.
Foto: Another World Entertainment Norway AS
Skrekk
Regi: Carl Chr. Raabe
Hjemsøkt
Med: Synnøve Macody Lund, Ebba Steenstrup Såheim, Ken Vedsegaard
Når faren døyr, må Cathrine (Macody Lund) dra tilbake til barndomsheimen for å ordne opp i dødsbuet. Misforholdet mellom den pertentlege leilegheita på Frogner til den forfalne herregarden på landet, speglar også Cathrines psyke. I møte med fortida må nemleg den inneslutta og kalde Cathrine ta innover seg eit barndomstraume ho heile livet har skove framfor seg.
Hjemsøkt er ein psykologisk skrekkfilm bada i norsk vinterlandskap. Manuset er skrive av Maja Lunde (Bienes historie), medan regissøren, Carl Christian Raabe, lagar sin første spelefilm. Begge landar godt. Stemninga er uhyggeleg heile vegen gjennom. Dører går opp, skuggar passerer hurtig og ekle skrik set seg i ryggmergen.
Synnøve Macody Lund er god i si første hovudrolle. Ho evnar å få fram nyansane mellom skrekk og psykologi. Å grave i fortida er skummelt, kanskje det skumlaste vi gjer. Like fullt er det nødvendig for at Cathrine til slutt skal bli eit meir heilt – og vel – varmt menneske.
Men kva med dei andre personane rundt? Dei får liten boltreplass til å vise fram kjenslelivet sitt i forhold til Cathrine. Ta kjærasten, som elskar henne, utan at eg heilt forstår kvifor. Tidleg i filmen finn vi til dømes ut at Cathrine planlegg å ta ein abort, bak ryggen hans. Relasjonane til Cathrine er sånn sett meir gåtefulle enn forteljinga, som likevel er såpass smart og godt fortalt at eg ikkje går ned i ein kjellar med det første.
Sondre Åkervik
Sondre Åkervik er student
og skribent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Skrekk
Regi: Carl Chr. Raabe
Hjemsøkt
Med: Synnøve Macody Lund, Ebba Steenstrup Såheim, Ken Vedsegaard
Når faren døyr, må Cathrine (Macody Lund) dra tilbake til barndomsheimen for å ordne opp i dødsbuet. Misforholdet mellom den pertentlege leilegheita på Frogner til den forfalne herregarden på landet, speglar også Cathrines psyke. I møte med fortida må nemleg den inneslutta og kalde Cathrine ta innover seg eit barndomstraume ho heile livet har skove framfor seg.
Hjemsøkt er ein psykologisk skrekkfilm bada i norsk vinterlandskap. Manuset er skrive av Maja Lunde (Bienes historie), medan regissøren, Carl Christian Raabe, lagar sin første spelefilm. Begge landar godt. Stemninga er uhyggeleg heile vegen gjennom. Dører går opp, skuggar passerer hurtig og ekle skrik set seg i ryggmergen.
Synnøve Macody Lund er god i si første hovudrolle. Ho evnar å få fram nyansane mellom skrekk og psykologi. Å grave i fortida er skummelt, kanskje det skumlaste vi gjer. Like fullt er det nødvendig for at Cathrine til slutt skal bli eit meir heilt – og vel – varmt menneske.
Men kva med dei andre personane rundt? Dei får liten boltreplass til å vise fram kjenslelivet sitt i forhold til Cathrine. Ta kjærasten, som elskar henne, utan at eg heilt forstår kvifor. Tidleg i filmen finn vi til dømes ut at Cathrine planlegg å ta ein abort, bak ryggen hans. Relasjonane til Cathrine er sånn sett meir gåtefulle enn forteljinga, som likevel er såpass smart og godt fortalt at eg ikkje går ned i ein kjellar med det første.
Sondre Åkervik
Sondre Åkervik er student
og skribent.
Fleire artiklar
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.