Borgarskapsdame møter arbeidarklassemann utan at kjemien eller historia er der.
Overklassekvinna Emily (Diane Keaton) frå Hampstead møter Donald (Brendan Gleeson), som bur i eit skur.
Foto: Nick Wall / Norsk Filmdistribusjon
ROMANTISK DRAMA
Regi: Joel Hopkins
Hjemme i Hampstead
Med: Diane Keaton, Brendan Gleeson
Amerikanske Emily (Diane Keaton) lever eit trygt, men eindimensjonalt liv blant overklassen i Londons prangande nabolag Hampstead. Ho er også i økonomisk knipe, viser det seg, men dette hindrar henne ikkje i å gå på dyre restaurantar og kjøpe nye hovudplagg.
Emilys økonomi er dessverre ikkje den einaste logiske bresten i Hjemme i Hampstead. At Emily fell for den ureinslege Donald (Brendan Gleeson), ein særing som bur i eit sjølvlaga skur, blir meir og meir uforståeleg utover i handlinga.
Hjemme i Hampstead er altså eit romantisk drama, men utan sjarmen, humoren og skodespelet som kan løfte slike filmar. Kjemien mellom Keaton og Gleeson er påtrengd og kunstig. Det er skuffande, all den tid dette er to solide skodespelarar som burde fungere som turtelduer på film. Det er trist, sidan Diane Keaton har gjort roller som dette med langt større bravur tidlegare: Tankane går umiddelbart til Something’s Gotta Give, der ho og Jack Nicholson utstråla ein kjemi, varme og sensibilitet vi ikkje ser her. Eller åra med Woody Allen, for den del.
Undervegs har filmen også eit visst stikk til profittsugne eigedomsutviklarar og Londons stadig meir urimelege bustadmarknad. Han har også ein viss solidaritet med Donald og dei svake i samfunnet. Men sjølv om rettferda sigrar for helten vår, er Hjemme i Hampstead dessverre lettare å gløyme enn (klasse)tematikken og den sosiale urettvisa filmen berre så vidt rører ved.
Sondre Åkervik
Sondre Åkervik er kulturjournalist
og sosiologistudent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
ROMANTISK DRAMA
Regi: Joel Hopkins
Hjemme i Hampstead
Med: Diane Keaton, Brendan Gleeson
Amerikanske Emily (Diane Keaton) lever eit trygt, men eindimensjonalt liv blant overklassen i Londons prangande nabolag Hampstead. Ho er også i økonomisk knipe, viser det seg, men dette hindrar henne ikkje i å gå på dyre restaurantar og kjøpe nye hovudplagg.
Emilys økonomi er dessverre ikkje den einaste logiske bresten i Hjemme i Hampstead. At Emily fell for den ureinslege Donald (Brendan Gleeson), ein særing som bur i eit sjølvlaga skur, blir meir og meir uforståeleg utover i handlinga.
Hjemme i Hampstead er altså eit romantisk drama, men utan sjarmen, humoren og skodespelet som kan løfte slike filmar. Kjemien mellom Keaton og Gleeson er påtrengd og kunstig. Det er skuffande, all den tid dette er to solide skodespelarar som burde fungere som turtelduer på film. Det er trist, sidan Diane Keaton har gjort roller som dette med langt større bravur tidlegare: Tankane går umiddelbart til Something’s Gotta Give, der ho og Jack Nicholson utstråla ein kjemi, varme og sensibilitet vi ikkje ser her. Eller åra med Woody Allen, for den del.
Undervegs har filmen også eit visst stikk til profittsugne eigedomsutviklarar og Londons stadig meir urimelege bustadmarknad. Han har også ein viss solidaritet med Donald og dei svake i samfunnet. Men sjølv om rettferda sigrar for helten vår, er Hjemme i Hampstead dessverre lettare å gløyme enn (klasse)tematikken og den sosiale urettvisa filmen berre så vidt rører ved.
Sondre Åkervik
Sondre Åkervik er kulturjournalist
og sosiologistudent.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.