Arbeidarkjærleik
Norwegian Dream er eit kjærkome polsk-norsk drama som handlar om retten til ryddige arbeidstilhøve og til å elske kven ein vil.
Robert flyttar frå Polen til Noreg for å arbeide på laksefabrikk. Der forelskar han seg i norske Ivar, eit forhold han må halde skjult.
Foto: Storytelling
Drama
Regi: Leiv Igor Devold
Norwegian Dream
Med: Hubert Milkowski, Karl Bekele Steinland, Jakub Sierenberg
Kinofilm
Nitten år gamle polske Robert (Milkowski) kjem til Noreg for å jobbe med laks. Han bur trongt i lag med andre polske arbeidarar. Arbeidet med å foredle fisk er eit slit med tallause like rørsler i høgt tempo kvar dag. Norske Ivar (Steinland) er mentor for Robert, som ser at kollegaen blir gjord narr av i homofobisk og rasistisk stil. Sjølv verkar Robert å vere fascinert av Ivar, som er annleis.
Nye nyansar
Polsknorske Leiv Igor Devold er den rette mannen ved roret på denne historia frå Noreg i dag. Hans første heilaftans spelefilm kjem etter fleire kortfilmar som blandar polsk og norsk. Devold teiknar ingen glansbilete. Korkje machomiljø med arbeidarar frå Polen eller norske leiarar i mellomstore oppdrettsføretak som ikkje likar fagrørsler, slepp unna.
Jamvel kjem eit stikk til kreative, urbane miljø som ikkje ser eigne fordommar. At alle kan klage, er eit godt teikn for filmen. Jamt over er det ikkje overdrivne skurkar i filmen, men menneske med motivasjonar ein kan forstå. Det vantar ikkje på refleksjonsnivå hjå dei polske arbeidarane, og fleire bifigurar gjev breidde.
Ein fråverande norsk majoritet som nyt godt av ulikskap, bør òg sjå sin plass i biletet, sjølv om ein ikkje bur på Frøya.
Tette trådar
Devold legg vekt på miljøskildring og nyansar, men òg klare meldingar. Norwegian Dream er sosialrealisme med eit tydeleg narrativ og driv, men med ei klassisk kjærleikshistorie i sentrum. Hubert Milkowski i hovudrolla og Karl Bekele Steinland som Ivar ber filmen godt.
Milkowski spelar subtilt og sterkt med eit perfekt oppsyn for rolla. Steinland spelar flott på andre strengar med eit vinnande, mildt vesen med evne til å bite frå seg når figuren hans står på krava om arbeidsrett og fri kjærleik.
Filmen tek tak i minst tre tematiske trådar som fortener kvar sin film. Heldigvis har Devold fletta dei tett og godt saman. Han meistrar balanse mellom ulike miljø og held på krafta i forteljinga om folk som ber på fleire draumar. Norwegian Dream er ein kjærkomen film frå ei stemme vi lyt setje pris på.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Leiv Igor Devold
Norwegian Dream
Med: Hubert Milkowski, Karl Bekele Steinland, Jakub Sierenberg
Kinofilm
Nitten år gamle polske Robert (Milkowski) kjem til Noreg for å jobbe med laks. Han bur trongt i lag med andre polske arbeidarar. Arbeidet med å foredle fisk er eit slit med tallause like rørsler i høgt tempo kvar dag. Norske Ivar (Steinland) er mentor for Robert, som ser at kollegaen blir gjord narr av i homofobisk og rasistisk stil. Sjølv verkar Robert å vere fascinert av Ivar, som er annleis.
Nye nyansar
Polsknorske Leiv Igor Devold er den rette mannen ved roret på denne historia frå Noreg i dag. Hans første heilaftans spelefilm kjem etter fleire kortfilmar som blandar polsk og norsk. Devold teiknar ingen glansbilete. Korkje machomiljø med arbeidarar frå Polen eller norske leiarar i mellomstore oppdrettsføretak som ikkje likar fagrørsler, slepp unna.
Jamvel kjem eit stikk til kreative, urbane miljø som ikkje ser eigne fordommar. At alle kan klage, er eit godt teikn for filmen. Jamt over er det ikkje overdrivne skurkar i filmen, men menneske med motivasjonar ein kan forstå. Det vantar ikkje på refleksjonsnivå hjå dei polske arbeidarane, og fleire bifigurar gjev breidde.
Ein fråverande norsk majoritet som nyt godt av ulikskap, bør òg sjå sin plass i biletet, sjølv om ein ikkje bur på Frøya.
Tette trådar
Devold legg vekt på miljøskildring og nyansar, men òg klare meldingar. Norwegian Dream er sosialrealisme med eit tydeleg narrativ og driv, men med ei klassisk kjærleikshistorie i sentrum. Hubert Milkowski i hovudrolla og Karl Bekele Steinland som Ivar ber filmen godt.
Milkowski spelar subtilt og sterkt med eit perfekt oppsyn for rolla. Steinland spelar flott på andre strengar med eit vinnande, mildt vesen med evne til å bite frå seg når figuren hans står på krava om arbeidsrett og fri kjærleik.
Filmen tek tak i minst tre tematiske trådar som fortener kvar sin film. Heldigvis har Devold fletta dei tett og godt saman. Han meistrar balanse mellom ulike miljø og held på krafta i forteljinga om folk som ber på fleire draumar. Norwegian Dream er ein kjærkomen film frå ei stemme vi lyt setje pris på.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Er overvaking prisen vi må betale for eit trygt samfunn?
Foto: The Right Frame Media / Shutterstock
E-tenesta ser deg
Kor langt kan E-tenesta gå i å overvake den elektroniske kommunikasjonen vår? Det får vi kanskje svar på denne våren.
Papiravisa