Mat for slankemedisinerte

Kva er det som bestemmer korleis maten vi et, vil smake i framtida? Faktorane er fleire enn vi kunne tru. Ein kunne jo til dømes ynskje seg at jordsmonn fekk spele ei større rolle – terroir er eit omgrep som fortener større plass enn meir eller mindre snobbete vinsmakingar.

Men i vår høgteknologiske verd er det kanskje meir realistisk at maten kjem til å smake som det nokon klarar å framstille i eit laboratorium? Alt i dag er mange av smakane vi får i oss dagleg, produserte syntetisk. Slike aromaer er tilsette i alt frå smaksett vatn til yoghurt, pølser, leverpostei og kaker.

I denne verda er det altså uendelege sjansar for å skape smakar. Ja, matindustrien har endåtil verkemiddel for å skape og kontrollere både konsistensar, munnkjensler, lukter og heile opplevingar av mat – i nett den retninga dei ynskjer seg. Så kva er då den mest moderne retninga akkurat no?

Ein av dei raskast veksande trendane – særleg i USA – er å bygge mat tilpassa smakssansen til folk som går på slankemedisin. Og det er ikkje særleg rart: Ifylgje matingrediensleverandøren ADM ventar ein at 30 millionar amerikanarar kjem til å gå på slankemedisin innan 2030. Alt i dag hevdar dei at kring 15 prosent av vaksne i USA enten går på eller vurderer å gå på GLP-1-basert slankemedisin.

Hormonpåverknad

Men korleis kan det kome til å forandre korleis mat smaker?

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare