Ikkje lett å vere wag i dag
Victoria Beckham og Cheryl Cole følgjer England i straffekonkurransen mot Portugal i VM i 2006.
Foto: Felice Calabró / AP / NTB
Fyrst av alt: Wags er eit akronym for wives and girlfriends, altså koner og kjærastar til kjende sportsutøvarar. Det var den britiske pressa som laga omgrepet tidleg på 1990-talet, då om partnarane til det engelske fotballandslaget.
Men det var med Victoria Beckham og Cheryl Cole, under VM i 2006, at wags verkeleg vart ei greie. Dei var kule, hadde designvesker og store solbriller. Sjølv om dei var i saman med David Beckham og Ashley Cole, var dei ikkje trofékoner. Dei hadde eigne suksessfulle karrierar i tillegg til at dei fiksa barn og heim – eit par nannys fanst nok, men wagsa var vel verde å zoome inn på.
15 år seinare går ei rettssak føre seg i England, også kalla Wagatha Christie-saka. Rebekah Vardy, kona til Jamie Vardy, saksøker Coleen Rooney, kona til Wayne Rooney, for å sverte ryktet hennar. Coleen har nemleg skrive på Twitter at Rebekah sel informasjon om henne og familien til The Sun. Det kan verke som designveskene har gått til hovudet på dei, og det blir eit drama ingen vil vere ein del av.
På Kvinneguiden.no finst det, ikkje uventa, ein eigen diskusjonstråd om wags. Her blir det poengtert at ein ekte wag ikkje skal tene pengar. Ho skal berre trene og shoppe på mannens rekning, men: «Hvis man har mye penger å rutte med, hvorfor ikke investere i en god frisør og extensions som i det minste ser 50% naturlig ut».
Ikkje så enkelt likevel, altså. Diskusjonen blir punktert med at det uansett ikkje finst ekte wags i Noreg, det er for lite pengar og glamour til det. Dei kan til nød gå god for eksen til John Arne Riise.
Maren Bø
Maren Bø er idrettspedagog og frilansskribent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Fyrst av alt: Wags er eit akronym for wives and girlfriends, altså koner og kjærastar til kjende sportsutøvarar. Det var den britiske pressa som laga omgrepet tidleg på 1990-talet, då om partnarane til det engelske fotballandslaget.
Men det var med Victoria Beckham og Cheryl Cole, under VM i 2006, at wags verkeleg vart ei greie. Dei var kule, hadde designvesker og store solbriller. Sjølv om dei var i saman med David Beckham og Ashley Cole, var dei ikkje trofékoner. Dei hadde eigne suksessfulle karrierar i tillegg til at dei fiksa barn og heim – eit par nannys fanst nok, men wagsa var vel verde å zoome inn på.
15 år seinare går ei rettssak føre seg i England, også kalla Wagatha Christie-saka. Rebekah Vardy, kona til Jamie Vardy, saksøker Coleen Rooney, kona til Wayne Rooney, for å sverte ryktet hennar. Coleen har nemleg skrive på Twitter at Rebekah sel informasjon om henne og familien til The Sun. Det kan verke som designveskene har gått til hovudet på dei, og det blir eit drama ingen vil vere ein del av.
På Kvinneguiden.no finst det, ikkje uventa, ein eigen diskusjonstråd om wags. Her blir det poengtert at ein ekte wag ikkje skal tene pengar. Ho skal berre trene og shoppe på mannens rekning, men: «Hvis man har mye penger å rutte med, hvorfor ikke investere i en god frisør og extensions som i det minste ser 50% naturlig ut».
Ikkje så enkelt likevel, altså. Diskusjonen blir punktert med at det uansett ikkje finst ekte wags i Noreg, det er for lite pengar og glamour til det. Dei kan til nød gå god for eksen til John Arne Riise.
Maren Bø
Maren Bø er idrettspedagog og frilansskribent.
Fleire artiklar
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.
Bondelagsleiar Bjørn Gimming talar til demonstrantane utanfor Stortinget torsdag morgon. Bønder frå heile landet protesterer mot måten bondeinntekta blir rekna ut på.
Foto: Heiko Junge / NTB
Jordskjelvet
Senterpartiet ville løfte bøndene, men har skaka sitt eige grunnfjell.
Abortutvalet saman med helseminister Ingvild Kjerkol under overrekkinga av rapporten. Utvalet føreslår å flytte grensa for sjølvbestemt abort til veke 18.
Foto: Heiko Junge / NTB
Moralske kvalar
Å leggje restriksjonar på abort, er ein måte å anerkjenne menneskeverdet på, seier Morten Magelssen i abortutvalet. Han tok dissens.
Villreinbestanden i Noreg i dag er på rundt 25.000 dyr vinterstid. Sidan 2021 har villreinen vore klassifisert som nær truga på den norske raudlista.
Foto: Paul Kleiven / NTB
Villrein i eit villnis
Stortingsmeldinga om villrein er ikkje til å verte særleg klok av.
Edvard Munch: «Dagen derpå» (1894).
Nasjonalmuseet
Bakrus
Verst er plagene utpå morgonkvisten når promillen ligg kring null.