Yrkesfagelevar greidde overgangen til vidaregåande skule betre enn dei som tok studiespesialisering, skreiv Klassekampen førre veke.
Hardt fysisk arbeid har vorte så fjernt at vi lagar fjernsynsprogram av det.
Foto: Bjørn Leirvik / Wikimedia Commons
«Kan du eit handverk, Mone?», spør kjærasten til mor mi over middagsbordet. «Du kan måle litt, men dersom det verkeleg hardnar til, kva kan du då?» Han smiler, provoserer med vilje, men han har eit poeng. Vi strevar etter høg utdanning, høg lønn og høg status. Vi tusjar gule strekar gjennom pensum på pensum med meir akademisk posering enn sunn fornuft.
Og mastergraden får vi visst berre om vi vel allmennfag. Konsumkulturen har teke plassen til nevenytta, og yrkesfaget er ein blindveg. «Nokon må stå for kjøtkakene og ertestuinga på sjukeheimen. Men for all del ikkje mitt barn. Ho skal verte advokat eller overlege», er haldninga.
«Vi må ta meir omsyn til behovet for arbeidskraft enn ønska til elevane», seier Fagopplæringsnemnda. «Vi skapar verdiane», skryter distriktspolitikarane.
Men ungdommen veit ikkje kvifor dei skal velje yrkesfag. Treng dei eigentleg køyre lastebil, arbeide med betong eller lage mat til andre? Maritime fag slit med å fylle lærlingkvoten, og kokkeutdanninga er lite attraktiv. Fysisk kvardagsarbeid er så fjernt at vi lagar fjernsynsprogram av å løfte mjølkespann.
«Skipsdesign», svara yrkesrettleiaren då eg spurde kva eg kunne bruke teikneevnene mine til. Eg var 15 år, ti minutt inne i skuletimen, og alt irritert på mannen. I eit kystområde med mykje maritim industri skulle eg jobbe maritimt, meinte han. Eg ville bli kokk eller frisør. Det hjelpte ikkje kor mange lysbilete av oljeriggar han slo opp på veggen. Far min trudde framleis eg skulle ta yrkesfag då eg til slutt sa «studiespesialisering med formgjeving». Med yrkesfag blei det ikkje noko av meg, måtte eg vite.
For yrkesfag er synonymt med låg status. Fråfallet i yrkesfaget gjorde biletet endå mørkare. Men paradoksalt nok har du altså betre sjanse til å meistre skulen, dersom du vel eit fag der du vert sett på som unnasluntrar.
Mone Celin Skrede er praktikant ved Nynorsk Avissenter.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
«Kan du eit handverk, Mone?», spør kjærasten til mor mi over middagsbordet. «Du kan måle litt, men dersom det verkeleg hardnar til, kva kan du då?» Han smiler, provoserer med vilje, men han har eit poeng. Vi strevar etter høg utdanning, høg lønn og høg status. Vi tusjar gule strekar gjennom pensum på pensum med meir akademisk posering enn sunn fornuft.
Og mastergraden får vi visst berre om vi vel allmennfag. Konsumkulturen har teke plassen til nevenytta, og yrkesfaget er ein blindveg. «Nokon må stå for kjøtkakene og ertestuinga på sjukeheimen. Men for all del ikkje mitt barn. Ho skal verte advokat eller overlege», er haldninga.
«Vi må ta meir omsyn til behovet for arbeidskraft enn ønska til elevane», seier Fagopplæringsnemnda. «Vi skapar verdiane», skryter distriktspolitikarane.
Men ungdommen veit ikkje kvifor dei skal velje yrkesfag. Treng dei eigentleg køyre lastebil, arbeide med betong eller lage mat til andre? Maritime fag slit med å fylle lærlingkvoten, og kokkeutdanninga er lite attraktiv. Fysisk kvardagsarbeid er så fjernt at vi lagar fjernsynsprogram av å løfte mjølkespann.
«Skipsdesign», svara yrkesrettleiaren då eg spurde kva eg kunne bruke teikneevnene mine til. Eg var 15 år, ti minutt inne i skuletimen, og alt irritert på mannen. I eit kystområde med mykje maritim industri skulle eg jobbe maritimt, meinte han. Eg ville bli kokk eller frisør. Det hjelpte ikkje kor mange lysbilete av oljeriggar han slo opp på veggen. Far min trudde framleis eg skulle ta yrkesfag då eg til slutt sa «studiespesialisering med formgjeving». Med yrkesfag blei det ikkje noko av meg, måtte eg vite.
For yrkesfag er synonymt med låg status. Fråfallet i yrkesfaget gjorde biletet endå mørkare. Men paradoksalt nok har du altså betre sjanse til å meistre skulen, dersom du vel eit fag der du vert sett på som unnasluntrar.
Mone Celin Skrede er praktikant ved Nynorsk Avissenter.
Med yrkesfag blei det ikkje noko av meg,
måtte eg vite.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.