Bilhat
Meir om hatet mitt mot moderne bilar. Heilt sidan eg kjøpte bilen min for to år sidan, har det blinka gult på dashbordet. Alle som veit noko om EØS-kontrollen, veit at blinking i dashbord er ulovleg og kjem til å kosta pengar. Men då eg var på EØS-kontroll på den lokale verkstaden min i Volda, sa mekanikaren at «det der gjev vi blaffen i. Det har ingenting å seia for bilen».
Så kva er årsaka til at det har blinka gult? Dekksensoren i den eine ventilen. Han har prøvt å seia frå om at han er gåen. Kva gjer dekksensoren? Han seier frå om det er lite luft i hjulet, og om eg eventuelt har punktert. Slikt var som kjent umogleg å finna ut av før. Men eg har altså ignorert blinkinga, vel vitande om at eg kan gje blaffen. For det har ein mekanikar sagt til meg!
No har eg gjeve etter. Eg skifta til vinterdekk no onsdag, sidan det er kome snø på Strynefjellet. Eg var innom Dekk1 i Asker. Der kunne dei fortelja meg at sensoren var gåen, og sa at eg burde skifta ventil.
– Kva kostar det, var eg dum nok til å spørja om.
– Vi gjer det i ein fei, og du treng berre betala for sjølve ventilen, som vi sel for 500 kroner.
Eg sa ja. Skift til vinterdekk og ny ventil skulle berre kosta 1000 kroner og taka 20 minutt.
Det gjekk 20 minutt, og eg vart beden om å gå ned i hallen og henta bilen. Problemet var berre at karane ikkje hadde fått resett hjernen. Ja, dei sa «hjernen». Dei diskuterte lenge seg imellom og kom til at ingen av dei kunne det på min modell. Eg vart beden om å køyra opp til ekspedisjonen. Der skulle ein verkeleg kompetent kar sitja, han som overtalte meg til å kjøpa ny ventil.
Det heile tok halvannan time og involverte telefonar, datamaskiner og ein lovnad frå mi si side om at eg skulle køyra ti minutt over 25 km/t.
Det gjekk sjølvsagt ikkje i eit bustadfelt med fartshumpar og kryssande trafikk og menneske.
Lampen i dashbordet blinkar enno. Hat.
JH
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Meir om hatet mitt mot moderne bilar. Heilt sidan eg kjøpte bilen min for to år sidan, har det blinka gult på dashbordet. Alle som veit noko om EØS-kontrollen, veit at blinking i dashbord er ulovleg og kjem til å kosta pengar. Men då eg var på EØS-kontroll på den lokale verkstaden min i Volda, sa mekanikaren at «det der gjev vi blaffen i. Det har ingenting å seia for bilen».
Så kva er årsaka til at det har blinka gult? Dekksensoren i den eine ventilen. Han har prøvt å seia frå om at han er gåen. Kva gjer dekksensoren? Han seier frå om det er lite luft i hjulet, og om eg eventuelt har punktert. Slikt var som kjent umogleg å finna ut av før. Men eg har altså ignorert blinkinga, vel vitande om at eg kan gje blaffen. For det har ein mekanikar sagt til meg!
No har eg gjeve etter. Eg skifta til vinterdekk no onsdag, sidan det er kome snø på Strynefjellet. Eg var innom Dekk1 i Asker. Der kunne dei fortelja meg at sensoren var gåen, og sa at eg burde skifta ventil.
– Kva kostar det, var eg dum nok til å spørja om.
– Vi gjer det i ein fei, og du treng berre betala for sjølve ventilen, som vi sel for 500 kroner.
Eg sa ja. Skift til vinterdekk og ny ventil skulle berre kosta 1000 kroner og taka 20 minutt.
Det gjekk 20 minutt, og eg vart beden om å gå ned i hallen og henta bilen. Problemet var berre at karane ikkje hadde fått resett hjernen. Ja, dei sa «hjernen». Dei diskuterte lenge seg imellom og kom til at ingen av dei kunne det på min modell. Eg vart beden om å køyra opp til ekspedisjonen. Der skulle ein verkeleg kompetent kar sitja, han som overtalte meg til å kjøpa ny ventil.
Det heile tok halvannan time og involverte telefonar, datamaskiner og ein lovnad frå mi si side om at eg skulle køyra ti minutt over 25 km/t.
Det gjekk sjølvsagt ikkje i eit bustadfelt med fartshumpar og kryssande trafikk og menneske.
Lampen i dashbordet blinkar enno. Hat.
JH
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.