Klar til kamp mot den indre fienden

Dette eskalerte fort. Demonstrasjonane byrja om kvelden 6. juni, da nokre hundre menneske samla seg i sentrum av Los Angeles for å protestere mot massearrestasjonane av mistenkte ulovlege innvandrarar. Politiet nytta peparspray for å løyse opp folkemengda.

Dagen etter vart demonstrasjonane større, somme kasta flasker og stein og sette fyr på bilar, og politiet tok i bruk tåregass. Og laurdag kveld kommanderte president Trump ut 2000 soldatar frå Nasjonalgarden for å stogge demonstrasjonane. Det skjedde mot viljen til guvernør Gavin Newsom i California, som kalla det «ein medviten provokasjon». Han meinte politiet var fullt ut i stand til å handtere situasjonen. Sidan da har samanstøytane halde fram, og demonstrasjonane har spreidd seg til fleire storbyar i USA.

Trump gjer no det han lenge har lova, nemleg å setje inn soldatar mot folk som demonstrerer mot politikken hans. Presidenten hevda at dette måtte til å for å redde Los Angeles: Om han ikkje hadde sendt inn soldatane, ville byen «ha brunne til grunnen», skreiv han på Truth Social tysdag.

Til saman har Trump sendt over 4000 soldatar frå Nasjonalgarden til Los Angeles. Måndag kalla han i tillegg inn 700 soldatar frå US Marines, ein elitestyrke som er trent til å føre krig, ikkje til å stagge sivile demonstrantar. Det første grepet var svært uvanleg, det andre ekstremt.

Gatekamp

Nasjonalgarden først: Dette er ein militær reservestyrke som tel kring 430.000, dei fleste med sivil jobb til dagleg. Dei siste tiåra har Nasjonalgarden stort sett hatt oppgåver som berging eller opprydding etter naturkatastrofar, omtrent som Heimevernet i Noreg.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare