Flyktningar i Ukraina
Heimlause i eige land
Nesten 6 millionar ukrainarar har flykta frå russiske åtak og til utlandet, men 3,7 millionar har blitt verande, sjølv om dei har mista heimen. Dei saknar det gamle livet sitt.
Ein bebuar blir evakuert frå heimen sin i Zaporizjzja 27. januar i år.
Foto: Stringer / Reuters / NTB
Fram til
august 2024 var livet til Svetlana Obukhova framleis relativt normalt. Heimbyen
hennar, Myrnohrado, og nabobyen Pokrovsk var rett nok mål for den russiske hæren,
men 52-åringen heldt lenge ut i Myrnohrad, der ho i over tre tiår hadde jobba ved
kolgruveanlegget. Men fronten kom stadig nærmare, og i mai 2024 følgde Obukhova
den 74 år gamle mor si, Ludmila, til Tsjekkia, der ho skulle få bu hjå
slektningar.
Dottera
Tatjana på 28 år var ingeniør og jobba framleis i Pokrovsk.
Men
sommaren 2024 blei det farlegare i Pokrovsk og Myrnohrad, særleg fordi talet på
russiske drone- og flyåtak auka. 3. august 2024 blei fabrikken til Obukhova
råka av ei bombe, og ho mista jobben. Det blei stadig fleire luftåtak, og i
slutten av august i 2024 flykta mor og dotter til Tsjekkia. Men dei var i eit
framandt land og kunne ikkje språket. Difor heldt dei berre ut i tre månader
før dei drog tilbake til eit krigsherja Ukraina.
Bombenedslaga var ikkje lenger
til å bere
Nesten 10
millionar ukrainarar har blitt heimlause under krigen, ifølgje FN. Rundt 5,9
millionar har flykta til Europa og til andre land. Den internasjonale
organisasjonen for migrasjon (IOM) anslår at ytterlegare 3,7 millionar
ukrainarar er på flukt i eige land. Fleire hundretusen kjem tilbake frå
utlandet, men få får sjå heimstaden sin att.
Det fekk heller ikkje
Svetlana Obukhova.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
