RELIGION
Pater Kjell Arild Pollestad har lese boka mi, Eg slepper deg utan at du velsignar meg. Han ser det som naudsynt å kalle den trua eg slutta med for «usunn». Det kan verke som om eg ikkje hadde tenkt den tanken sjølv, men store delar av boka går nettopp med til å forklare kvifor trua mi var «usunn» for meg. Eg er ikkje åleine om ei slik tru. Eg trur Pollestad må lese tekstane til Mor Teresa, dei ho skreiv då gudsfråværet sette inn hjå henne. Då vil han sjå at katolske helgenar òg kan ha djup kjennskap til ei «usunn» tru. Og gjev det eigentleg meining å kalle trua «sunn» eller «usunn»? Eg er meir interessert i kvifor det vert slik at tru kan vere farleg for somme. Å klistre «usunn» på trua til eit anna menneske er enkelt. Det verkeleg interessante er kvifor eit menneske ikkje sluttar å tru, sjølv når det ser at trua ikkje er god for seg. Då må vi inn i religionspsykologien, ei dør som Pollestad ikkje går inn. Om han ikkje kan eller ikkje vil, er uvisst.
I boka mi skildrar eg min veg mot Gud, og vegen ut att. Eg drøftar spørsmål som: Kva er tru når eit menneske kan slutte å tru, korleis finst Gud om Gud finst, kva er tilhøvet mellom ein gud sin eksistens og eit menneske si tru på denne guden sin eksistens, kvifor trur mennesket? Når eg ikkje lenger trudde at Gud fanst, kva var det då alle dei røynslene av Gud eg meinte eg hadde, frå tidlegare? Hadde eg loge for meg sjølv? Og om Gud finst, er det slik at den truande kan erfare Gud på eit eller anna vis? Dette er ulike typar spørsmål, og for å svare på dei må vi inn i teologien, filosofien, vitskapsteorien og psykologien. Pollestad går ikkje inn i ein diskusjon om desse spørsmåla, men slår kjapt fast at «Når det gjeld trua, vil nok dei fleste ha større utbyte av å venda blikket utover enn innover.» Kva denne generaliseringa skal bety, er eg usikker på, anna enn at Pollestad sjølv har større utbyte av å vende blikket utover. For meg vart slike tankar umoglege, eg måtte ha med heile meg i trua, òg tankane og kjenslene. Då vart det naudsynt å gå baklengs inn i meg sjølv, som eit menneske, for å skjøne kva som sameiner alle truande, uavhengig av religion. Kvifor og korleis oppstår tru i eit menneske? Eg fann interessante tankar, og eg skriv om dei alle. Trua er (for alle truande, også Pollestad) tett forbunden med mennesket sine djupaste lengslar, behov for trøyst, håp og livsmeining. Når eit menneske trur, legg han eller ho mykje meining inn i trua. Mennesket er den aktive part i trua, ikkje Gud. Om eit menneske opplever at trua ikkje gjev meining lenger, vil han eller ho slutte å tru etter ei tid. Mange er dei som har slutta å tru, og det er sikkert like mange grunngjevingar for dette som det er menneske. Men eg vil verte overraska om ikkje mange vil fortelje at dei slutta å tru fordi trua ikkje gav meining meir.
Når Gud ikkje kan erfarast lenger, er det smertefullt. Ikkje alle er velsigna med det vesle vinket Pollestad fekk av Gud. Han meiner altså at Gud finst og kan erfarast. Men korleis kan pateren vite at det var Gud som kommuniserte seg sjølv til han? Om pateren då vil svare at det kan han ikkje vite, men berre tru på, så er vi like kort komne i det store spørsmålet om Gud finst eller ikkje.
Eskil Skjeldal er forfattar
og ph.d. i teologi.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
RELIGION
Pater Kjell Arild Pollestad har lese boka mi, Eg slepper deg utan at du velsignar meg. Han ser det som naudsynt å kalle den trua eg slutta med for «usunn». Det kan verke som om eg ikkje hadde tenkt den tanken sjølv, men store delar av boka går nettopp med til å forklare kvifor trua mi var «usunn» for meg. Eg er ikkje åleine om ei slik tru. Eg trur Pollestad må lese tekstane til Mor Teresa, dei ho skreiv då gudsfråværet sette inn hjå henne. Då vil han sjå at katolske helgenar òg kan ha djup kjennskap til ei «usunn» tru. Og gjev det eigentleg meining å kalle trua «sunn» eller «usunn»? Eg er meir interessert i kvifor det vert slik at tru kan vere farleg for somme. Å klistre «usunn» på trua til eit anna menneske er enkelt. Det verkeleg interessante er kvifor eit menneske ikkje sluttar å tru, sjølv når det ser at trua ikkje er god for seg. Då må vi inn i religionspsykologien, ei dør som Pollestad ikkje går inn. Om han ikkje kan eller ikkje vil, er uvisst.
I boka mi skildrar eg min veg mot Gud, og vegen ut att. Eg drøftar spørsmål som: Kva er tru når eit menneske kan slutte å tru, korleis finst Gud om Gud finst, kva er tilhøvet mellom ein gud sin eksistens og eit menneske si tru på denne guden sin eksistens, kvifor trur mennesket? Når eg ikkje lenger trudde at Gud fanst, kva var det då alle dei røynslene av Gud eg meinte eg hadde, frå tidlegare? Hadde eg loge for meg sjølv? Og om Gud finst, er det slik at den truande kan erfare Gud på eit eller anna vis? Dette er ulike typar spørsmål, og for å svare på dei må vi inn i teologien, filosofien, vitskapsteorien og psykologien. Pollestad går ikkje inn i ein diskusjon om desse spørsmåla, men slår kjapt fast at «Når det gjeld trua, vil nok dei fleste ha større utbyte av å venda blikket utover enn innover.» Kva denne generaliseringa skal bety, er eg usikker på, anna enn at Pollestad sjølv har større utbyte av å vende blikket utover. For meg vart slike tankar umoglege, eg måtte ha med heile meg i trua, òg tankane og kjenslene. Då vart det naudsynt å gå baklengs inn i meg sjølv, som eit menneske, for å skjøne kva som sameiner alle truande, uavhengig av religion. Kvifor og korleis oppstår tru i eit menneske? Eg fann interessante tankar, og eg skriv om dei alle. Trua er (for alle truande, også Pollestad) tett forbunden med mennesket sine djupaste lengslar, behov for trøyst, håp og livsmeining. Når eit menneske trur, legg han eller ho mykje meining inn i trua. Mennesket er den aktive part i trua, ikkje Gud. Om eit menneske opplever at trua ikkje gjev meining lenger, vil han eller ho slutte å tru etter ei tid. Mange er dei som har slutta å tru, og det er sikkert like mange grunngjevingar for dette som det er menneske. Men eg vil verte overraska om ikkje mange vil fortelje at dei slutta å tru fordi trua ikkje gav meining meir.
Når Gud ikkje kan erfarast lenger, er det smertefullt. Ikkje alle er velsigna med det vesle vinket Pollestad fekk av Gud. Han meiner altså at Gud finst og kan erfarast. Men korleis kan pateren vite at det var Gud som kommuniserte seg sjølv til han? Om pateren då vil svare at det kan han ikkje vite, men berre tru på, så er vi like kort komne i det store spørsmålet om Gud finst eller ikkje.
Eskil Skjeldal er forfattar
og ph.d. i teologi.
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.