Komplekst
Henry Threadgill og Wadada Leo Smith skriv svingande samtidsmusikk for ei ny tid.
Henry Threadgill.
Foto: PI Recordings
Tilrådd lytting
Henry Threadgill:
Zooid: This Brings Us To Vol. 1 (Pi Recordings, 2009)
Zooid: This Brings Us To Vol. 2 (Pi Recordings, 2010)
Zooid: In For A Penny, In For A Pound (Pi Recordings, 2015)
Ensemble Double Up: Old Locks And Irregular Verbs (Pi Recordings, 2016)
Wadada Leo Smith:
The Blue Mountain’s Sun Drummer med Ed Blackwell (Kabell, 2010)
Ten Freedom Summers (Cuneiform, 2012)
The Great Lakes Suites (TUM Records, 2014)
America’s National Parks (Cuneiform, 2016)
Tilrådd lytting
Henry Threadgill:
Zooid: This Brings Us To Vol. 1 (Pi Recordings, 2009)
Zooid: This Brings Us To Vol. 2 (Pi Recordings, 2010)
Zooid: In For A Penny, In For A Pound (Pi Recordings, 2015)
Ensemble Double Up: Old Locks And Irregular Verbs (Pi Recordings, 2016)
Wadada Leo Smith:
The Blue Mountain’s Sun Drummer med Ed Blackwell (Kabell, 2010)
Ten Freedom Summers (Cuneiform, 2012)
The Great Lakes Suites (TUM Records, 2014)
America’s National Parks (Cuneiform, 2016)
Eg skriv denne gongen om to utøvarar og komponistar som er særskilt utfordrande å skriva om. Både fordi dei er komplekse musikarar og fordi dei har så lange, omfattande og kontrastrike karrierar at det er vanskeleg å rettferdiggjere ein såpass kort tekst om nokon som eigentleg skulle hatt kvar si avhandling. Ein annan ting er at dei båe har enorme produksjonar over mange år, med musikk i konstant utvikling, som ein treng å høyre om att og om att for å få eit oversyn over. Det er artistar som ein ikkje på nokon måte vil setje i bås musikalsk sett.
Men eg vel likevel å gjere dette til ein felles tekst om Henry Threadgill og Wadada Leo Smith, fordi dei kjem frå same miljø i Chicago, er gode vener og kollegaer, har spelt og arbeidd saman sidan 1960-talet og er sjangerknusande komponistar som har kledd amerikansk jazz og samtidsmusikk i ny drakt. Ikkje minst tykkjer eg at fleire bør verte kjende med musikken deira.
Kringsett av blues
Wadada Leo Smith (f. 1941) er trompetist, opphavleg frå Leland i Mississippi, og han starta den musikalske karrieren kringsett av bluesmusikk. Han flytta seinare til Chicago, der han på 1960-talet vart medlem av det vidgjetne improvisasjonsfellesskapet AACM (Advancement of Creative Musicians) og trefte saksofonist og fløytist Henry Threadgill (f. 1944), oppvaksen på sørsida av byen. AACM var òg ein ynda stad for andre kjende jazzlegender, som trommemeisteren Jack DeJohnette og den stilskapande saksofonisten Roscoe Mitchell frå Art Ensemble of Chicago.
Threadgill og Smith starta eigne musikalske prosjekt i ulike former og ensemble, for å vidareføre arven etter dei to store frijazzpionerane Ornette Coleman og Don Cherry.
Ulike jazzgrupper
Henry Threadgill har leidd viktige jazzkonstellasjonar, som trioen Air, Very Very Circus og Zooid, med sistnemnde som den lengstlevande gruppa som framleis er aktiv i dag. Zooid har dei siste 16 åra gjeve ut fem banebrytande album. Musikken kan omtalast som noko så sjeldan som svingande samtidsimpro, med klare røter i tidleg jazz, blues og europeisk kunstmusikk.
Eg kan særskilt tilrå albuma This Brings Us To (Volume 1 og 2), med eit samspel og ein innbyrdes lytting eg aldri før har høyrt maken til. Threadgills fløyte og saksofon viser veg, men han komponerer og spelar sparsamt, og lèt det fem mann store ensemblet få utforske alle klangar i instrumenta sine individuelt. Noko trekker meg no om dagen lenger og lenger inn i denne eigenrådige og litt kantete musikken. Eg klarar ikkje heilt å setje ord på kva det er, men det ligg for meg ei kraft der som utfordrar sansane og gjev meg lyst og trong til å vite og lytte meir. Siste albumet til Zooid, In For A Penny, In For A Pound, fekk Pulitzerprisen i musikk i 2016.
Varme og fylde
Wadada Leo Smith har dei siste åra gjeve ut konseptuelle, monumentale verk, som vakre og storslagne Ten Freedom Summers (med tema frå den svarte frigjeringskampen og borgarrettsrørsla), The Great Lakes Suites (saman med mellom anna Henry Threadgill og Jack DeJohnette, dedisert til dei store innsjøane i Nord-Amerika) og America’s National Parks, med Golden Quartet i storform.
Smiths musikk er òg kompleks, men han har samstundes ein varme og noko leikande i arrangementa som gjer han lett å lytte til. Det same gjeld tonen og spelinga til både Smith og Threadgill: varm og fyldig i den eine augneblinken, ekspressiv, rå og kvass i den neste.
Stein Urheim
Stein Urheim er musikar og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg skriv denne gongen om to utøvarar og komponistar som er særskilt utfordrande å skriva om. Både fordi dei er komplekse musikarar og fordi dei har så lange, omfattande og kontrastrike karrierar at det er vanskeleg å rettferdiggjere ein såpass kort tekst om nokon som eigentleg skulle hatt kvar si avhandling. Ein annan ting er at dei båe har enorme produksjonar over mange år, med musikk i konstant utvikling, som ein treng å høyre om att og om att for å få eit oversyn over. Det er artistar som ein ikkje på nokon måte vil setje i bås musikalsk sett.
Men eg vel likevel å gjere dette til ein felles tekst om Henry Threadgill og Wadada Leo Smith, fordi dei kjem frå same miljø i Chicago, er gode vener og kollegaer, har spelt og arbeidd saman sidan 1960-talet og er sjangerknusande komponistar som har kledd amerikansk jazz og samtidsmusikk i ny drakt. Ikkje minst tykkjer eg at fleire bør verte kjende med musikken deira.
Kringsett av blues
Wadada Leo Smith (f. 1941) er trompetist, opphavleg frå Leland i Mississippi, og han starta den musikalske karrieren kringsett av bluesmusikk. Han flytta seinare til Chicago, der han på 1960-talet vart medlem av det vidgjetne improvisasjonsfellesskapet AACM (Advancement of Creative Musicians) og trefte saksofonist og fløytist Henry Threadgill (f. 1944), oppvaksen på sørsida av byen. AACM var òg ein ynda stad for andre kjende jazzlegender, som trommemeisteren Jack DeJohnette og den stilskapande saksofonisten Roscoe Mitchell frå Art Ensemble of Chicago.
Threadgill og Smith starta eigne musikalske prosjekt i ulike former og ensemble, for å vidareføre arven etter dei to store frijazzpionerane Ornette Coleman og Don Cherry.
Ulike jazzgrupper
Henry Threadgill har leidd viktige jazzkonstellasjonar, som trioen Air, Very Very Circus og Zooid, med sistnemnde som den lengstlevande gruppa som framleis er aktiv i dag. Zooid har dei siste 16 åra gjeve ut fem banebrytande album. Musikken kan omtalast som noko så sjeldan som svingande samtidsimpro, med klare røter i tidleg jazz, blues og europeisk kunstmusikk.
Eg kan særskilt tilrå albuma This Brings Us To (Volume 1 og 2), med eit samspel og ein innbyrdes lytting eg aldri før har høyrt maken til. Threadgills fløyte og saksofon viser veg, men han komponerer og spelar sparsamt, og lèt det fem mann store ensemblet få utforske alle klangar i instrumenta sine individuelt. Noko trekker meg no om dagen lenger og lenger inn i denne eigenrådige og litt kantete musikken. Eg klarar ikkje heilt å setje ord på kva det er, men det ligg for meg ei kraft der som utfordrar sansane og gjev meg lyst og trong til å vite og lytte meir. Siste albumet til Zooid, In For A Penny, In For A Pound, fekk Pulitzerprisen i musikk i 2016.
Varme og fylde
Wadada Leo Smith har dei siste åra gjeve ut konseptuelle, monumentale verk, som vakre og storslagne Ten Freedom Summers (med tema frå den svarte frigjeringskampen og borgarrettsrørsla), The Great Lakes Suites (saman med mellom anna Henry Threadgill og Jack DeJohnette, dedisert til dei store innsjøane i Nord-Amerika) og America’s National Parks, med Golden Quartet i storform.
Smiths musikk er òg kompleks, men han har samstundes ein varme og noko leikande i arrangementa som gjer han lett å lytte til. Det same gjeld tonen og spelinga til både Smith og Threadgill: varm og fyldig i den eine augneblinken, ekspressiv, rå og kvass i den neste.
Stein Urheim
Stein Urheim er musikar og fast skribent i Dag og Tid.
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.