Frekke fridomsrim
Ephorize er ei feiring av mangfald.
Hiphop
CupcakKe:
Ephorize
Uavhengig (TuneCore)
Førre utgjeving eg melde her i Dag og Tid, var Pop2 av Charli XCX, ei plate eg var ambivalent til trass i ei rekke friske grep. Eit høgdepunkt var (delar av) låta «I Got It», mykje grunna gjesteartisten CupcakKe – pseudonymet til Elizabeth Eden Harris, ein rappkjefta rappar frå Chicago som nyleg gav ut sitt tredje album (og femte samlingsband i alt sidan 2016).
«And most people already skipped this song ’cause it ain’t about sex and killin’», messar CupcakKe på sporet «Self Interview» – for hiphop er ein sjanger som ofte er forureina med tanketom kjønnsdiskriminering og andre barske klisjear. CupcakKe spelar rett nok på sex, slik (kvinnelege) artistar gjerne gjer, og det på eit par hakk meir eksplisitt – og medvite – vis enn normalen. Den openberre vrien er at ho ikkje passar inn i det smale kroppsidealet som regjerer i popkulturen. Men sexy er det til tusen når ho knurrar som eit villdyr i skyhøgt tempo over tunge, men oppløftande beats. Prektige lyttarar vil mogelegvis slite med å svelgje mange av dei frekke rima hennar, medan andre kan fryde seg over snurrige verseliner som ofte er til å trekkje på smilebandet av.
Albumet er utgjeve på den uavhengige distribusjonsplattforma TuneCore, og fridom, mangfald, kroppsformsrikdom, seksualitet og sjølvtillit er nøkkelord her. På spørsmål frå fansen om kva bodskap ho vil kommunisere, svarte ho: «Be bold and fearless. Don’t hold your tounge, don’t care what people think about you.»
Ephorize er ein medrivande opptur av ei plate.
Rasmus Hungnes
Rasmus Hungnes er musikar og fast platemeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Hiphop
CupcakKe:
Ephorize
Uavhengig (TuneCore)
Førre utgjeving eg melde her i Dag og Tid, var Pop2 av Charli XCX, ei plate eg var ambivalent til trass i ei rekke friske grep. Eit høgdepunkt var (delar av) låta «I Got It», mykje grunna gjesteartisten CupcakKe – pseudonymet til Elizabeth Eden Harris, ein rappkjefta rappar frå Chicago som nyleg gav ut sitt tredje album (og femte samlingsband i alt sidan 2016).
«And most people already skipped this song ’cause it ain’t about sex and killin’», messar CupcakKe på sporet «Self Interview» – for hiphop er ein sjanger som ofte er forureina med tanketom kjønnsdiskriminering og andre barske klisjear. CupcakKe spelar rett nok på sex, slik (kvinnelege) artistar gjerne gjer, og det på eit par hakk meir eksplisitt – og medvite – vis enn normalen. Den openberre vrien er at ho ikkje passar inn i det smale kroppsidealet som regjerer i popkulturen. Men sexy er det til tusen når ho knurrar som eit villdyr i skyhøgt tempo over tunge, men oppløftande beats. Prektige lyttarar vil mogelegvis slite med å svelgje mange av dei frekke rima hennar, medan andre kan fryde seg over snurrige verseliner som ofte er til å trekkje på smilebandet av.
Albumet er utgjeve på den uavhengige distribusjonsplattforma TuneCore, og fridom, mangfald, kroppsformsrikdom, seksualitet og sjølvtillit er nøkkelord her. På spørsmål frå fansen om kva bodskap ho vil kommunisere, svarte ho: «Be bold and fearless. Don’t hold your tounge, don’t care what people think about you.»
Ephorize er ein medrivande opptur av ei plate.
Rasmus Hungnes
Rasmus Hungnes er musikar og fast platemeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.