Rytmekunstnaren
Jim Keltner er ein trommis musikarane ser opp til.
Jim Keltner har spelt på tallause album med verdskjende musikarar. Foto: youtube.com
Jim Keltner
Tilrådd lytting:
Gabor Szabo: Bacchanal (1968)
Leon Russel: Carney (1972)
George Harrison: Living in the Material World (1974)
Randy Newman: Little Criminals (1977)
Ry Cooder: Bop Till You Drop (1979)
Van Dyke Parks: Jump! (1984)
John Hiatt: Bring The Family (1987)
Ali Farka Touré: Talking Timbuktu (1994)
Bill Frisell: Gone, Just Like A Train (1998)
Charlie Watts: Jim Keltner Project (2000)
Jim Keltner
Tilrådd lytting:
Gabor Szabo: Bacchanal (1968)
Leon Russel: Carney (1972)
George Harrison: Living in the Material World (1974)
Randy Newman: Little Criminals (1977)
Ry Cooder: Bop Till You Drop (1979)
Van Dyke Parks: Jump! (1984)
John Hiatt: Bring The Family (1987)
Ali Farka Touré: Talking Timbuktu (1994)
Bill Frisell: Gone, Just Like A Train (1998)
Charlie Watts: Jim Keltner Project (2000)
Om du lyttar ein del til enten country, folk, blues, jazz, pop eller rockemusikk laga dei siste femti åra, har du garantert høyrt han i tallause samanhengar. Han er ein av dei mest brukte studiomusikarane i amerikansk og britisk musikk, og han har ei heilt eiga tilnærming og ein særprega spelestil.
Samstundes kjennest spelet hans som ein så naturleg del av heilskapen at berre særskilt musikkinteresserte legg skikkeleg merke til han. Sjansen er også stor for at du har eit album kor han spelar, eller kjenner til ein låt han har sett rytmiske avtrykk på, men dei færraste utanom musikarar kjenner til namnet hans. Eg snakkar om trommekunstnaren Jim Keltner.
Innleving
Jim Keltner (1942) frå Tulsa i Oklahoma har ei heilt eiga forståing for det som på musikkspråket kallast time, ei eiga innleving i samspelet med andre, med hårfine rytmiske nyansar som alltid underbyggjer låten på meisterleg vis.
Det handlar om kvar dei enkelte slaga vert lagde, kvar pausane og overgangane kjem, men også like mykje om å lata vere å spele, som det å spele. Det er laust og leikent, men samstundes stramt og elegant der det trengst. Keltner tek heile tida sjansar, gjerne med uventa slag og overgangar, men aldri så det går ut over heilskapen. Og alltid kastar han ball med – og stør opp om – medmusikarane.
Ein av grunnane til at han gjerne kjem litt i skuggen av dei mest kjende trommeslagarane, er at han ikkje driv med nokon openberr trommebriljering, som mange av kollegaene. (Trommesoloar er ikkje hans greie.) Han skapar likevel eit sug og eit tilbakehalde driv som gjer at ein får lyst til å høyre musikken om att og om att.
Studiomusikar
Ironisk nok sleit den eigenarta og hardtarbeidande musikaren i mange år med å skaffa seg nok speling for å halde økonomien i gang, og det var ikkje før på slutten av 1960-talet at han verkeleg byrja å få seg eit namn i musikarkretsar gjennom studioarbeid og konsertverksemd i Los Angeles-området.
Jim Keltner har hatt ein lang karriere, mellom anna i bandet til orkesterleiar, pianist og artist Leon Russel. Dei vart backinggruppe for både countryduoen Delaney & Bonnie og rockelegenda Joe Cocker. Derifrå vart han nytta i innspelingar med alt frå George Harrison, John Lennon og Ringo Starr – ein kan høyre han på mellom anna «Jealous Guy» og «Give Me Love (Give me peace on earth)» – til studioarbeid for Barbara Streisand og popgruppa Bee Gees.
Han fann også vegen til innspelingar med svært så ulike artistar, som Bob Dylan og Steely Dan, frå Joni Mitchell til Rickie Lee Jones, J.J. Cale til Roy Orbison, og frå folksongar Lucinda Williams til blueskongen B.B. King. På 1980- og 90-talet var han medlem i begge dei to supergruppene Traveling Wilburys og Little Village.
Ein kan òg sjå han i mange klassiske konsertfilmar, som til dømes George Harrisons Concert For Bangladesh, i Bob Dylans 30-årsjubileumskonsert som artist, i samspel med diverse kjende gjester eller musikkvideoar med Traveling Wilburys – som oftast lengst bak på scena, med dei karakteristiske pilotbrillene og eit sikkert grep kring trommestikkene.
Stein Urheim
Stein Urheim er musikar og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Om du lyttar ein del til enten country, folk, blues, jazz, pop eller rockemusikk laga dei siste femti åra, har du garantert høyrt han i tallause samanhengar. Han er ein av dei mest brukte studiomusikarane i amerikansk og britisk musikk, og han har ei heilt eiga tilnærming og ein særprega spelestil.
Samstundes kjennest spelet hans som ein så naturleg del av heilskapen at berre særskilt musikkinteresserte legg skikkeleg merke til han. Sjansen er også stor for at du har eit album kor han spelar, eller kjenner til ein låt han har sett rytmiske avtrykk på, men dei færraste utanom musikarar kjenner til namnet hans. Eg snakkar om trommekunstnaren Jim Keltner.
Innleving
Jim Keltner (1942) frå Tulsa i Oklahoma har ei heilt eiga forståing for det som på musikkspråket kallast time, ei eiga innleving i samspelet med andre, med hårfine rytmiske nyansar som alltid underbyggjer låten på meisterleg vis.
Det handlar om kvar dei enkelte slaga vert lagde, kvar pausane og overgangane kjem, men også like mykje om å lata vere å spele, som det å spele. Det er laust og leikent, men samstundes stramt og elegant der det trengst. Keltner tek heile tida sjansar, gjerne med uventa slag og overgangar, men aldri så det går ut over heilskapen. Og alltid kastar han ball med – og stør opp om – medmusikarane.
Ein av grunnane til at han gjerne kjem litt i skuggen av dei mest kjende trommeslagarane, er at han ikkje driv med nokon openberr trommebriljering, som mange av kollegaene. (Trommesoloar er ikkje hans greie.) Han skapar likevel eit sug og eit tilbakehalde driv som gjer at ein får lyst til å høyre musikken om att og om att.
Studiomusikar
Ironisk nok sleit den eigenarta og hardtarbeidande musikaren i mange år med å skaffa seg nok speling for å halde økonomien i gang, og det var ikkje før på slutten av 1960-talet at han verkeleg byrja å få seg eit namn i musikarkretsar gjennom studioarbeid og konsertverksemd i Los Angeles-området.
Jim Keltner har hatt ein lang karriere, mellom anna i bandet til orkesterleiar, pianist og artist Leon Russel. Dei vart backinggruppe for både countryduoen Delaney & Bonnie og rockelegenda Joe Cocker. Derifrå vart han nytta i innspelingar med alt frå George Harrison, John Lennon og Ringo Starr – ein kan høyre han på mellom anna «Jealous Guy» og «Give Me Love (Give me peace on earth)» – til studioarbeid for Barbara Streisand og popgruppa Bee Gees.
Han fann også vegen til innspelingar med svært så ulike artistar, som Bob Dylan og Steely Dan, frå Joni Mitchell til Rickie Lee Jones, J.J. Cale til Roy Orbison, og frå folksongar Lucinda Williams til blueskongen B.B. King. På 1980- og 90-talet var han medlem i begge dei to supergruppene Traveling Wilburys og Little Village.
Ein kan òg sjå han i mange klassiske konsertfilmar, som til dømes George Harrisons Concert For Bangladesh, i Bob Dylans 30-årsjubileumskonsert som artist, i samspel med diverse kjende gjester eller musikkvideoar med Traveling Wilburys – som oftast lengst bak på scena, med dei karakteristiske pilotbrillene og eit sikkert grep kring trommestikkene.
Stein Urheim
Stein Urheim er musikar og fast skribent i Dag og Tid.
Fleire artiklar
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Nana rise-Lynum er redaktør i Norsk Barneblad.
Foto: Per Anders Todal
Å gi barn det dei ikkje veit at dei vil ha
Norsk Barneblad vart skipa i 1887 og har kome ut kvart år sidan. Sist helg fekk Nana Rise-Lynum Målprisen frå Noregs Mållag for innsatsen som redaktør.
Den såkalla hysjpengesaka mot Donald Trump er inne i andre veke i retten i New York.
Illustrasjon: Jane Rosenberg / Reuters
Høgt spel i New York
Straffesaka som no går føre seg mot Trump, er den han har størst sjanse til å verte frikjend i. Og vert han det, kan saka òg gje han fleire veljarar, seier kommentator Jan Arild Snoen.
Frå markeringa av den internasjonale kvinnedagen i Oslo sentrum.
Foto: Håkon Mosvold Larsen / NTB
Bollestad sprer myter og faktafeil
Vi må skille mellom hva som skal løses av abortloven, og hva som skal løses andre steder.