Leiken ensembledebut
Per Zanussi får maks ut av ensemblet.
Per Zanussi & Vestnorsk Jazzensemble:
Li (And The Infinite Game)
Didrik Ingvaldsen og Simen Kiil Halvorsen, trompet, Kristoffer Alberts, Kjetil Møster, Heidi Kvelvane og Elisabeth Lid Trøen, saksofonar, Gro Austgulen, fiolin, Thomas Dahl, gitar, Jørgen Træen, elektronikk, Per Zanussi, bass, Øyvind Skarbø og Børge Fjordheim, trommer.
Clean Feed
Det er berre å merka seg namnet – Vestnorsk Jazzensemble. I sommar leverte dei varene på Sildajazz i kompaniskap med Mariam Wallentin, og her er dei plateaktuelle på velrenommerte Clean Feed med tingingsverket Li (And The Infinite Game), skrive av Per Zanussi, også det urframført på Sildajazz – i 2021. Verket er sett saman av ti delar der «Retabling» og «Baltering» glir over i kvarandre.
Zanussi er inspirert av den nykonfutsianske termen li som ordnande prinsipp eller underliggjande mønster og strukturar i naturen. Musikken, eller den endelause leiken som Zanussi her kallar det, gjev god meining utan eit nykonfutsiansk bakteppe, men å halda fast på mønster og struktur som ein lytteknagg gjev haldepunkt i jakta på den raude tråden.
Elles er inspirasjons-
kjeldene fleire, men vestafrikansk musikk slik han blei transformert og kom til uttrykk i amerikansk jazz på slutten av 1960- og byrjinga av 70-talet, er eit markant innslag. Træens elektroniske forsiringar, svært elegant utførte fleire stader, mellom anna på «Uragano» og «Golden Spike», fører tankane attende til Herbie Hancocks sekstettutgjevingar som Crossings og Sextant.
Musikken blei spelt inn i Elektrolüd-studioet i Stavanger i januar i år. Bandet læt både friskt og samspelt. Det er spesielt kjekt å høyra kor fint dei to trommeslagerane og bassisten spelar saman og blir formidla i lydbiletet. Her er korte og poengterte kor av fleire i ensemblet, men dette er ein lagsiger først og fremst.
Lars Mossefinn
Lars Mossefinn er frilans journalist og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Per Zanussi & Vestnorsk Jazzensemble:
Li (And The Infinite Game)
Didrik Ingvaldsen og Simen Kiil Halvorsen, trompet, Kristoffer Alberts, Kjetil Møster, Heidi Kvelvane og Elisabeth Lid Trøen, saksofonar, Gro Austgulen, fiolin, Thomas Dahl, gitar, Jørgen Træen, elektronikk, Per Zanussi, bass, Øyvind Skarbø og Børge Fjordheim, trommer.
Clean Feed
Det er berre å merka seg namnet – Vestnorsk Jazzensemble. I sommar leverte dei varene på Sildajazz i kompaniskap med Mariam Wallentin, og her er dei plateaktuelle på velrenommerte Clean Feed med tingingsverket Li (And The Infinite Game), skrive av Per Zanussi, også det urframført på Sildajazz – i 2021. Verket er sett saman av ti delar der «Retabling» og «Baltering» glir over i kvarandre.
Zanussi er inspirert av den nykonfutsianske termen li som ordnande prinsipp eller underliggjande mønster og strukturar i naturen. Musikken, eller den endelause leiken som Zanussi her kallar det, gjev god meining utan eit nykonfutsiansk bakteppe, men å halda fast på mønster og struktur som ein lytteknagg gjev haldepunkt i jakta på den raude tråden.
Elles er inspirasjons-
kjeldene fleire, men vestafrikansk musikk slik han blei transformert og kom til uttrykk i amerikansk jazz på slutten av 1960- og byrjinga av 70-talet, er eit markant innslag. Træens elektroniske forsiringar, svært elegant utførte fleire stader, mellom anna på «Uragano» og «Golden Spike», fører tankane attende til Herbie Hancocks sekstettutgjevingar som Crossings og Sextant.
Musikken blei spelt inn i Elektrolüd-studioet i Stavanger i januar i år. Bandet læt både friskt og samspelt. Det er spesielt kjekt å høyra kor fint dei to trommeslagerane og bassisten spelar saman og blir formidla i lydbiletet. Her er korte og poengterte kor av fleire i ensemblet, men dette er ein lagsiger først og fremst.
Lars Mossefinn
Lars Mossefinn er frilans journalist og fast jazzmeldar i Dag og Tid.
Fleire artiklar
Den israelske militære talspersonen, admiral Daniel Hagar, møter media.
Foto: Amir Cohen / Reuters / NTB
Iransk kanondiplomati
Det iranske åtaket mot Israel bognar av strategiske bodskapar. Og mottakarane er mange.
Eden Golan skal representere Israel i Eurovision i Malmö.
Foto: Ran Yehezkel
Eurovision: Israels deltaking er viktig for pressefridomen
Den frie israelske pressa er under kraftig press.
Bjørgulv Straume (1938–2024).
Foto: Leonhard Jansen / Setesdalsmuseet
Munnharpevirtuosen frå Setesdal
Med Bjørgulv Straume voks den landsomfattande bølgja for munnharpespel seg til høgder ingen kunne førestilt seg.
Saueauksjon i Machynlleth i Wales.
Alle foto: Svein Gjerdåker
Sau
Noko om sauedrift i Noreg og Wales.
Judith Butler er filosof og ein frontfigur innanfor kjønnsteori.
Foto: Thomas Lohnes / NTB
Paven midt imot
Alle lèt til å misforstå kvarandre i kjønnsdebatten. Judith Butler blir både dyrka og demonisert av folk som ikkje har lese eit ord av bøkene hen skriv.