Verken fugl eller fisk på menyen
Sammen alene slit med å balansera drama og melodrama.
Vener på hyttetur pratar ikkje nødvendigvis godt saman.
Bilete frå filmen
Drama
Regi: Janicke Askevold
Sammen alene
Med: Ida Nilsen, Aleksandra Ørbeck-Nilssen, Eirik Risholm Velle, Ivan Mathias Petersson
Kinofilm
To gamle vener (Nilsen og Ørbeck-Nilssen) møtest, saman med kjærastane (Velle og Petersson), for ei helg på hytta. Gamalt grums møter nytt grums.
Problema
Det er uendeleg sommarleg i Sammen alene – bølgene duvar, himmelen er blå og rosévinen flyt, i motsetning til samtalen. Dei fire kulturmenneska har underleg vanskeleg for å småprata. Det går frå null til hundre, temamessig, og tilbake til null igjen. Det må vera slitsamt å vera så lite gåverik i samtalekunsten og samtidig vera relativt vellukka skapande kunstnarar og forfattarar. Alt vert liggande på overflata, sjølv med dei tyngste temaa, som abort, sjølvmord og død. Det verkar som filmskaparane har hatt lyst å femna om kvart einaste tenkte scenario eit menneske kan gå gjennom, ved at hovudpersonane må ha gått gjennom desse sjølve. Det vert berre for mykje av det kjipe. Kanskje det er meininga at det skal vera kritikk av oss privilegerte, kvite nordmenn som studerer navlen vår som om det var reine hovudfagsprosjektet. Eller skal det vera eit forsøk på å forsvara den kvite middelklassen, at alle kan verta råka av eksistensielt vonde hendingar?
Intensjon eller ikkje, for meg hamnar Sammen alene innunder den ikkje heilt greie melodramakategorien.
Truverdet
At eg ikkje heilt trur på heilskapen, betyr ikkje at filmen er utan underhaldningsverdi – når dialogen er god, som han tidvis er, så skuldast det mykje at skodespelarane får utfalda seg utan å dvela for mykje. Kivinga og kammerpreiket kan nok vera gjenkjenneleg for dei fleste. Det mest truverdige, og kanskje mest nedstemmande, er kor mange elendige forhold som fortset og fortset, til trass for at det faktisk er så opplagt at dei er dårlege for kvarandre. Så nok ein gong blir eg noko forvirra: Er det meininga at eg skal sympatisera med at dei står saman, last og brast, når dei burde avlasta og bresta for lengst? Og mens me er inne på truverd: At opplyste menneske over 18 år har med seg kvitvinen Black Tower som husgåve, går eg berre ikkje med på.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Drama
Regi: Janicke Askevold
Sammen alene
Med: Ida Nilsen, Aleksandra Ørbeck-Nilssen, Eirik Risholm Velle, Ivan Mathias Petersson
Kinofilm
To gamle vener (Nilsen og Ørbeck-Nilssen) møtest, saman med kjærastane (Velle og Petersson), for ei helg på hytta. Gamalt grums møter nytt grums.
Problema
Det er uendeleg sommarleg i Sammen alene – bølgene duvar, himmelen er blå og rosévinen flyt, i motsetning til samtalen. Dei fire kulturmenneska har underleg vanskeleg for å småprata. Det går frå null til hundre, temamessig, og tilbake til null igjen. Det må vera slitsamt å vera så lite gåverik i samtalekunsten og samtidig vera relativt vellukka skapande kunstnarar og forfattarar. Alt vert liggande på overflata, sjølv med dei tyngste temaa, som abort, sjølvmord og død. Det verkar som filmskaparane har hatt lyst å femna om kvart einaste tenkte scenario eit menneske kan gå gjennom, ved at hovudpersonane må ha gått gjennom desse sjølve. Det vert berre for mykje av det kjipe. Kanskje det er meininga at det skal vera kritikk av oss privilegerte, kvite nordmenn som studerer navlen vår som om det var reine hovudfagsprosjektet. Eller skal det vera eit forsøk på å forsvara den kvite middelklassen, at alle kan verta råka av eksistensielt vonde hendingar?
Intensjon eller ikkje, for meg hamnar Sammen alene innunder den ikkje heilt greie melodramakategorien.
Truverdet
At eg ikkje heilt trur på heilskapen, betyr ikkje at filmen er utan underhaldningsverdi – når dialogen er god, som han tidvis er, så skuldast det mykje at skodespelarane får utfalda seg utan å dvela for mykje. Kivinga og kammerpreiket kan nok vera gjenkjenneleg for dei fleste. Det mest truverdige, og kanskje mest nedstemmande, er kor mange elendige forhold som fortset og fortset, til trass for at det faktisk er så opplagt at dei er dårlege for kvarandre. Så nok ein gong blir eg noko forvirra: Er det meininga at eg skal sympatisera med at dei står saman, last og brast, når dei burde avlasta og bresta for lengst? Og mens me er inne på truverd: At opplyste menneske over 18 år har med seg kvitvinen Black Tower som husgåve, går eg berre ikkje med på.
Brit Aksnes
Brit Aksnes er frilans kulturarbeidar og fast filmmeldar i Dag og Tid.
Fleire artiklar
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
I Like to Sleep har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?