Mannen i mørkret
Darkest Hour er eit tidstypisk og medrivande, men for enkelt krigsdrama om Winston Churchill.
Winston Churchill (Gary Oldman) sit i forhandlingar med den franske statsministeren.
Foto: Jack English / UIP
DRAMA
Regi: Joe Wright
Darkest Hour
Med: Gary Oldman, Kristin Scott Thomas, Ronald Pickup
Eit kamera sveipar over det britiske underhuset før det krasjlandar i møte med realitetane: Året er 1940 og Det tredje riket har resten av Europa i kne. Den britiske statsministeren Neville Chamberlain (Pickup) er handlingslamma og snakkar om «fredsforhandlingar».
Nytt klipp: Flesket freser i panna, og glaset med brennevin blir fylt opp. Det er morgon hos parlamentspolitikaren Winston Churchill (Oldman), som snart er ny statsminister for ein brei koalisjon. Darkest Hour handlar om nokre intense dagar i mai 1940 då Europa stod på vippepunktet: Skulle ein berre føye seg for Hitler?
Det er dette spørsmålet Darkest Hour vier tida til. I kraft av å fokusere på eit relativt lite element i det store biletet er Darkest Hour sånn sett ein tidsriktig andre verdskrigfilm. Men først og fremst er dette ein historietime forkledd som melodrama. Gary Oldman er ein velfortent Oscar-favoritt for tolkinga av Churchill. Ikkje berre i lynnet og korleis han ter seg som den særeigne statsleiaren; framfor alt framviser Oldman den sarte og usikre sida hans, best vist i nære samtalar med kona (Scott Thomas).
Ei scene mot slutten gjer likevel at den gode historietimen – og det sterke portrettet – tippar over i det emosjonelt platte og i tillegg usanne: Scena der Churchill går til folket for råd, er så lada med patos at det går over i det latterlege. Kan hende funkar denne scena som «Oscar-agn» for Oldman, men som eit portrett av Churchill er det for enkelt og patriotisk.
Sondre Åkervik
Sondre Åkervik er student, skribent og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DRAMA
Regi: Joe Wright
Darkest Hour
Med: Gary Oldman, Kristin Scott Thomas, Ronald Pickup
Eit kamera sveipar over det britiske underhuset før det krasjlandar i møte med realitetane: Året er 1940 og Det tredje riket har resten av Europa i kne. Den britiske statsministeren Neville Chamberlain (Pickup) er handlingslamma og snakkar om «fredsforhandlingar».
Nytt klipp: Flesket freser i panna, og glaset med brennevin blir fylt opp. Det er morgon hos parlamentspolitikaren Winston Churchill (Oldman), som snart er ny statsminister for ein brei koalisjon. Darkest Hour handlar om nokre intense dagar i mai 1940 då Europa stod på vippepunktet: Skulle ein berre føye seg for Hitler?
Det er dette spørsmålet Darkest Hour vier tida til. I kraft av å fokusere på eit relativt lite element i det store biletet er Darkest Hour sånn sett ein tidsriktig andre verdskrigfilm. Men først og fremst er dette ein historietime forkledd som melodrama. Gary Oldman er ein velfortent Oscar-favoritt for tolkinga av Churchill. Ikkje berre i lynnet og korleis han ter seg som den særeigne statsleiaren; framfor alt framviser Oldman den sarte og usikre sida hans, best vist i nære samtalar med kona (Scott Thomas).
Ei scene mot slutten gjer likevel at den gode historietimen – og det sterke portrettet – tippar over i det emosjonelt platte og i tillegg usanne: Scena der Churchill går til folket for råd, er så lada med patos at det går over i det latterlege. Kan hende funkar denne scena som «Oscar-agn» for Oldman, men som eit portrett av Churchill er det for enkelt og patriotisk.
Sondre Åkervik
Sondre Åkervik er student, skribent og fast filmmeldar i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.