Ikkje sjå denne filmen heime
Mountain er det næraste du kjem ekstremsport utan å gjere det sjølv, og filmen bør opplevast på eit stort lerret.
Filmen har blitt til ei poetisk reise opp – og ned – tindar og toppar.
Foto: Jon Griffiths / Tour de Force
Dokumentar
Regi: Jennifer Peedom
Mountain
Stemme: Willem Defoe
Eit av dei først bileta i Mountain er av fjellklatraren Alex Honnold idet han er i ferd med å gå opp ei stupbratt fjellhylle i Mexico – utan sikring. Kameraet fangar på svimlande vis kjensla av høgda. Vi ser rett ned i avgrunnen, og det er langt. Slike augneblinkar er det mange av i løpet av denne 72 minutt lange dokumentaren om fjellhistoria, men mest om den menneskelege erobringa av fjellet, og galskapen som følgjer med.
Ekstremsport i fjellet har blitt masseturisme og køgåing, som forteljarstemma (Defoe) ytrar ein stad i filmen. Dialogen er ein omarbeidd versjon av Robert Macfarlanes Mountains of the Mind, og filmen har blitt til ei poetisk reise opp – og ned – tindar og toppar. Defoe snakkar mest i korthogde, aforistiske setningar, som at det å gå opp eit fjell snakkar til noko større i oss, vårt eige fjell. Alt er skrudd saman til tonane frå Australian Chamber Orchestra.
Den klassiske musikken bidreg til det brusande adrenalinet av vanvitige, halsbrekkande scener frå fjellområde verda over. Kameraarbeidet er unikt, og kameraet glir og svever på måtar eg ikkje har sett på eit stort lerret.
I sum er ikkje dette ein dokumentar i klassisk forstand, men meir ein kontemplasjon over den forlokkande krafta fjellet har på menneska. Ei slags kunstnarisk utforsking av ekstremsport i fjellet, og ein måte å sjå dette på i ein større samanheng. Ein meditasjon over den korte eksistensen vår i det store spelet.
Sondre Åkervik
Sondre Åkervik er skribent og student og fast filmmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dokumentar
Regi: Jennifer Peedom
Mountain
Stemme: Willem Defoe
Eit av dei først bileta i Mountain er av fjellklatraren Alex Honnold idet han er i ferd med å gå opp ei stupbratt fjellhylle i Mexico – utan sikring. Kameraet fangar på svimlande vis kjensla av høgda. Vi ser rett ned i avgrunnen, og det er langt. Slike augneblinkar er det mange av i løpet av denne 72 minutt lange dokumentaren om fjellhistoria, men mest om den menneskelege erobringa av fjellet, og galskapen som følgjer med.
Ekstremsport i fjellet har blitt masseturisme og køgåing, som forteljarstemma (Defoe) ytrar ein stad i filmen. Dialogen er ein omarbeidd versjon av Robert Macfarlanes Mountains of the Mind, og filmen har blitt til ei poetisk reise opp – og ned – tindar og toppar. Defoe snakkar mest i korthogde, aforistiske setningar, som at det å gå opp eit fjell snakkar til noko større i oss, vårt eige fjell. Alt er skrudd saman til tonane frå Australian Chamber Orchestra.
Den klassiske musikken bidreg til det brusande adrenalinet av vanvitige, halsbrekkande scener frå fjellområde verda over. Kameraarbeidet er unikt, og kameraet glir og svever på måtar eg ikkje har sett på eit stort lerret.
I sum er ikkje dette ein dokumentar i klassisk forstand, men meir ein kontemplasjon over den forlokkande krafta fjellet har på menneska. Ei slags kunstnarisk utforsking av ekstremsport i fjellet, og ein måte å sjå dette på i ein større samanheng. Ein meditasjon over den korte eksistensen vår i det store spelet.
Sondre Åkervik
Sondre Åkervik er skribent og student og fast filmmeldar
i Dag og Tid.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.