«Evig eies kun det tapte»
I Milano finst det praktfulle veggmåleriet «Nattverden» av Leonardo da Vinci. Verket er sårbart, og berre ei handfull slepp inn om gangen for å oppleve verket i nokre få minutt, så vert dei jaga ut att. Slike restriksjonar vert meir og meir vanlege verda over, i takt med den kraftige auka av turistar så vel som klimaendringar. I tillegg vert uerstattelege delar av verdsarven stolne eller øydelagde over ein låg sko. Såleis er det viktigare enn nokon gong med god dokumentasjon av verka, og også kunne oppleve kunsten på alternative måtar.
Då eg besøkte festspela i Bergen, fekk eg ei virtuell kunstoppleving i Grieghallen. Gjennom ein hjelm med øyretelefonar og briller fekk eg vere hovudpersonen i eit stykke av Paul Auster. Inntrykka endrar seg etter korleis ein beveger seg, og det kjentest svært ekte ut.
Mange museum har teke eit steg vidare og bygd opp eigne rom som simulerer kjende bygningar med ein teknologi som ikkje krev briller, men eit særleg laserlys. Medan VR-briller er ei personleg oppleving, kan desse romma opplevast i fellesskap.
Ei kjent simulering er «Pure Land» frå 2012, som viser ei av dei rikt utsmykka Mogao-grottene i Kina. Måleria i dei buddhistiske grottetempla er sårbare for luftfukt, og området er stengt for besøkande. «Pure Land» vert vist inne i eit rom som vert bygd i same format som tempelet, og kan opplevast i tre dimensjonar over 360 grader. I tillegg til kjensla av å vere inne i tempelet, kan ein nytte nettbrett til å granske detaljer som ville vere vanskeleg å sjå med auga. Det er endåtil laga animasjonar av nokre musikantar i måleriet, slik at ein kan høyre korleis instrumenta klang.
Den virtuelle rekonstruksjon «Pure Land» er framleis på vandring frå museum til museum, for tida å sjå ved Simon Fraser University i Vancouver.
Sjølv om teknologien gir oss sterke opplevingar, er det nok ei god stund til ei datasimulering slår opplevinga av å vere der. Så om ein er i Milano, anbefaler eg at ein ikkje nøyer seg med den virtuelle versjonen av «Nattverden», men bestiller billett i god tid, godtek den høge prisen og stiller seg i kø for dei femten minutta ein får saman med verket.
Eva Furseth
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I Milano finst det praktfulle veggmåleriet «Nattverden» av Leonardo da Vinci. Verket er sårbart, og berre ei handfull slepp inn om gangen for å oppleve verket i nokre få minutt, så vert dei jaga ut att. Slike restriksjonar vert meir og meir vanlege verda over, i takt med den kraftige auka av turistar så vel som klimaendringar. I tillegg vert uerstattelege delar av verdsarven stolne eller øydelagde over ein låg sko. Såleis er det viktigare enn nokon gong med god dokumentasjon av verka, og også kunne oppleve kunsten på alternative måtar.
Då eg besøkte festspela i Bergen, fekk eg ei virtuell kunstoppleving i Grieghallen. Gjennom ein hjelm med øyretelefonar og briller fekk eg vere hovudpersonen i eit stykke av Paul Auster. Inntrykka endrar seg etter korleis ein beveger seg, og det kjentest svært ekte ut.
Mange museum har teke eit steg vidare og bygd opp eigne rom som simulerer kjende bygningar med ein teknologi som ikkje krev briller, men eit særleg laserlys. Medan VR-briller er ei personleg oppleving, kan desse romma opplevast i fellesskap.
Ei kjent simulering er «Pure Land» frå 2012, som viser ei av dei rikt utsmykka Mogao-grottene i Kina. Måleria i dei buddhistiske grottetempla er sårbare for luftfukt, og området er stengt for besøkande. «Pure Land» vert vist inne i eit rom som vert bygd i same format som tempelet, og kan opplevast i tre dimensjonar over 360 grader. I tillegg til kjensla av å vere inne i tempelet, kan ein nytte nettbrett til å granske detaljer som ville vere vanskeleg å sjå med auga. Det er endåtil laga animasjonar av nokre musikantar i måleriet, slik at ein kan høyre korleis instrumenta klang.
Den virtuelle rekonstruksjon «Pure Land» er framleis på vandring frå museum til museum, for tida å sjå ved Simon Fraser University i Vancouver.
Sjølv om teknologien gir oss sterke opplevingar, er det nok ei god stund til ei datasimulering slår opplevinga av å vere der. Så om ein er i Milano, anbefaler eg at ein ikkje nøyer seg med den virtuelle versjonen av «Nattverden», men bestiller billett i god tid, godtek den høge prisen og stiller seg i kø for dei femten minutta ein får saman med verket.
Eva Furseth
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.