Talaren treng
truverd mest av alt
Skaff deg ein metode, finn ut av sakene og ikkje bløff!
Mina Gerhardsen, som sjølv har vore taleskrivar, har skrive ei bok om kva som gjer ein tale god.
Foto: Gorm Kallestad / NTB scanpix
Sakprosa
Mina Gerhardsen:
Å lykkes med taler. En håndbok for deg som vil skrive engasjerende taler og holde inspirerende foredrag.
Res Publica 2018
Overraskande bøker vert gode vener. Denne synte seg å ikkje vere nok ei overflatisk bok med råd og utkropne PR-triks, noko eg fyrst trudde og var budd på å slakte nådelaust. Eg vart straks fengsla, humra over attkjennlege situasjonar, lun humor og sjølvironi, og hadde glede og nytte av lesinga.
Mina Gerhardsen åtvarar med rette mot utslitne sitat og slagord. I staden viser ho sjølv sitatkunst – med glimt frå interessante talar og frå analytikarar. Ho demonstrerer at det er mogleg å gje etisk høgverdig rådgjeving til allslag folk som har bodskapar å kome med, eller ta del i samfunnet med framlegg og kommentarar.
Situasjonsmedvit
Då eg handfór boka, såg ho ut til å handle om talaren, og eg sukka: Atter ei bok om korleis du skal selje deg og varene dine. Men tvert om: Vi vert systematisk klokare om kvifor talaren må vere truverdig, kompetent, ha greie på sakene ho/han vil formidle, og ikkje minst respektere tilhøyrarane sine – utan å frykte dei.
Utan å brikje med det har forfattaren betre teoretisk grunnlag og meir praktisk røynsle enn mange. Så har ho då også vore taleskrivar og faktafinnar for sentrale politikarar. Konsentrasjonen om korleis talaren sjølv opplever oppgåva si og rolla si før, under og etter talen, er både sjeldan innsynsrik og verdfull.
Ikkje minst er påpeikinga av situasjonsmedvitet viktig. Det kjem ikkje av seg sjølv. På førehand må ein kjenne staden og tilhøva, ein må vite kva verkemiddel og utstyr ein kan nytte, ein må kjenne publikum (for ikkje å verke dum), ein kan ikkje alltid lite på arrangøren og ein må difor ha både plan B og C i påkomande tilfelle.
Stoisk tradisjon
Her kviler boka medvite eller umedvite på den viktigaste retoriske tradisjonen: Den stoiske. Denne filosofien har støtt føresett mot og kraft i kamp for idear og saker, og då er ikkje hovudmålet å gå til åtak med alle middel for å nedkjempe motstandaren. Fyrst og sist må ein ha sjølvkontroll og dermed påverke kjenslene i debattforumet eller salen eller dei media projiserer, så talaren ikkje øydelegg sine eigne mål og méd, både bodskapen og seg sjølv, undervegs.
Vert råda i boka fylgde, får vi ikkje mange nye bløffete, gnålete eller inkjeseiande talarar, snarare fleire som satsar ære og omdømme på å forbetre kvaliteten på diskusjonar. Boka gjorde meg så letta og glad at eg gjerne tilrår henne for studentar, lærarar, organisasjonsfolk, tillitspersonar, festtalarar og andre. Fylgjer de desse råda, gjer de bryllaupa morosamare, doktormiddagane mindre strevsame og politiske møte meir spennande.
Bjørn Kvalsvik
Nicolaysen
Bjørn Kvalsvik Nicolaysen er professor i lesevitskap ved Universitetet i Stavanger og fast skribent i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Sakprosa
Mina Gerhardsen:
Å lykkes med taler. En håndbok for deg som vil skrive engasjerende taler og holde inspirerende foredrag.
Res Publica 2018
Overraskande bøker vert gode vener. Denne synte seg å ikkje vere nok ei overflatisk bok med råd og utkropne PR-triks, noko eg fyrst trudde og var budd på å slakte nådelaust. Eg vart straks fengsla, humra over attkjennlege situasjonar, lun humor og sjølvironi, og hadde glede og nytte av lesinga.
Mina Gerhardsen åtvarar med rette mot utslitne sitat og slagord. I staden viser ho sjølv sitatkunst – med glimt frå interessante talar og frå analytikarar. Ho demonstrerer at det er mogleg å gje etisk høgverdig rådgjeving til allslag folk som har bodskapar å kome med, eller ta del i samfunnet med framlegg og kommentarar.
Situasjonsmedvit
Då eg handfór boka, såg ho ut til å handle om talaren, og eg sukka: Atter ei bok om korleis du skal selje deg og varene dine. Men tvert om: Vi vert systematisk klokare om kvifor talaren må vere truverdig, kompetent, ha greie på sakene ho/han vil formidle, og ikkje minst respektere tilhøyrarane sine – utan å frykte dei.
Utan å brikje med det har forfattaren betre teoretisk grunnlag og meir praktisk røynsle enn mange. Så har ho då også vore taleskrivar og faktafinnar for sentrale politikarar. Konsentrasjonen om korleis talaren sjølv opplever oppgåva si og rolla si før, under og etter talen, er både sjeldan innsynsrik og verdfull.
Ikkje minst er påpeikinga av situasjonsmedvitet viktig. Det kjem ikkje av seg sjølv. På førehand må ein kjenne staden og tilhøva, ein må vite kva verkemiddel og utstyr ein kan nytte, ein må kjenne publikum (for ikkje å verke dum), ein kan ikkje alltid lite på arrangøren og ein må difor ha både plan B og C i påkomande tilfelle.
Stoisk tradisjon
Her kviler boka medvite eller umedvite på den viktigaste retoriske tradisjonen: Den stoiske. Denne filosofien har støtt føresett mot og kraft i kamp for idear og saker, og då er ikkje hovudmålet å gå til åtak med alle middel for å nedkjempe motstandaren. Fyrst og sist må ein ha sjølvkontroll og dermed påverke kjenslene i debattforumet eller salen eller dei media projiserer, så talaren ikkje øydelegg sine eigne mål og méd, både bodskapen og seg sjølv, undervegs.
Vert råda i boka fylgde, får vi ikkje mange nye bløffete, gnålete eller inkjeseiande talarar, snarare fleire som satsar ære og omdømme på å forbetre kvaliteten på diskusjonar. Boka gjorde meg så letta og glad at eg gjerne tilrår henne for studentar, lærarar, organisasjonsfolk, tillitspersonar, festtalarar og andre. Fylgjer de desse råda, gjer de bryllaupa morosamare, doktormiddagane mindre strevsame og politiske møte meir spennande.
Bjørn Kvalsvik
Nicolaysen
Bjørn Kvalsvik Nicolaysen er professor i lesevitskap ved Universitetet i Stavanger og fast skribent i Dag og Tid.
Boka gjorde meg så letta og glad at eg gjerne tilrår henne for studentar, lærarar, organisasjonsfolk, tillitspersonar, festtalarar og andre.
Fleire artiklar
Foto: Terje Pedersen / NTB
Tendensiøs statistikk om senfølger
Myndighetene må anerkjenne at senfølger eksisterer og utgjør et samfunnsproblem.
Klima- og miljøminister Andreas Bjelland Eriksen (Ap)
Foto: Javad Parsa / NTB
Bedre forhold for villreinen
Villreinen som lever i fjellområdene i Sør-Norge, sliter. Skal vi lykkes med å snu utviklingen, må vi finne løsninger sammen.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.