Med lånt lyre
Erlend Skjetne går i nærsynt dialog med Olav Nygard i Liv, eg har drukke.
Erlend Skjetne er frå Melhus og arbeider med norskopplæring for innvandrarar, i tillegg tl å vere forfattar og fast skribent i Dag og Tid.
Foto: Leikny Havik Skjærseth
Lyrikk
Erlend Skjetne:
Liv, eg har drukke
Flamme Forlag
Førre boka til Erlend Skjetne var eit sterkt personleg dokument. I samlinga frå i år går han i nærsynt dialog med Olav Nygard, ein av dei fremste lyrikarane våre. Tittelen er henta frå opningslina til eit kjent dikt frå Kvæde (1915).
Hjå Nygard heiter det rett nok «Liv, eg hev drukke», men kanskje må vi kunne gje Skjetne ein viss diktarfridom. For det han gjer her, heiter på gresk «palimpsest», ei skrift over skrifta, slik pergament i mellomalderen gjerne vart nytta fleire gonger. Dei strauk ut den opphavlege teksten og skreiv ein ny over, ofte i fleire lag, ettersom pergament var kostbart.
Personleg tone
Meir eller mindre opne referansar til Nygards dikting finn ein nær sagt overalt, og han «mimar» til og med abba-forma til modalingen:
Kjenn angen av ein tidleg dag i verda –
Du var eit frø, og alt låg enno ope,
og heile livet skimra i ein drope,
og ingen engel kravde plass på herda.
Tematikken ligg tett opptil Nygards eigen: kjærleik, lengsle, himmelsyner: «Knust flaske ein gong full/ av skummande himmel: Kallet kling/ i dei småe tinga, drikk av ferda og dogga». Også i denne samlinga er tonen personleg, men det finst òg ein større avstand og distanse her, sidan han trass alt skriv seg opp mot ein annan diktar – uansett kor djupt han har trengt inn i diktarverda til Nygard.
Kanskje har avstanden vore bra for Skjetne, for på fleire måtar tykkjer eg at forma er meir stilrein og gjennomarbeidd enn i Alt som skranglar, og sjølve opplegget og grunnideen er i høgste grad ambisiøs. Reint poetisk når han nok høgre i Liv, eg har drukke. Sjølv om han skriv seg opp mot Nygard, er det mest i det ytre; for røysta til Skjetne ber klårt gjennom alle dikta.
«Kvardagen spelar ei mykje større rolle hjå Skjetne enn hjå Nygard.»
Kvardagen
Diktinga til Skjetne er djupt menneskeleg innstilt, sjølve antitesen til avhumaniseringa av kunsten som José Ortega y Gasset diagnostiserer i essayet som på bokmål heiter Kunsten bort fra det menneskelige. Hovudmotsetnaden mellom Skjetne og Nygard er nok at kvardagen spelar ei mykje større rolle hjå Skjetne.
Nygard stod ved det heilage, medan Skjetne lik Olav H. Hauge har funne ut at «det gjeng an å leva/ i kvardagen òg». Skjetne posisjonerer seg soleis: «Pløyer ny jord, sår med nye ord/ og gamle teigar blir liggjande brakke./ Ein kan snart ikkje sjå dei for skogen,/ der blomane og insekta heller ikkje lenger/ heiter det same».
Kanskje er det feil å kalle diktsamlinga eit eksperiment, men i alle høve er det eit vellukka eksperiment.
Kjetil Berthelsen
Kjetil Berthelsen er litteraturvitar.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Lyrikk
Erlend Skjetne:
Liv, eg har drukke
Flamme Forlag
Førre boka til Erlend Skjetne var eit sterkt personleg dokument. I samlinga frå i år går han i nærsynt dialog med Olav Nygard, ein av dei fremste lyrikarane våre. Tittelen er henta frå opningslina til eit kjent dikt frå Kvæde (1915).
Hjå Nygard heiter det rett nok «Liv, eg hev drukke», men kanskje må vi kunne gje Skjetne ein viss diktarfridom. For det han gjer her, heiter på gresk «palimpsest», ei skrift over skrifta, slik pergament i mellomalderen gjerne vart nytta fleire gonger. Dei strauk ut den opphavlege teksten og skreiv ein ny over, ofte i fleire lag, ettersom pergament var kostbart.
Personleg tone
Meir eller mindre opne referansar til Nygards dikting finn ein nær sagt overalt, og han «mimar» til og med abba-forma til modalingen:
Kjenn angen av ein tidleg dag i verda –
Du var eit frø, og alt låg enno ope,
og heile livet skimra i ein drope,
og ingen engel kravde plass på herda.
Tematikken ligg tett opptil Nygards eigen: kjærleik, lengsle, himmelsyner: «Knust flaske ein gong full/ av skummande himmel: Kallet kling/ i dei småe tinga, drikk av ferda og dogga». Også i denne samlinga er tonen personleg, men det finst òg ein større avstand og distanse her, sidan han trass alt skriv seg opp mot ein annan diktar – uansett kor djupt han har trengt inn i diktarverda til Nygard.
Kanskje har avstanden vore bra for Skjetne, for på fleire måtar tykkjer eg at forma er meir stilrein og gjennomarbeidd enn i Alt som skranglar, og sjølve opplegget og grunnideen er i høgste grad ambisiøs. Reint poetisk når han nok høgre i Liv, eg har drukke. Sjølv om han skriv seg opp mot Nygard, er det mest i det ytre; for røysta til Skjetne ber klårt gjennom alle dikta.
«Kvardagen spelar ei mykje større rolle hjå Skjetne enn hjå Nygard.»
Kvardagen
Diktinga til Skjetne er djupt menneskeleg innstilt, sjølve antitesen til avhumaniseringa av kunsten som José Ortega y Gasset diagnostiserer i essayet som på bokmål heiter Kunsten bort fra det menneskelige. Hovudmotsetnaden mellom Skjetne og Nygard er nok at kvardagen spelar ei mykje større rolle hjå Skjetne.
Nygard stod ved det heilage, medan Skjetne lik Olav H. Hauge har funne ut at «det gjeng an å leva/ i kvardagen òg». Skjetne posisjonerer seg soleis: «Pløyer ny jord, sår med nye ord/ og gamle teigar blir liggjande brakke./ Ein kan snart ikkje sjå dei for skogen,/ der blomane og insekta heller ikkje lenger/ heiter det same».
Kanskje er det feil å kalle diktsamlinga eit eksperiment, men i alle høve er det eit vellukka eksperiment.
Kjetil Berthelsen
Kjetil Berthelsen er litteraturvitar.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.